A ta er a klebesei e a odos el ngar er a New Zealand a ulemes er a video el “Have . . . Concern for One Another,” el ngii a mesaod er a rolel e a Jehovah diak el di el feel er a klechubechub ngdirrek lolecholt er ngii. (Isa. 63:​7-9) Me ngmle soal loltaut aike el lesiluub loeak a lolengeseu er a rechad. A uriul er tia el osisiu el sils er a bo le shopping a kall, e ngmle meet er a redil el homeless e mle offer lomechar a kelel. Me ngika el redil a kilengei. Me a odos a liluut el mei lolab a kall, e mle telkib lousioning el mo er ngii lousbech er a tract el Ngsebechel el Mo Diak a Ringel?

Ngika redil a lilangel. Ngdilu er a odos el kmo ngmlukeroul el Sioning engdi ngchilitii a klemerang er a betok el rak er a mla me mong. Engdi kedeb el taem er uchei er tiang ngulemuchel el meluluuch lolengit er a Jehovah me lengesuir el lmuut el mo er ngii. Me a odos a milsa Biblia e arrange er a study. a

Ngsebeched el loukerebai er a klechubechub er a Jehovah el mora rechad, luldimukl er a rechedad me a rudam me a rudos er a ongdibel. E sebeched lochotii a klechubechub loeak a dosiik a techall el mo ousioning el mora rechad.