A rebetok a diak loumerang er a rechad lolab a klisiich. E kmal sebeched el mesa uchul. A rechad a kemanget a reksi er tir el di ousbech a klisiich el meruul a mo uchul a klungiolir. (Mik 7:3) Kede mera el oba omereng el saul le remechuodel er a ongdibel a bla le train er tir el mo ousbech a klisiich el lolab el meruul a mo uchul a klungiolir a rechedal a Jehovah.—Est 10:3; Mt 20:​25, 26.

A remechuodel a diak el ua rechad er a beluulechad lolab a klisiich. Te melai a ngerachel lomekrael e le ngbetik a rengrir er a Jehovah me a rechedal. (Jn 21:16; 1Pe 5:​1-3) Ngar cheungel a ulekrolel a Jesus, e te olengeseu er a rederta el publisher el mo melechesuar el kmo te chedal a telungalek er a Jehovah, e ngosuterir el melemolem el kmeed er Ngii. Te kmal di mereched el mo melisiich er a resib er a Jehovah, e olengeseu sel leduubech a emergency er a rolel a ukeruul me a lechub sel leduubech a tellemall er a beluu. A lsekum ke ousbech a ngeso, e mongedecheduch er a remechuodel er a ongdibel er kau.—Jak 5:14.

MOMES ER A VIDEO EL SHEPHERDS WHO CARE FOR THE FLOCK, E MONGER AIKA EL KER:

• Ngmilekera Mariana e ngilai a klungiolel er a ngeso er a remechuodel?

  Nger er kau

• Ngmilekera Elias e ngilai a klungiolel er a ngeso er a remechuodel?

  Nger er kau

• Uriul er a omomes er tia el video, e ngmlo uangerang a uldesuem el kirel a ureor loruul a remechuodel?

  Nger er kau