A rokui el chad a ngar ngii a taem el bo lemekngit a rengrir. Tia diak lebelkul a kmo ngdiak a klaumerang er kid er a Jehovah. Mo lmuut er a Jehovah me ngouchais el kmo ngngar ngii aike el taem el bo lemekngit a rengul. (Gen 6:​5, 6) Engdi ngmekerang a lsekum ngblechoel el mo imis el mekngit a rengud me a lechub e kede feel el uaisei er a bek el taem?

Moluluuch el mora Jehovah. A Jehovah kmal semeriar el mo medengei aike el ngar er a rengud me a uldesued. Ngmedengei sel ledeu a rengud me sel lemekngit a rengud. Ngmedengelii a uchul me kede omelechesiu el uaisei. (Psa 7:9b) E a ngaruchei er ngii, a Jehovah kmal omekerreu a duubech el mei er kid e sebechel ngosukid loutekangel sel bo lemekngit a rengud me a lechub e kede mo depressed. —Psa 34:18.

Bekerreuii a uldesuem. Sel bo lemechitechut a rengud e ngmo diak el deu a rengud me ngii a ngar ngii a lebo el rellii er a omengull er kid. Tiakid a uchul me ngkired el mekerreuii a rengud.—Osi 4:​23, NW.

MOMES ER A VIDEO EL HOW OUR BROTHERS ARE ENJOYING PEACE DESPITE DEPRESSION, E MONGER AIKA EL KER:

• Ngera ngmirruul a Nikki el ngilsuir el outekangel er a depression er ngii?

  Nger er kau

• Ngera uchul me a Nikki mlo feel el kmo ngkirel losiik a ukeruul?—Mt 9:12

  Nger er kau

• Ngoeak a ngera el rolel e a Nikki mle ultuil er a Jehovah el mo olengeseu er ngii?

  Nger er kau