Kau ke mle kerekikl el menguiu aike el Ongkerongel er chelecha el rak? Ka mesa el kmo ngsebechem longer aika el ker:

Ngera uldimukl er sel ‘mukbeches a uldesued’? (Rom 12:​2, NW)

Ngdiak el sel di domesiich er a klengar er kid loeak a doruul a bebil lungil tekoi. Ngkired el merriter er ngike el mera el chad er a chelsed e meruul aike el kirel ruoll me bo lsebechel a klengar er kid el mo oltirakl a llechul a Jehovah el mo er sel tkurrebab el sebeched.—w23.01, 8-9 el llel.

Ngmekera sebeched el tabesul sel domes a blekeradel er a beluulechad?

Ngsoad lomtab a rolel e a blekeradel el duubech er a beluulechad oltaut a ulaoch er a Biblia. Me nguaisei engdi ngdiak dolechedech el ngii a sebechel mo uchul a klekakeakl e kede bai melai a uchetemel a tekoi el dolekoi er aike el loltobed a cheldebechelel a Jehovah. (1 Ko. 1:10)—w23.02, 16 el llel.

Ngera klekakerous er a techolb er a Jesus me a techolb er a rultirakl er ngii?

A Jesus a dimlak lousbech el mo tibir a rengul el mora Jehovah e le ngmlechell el chedal a renged el telbiil el mora Dios. Ngdimlak lousbech el mo obult a kngtil e le ngmle cherrungel me ngdimlak a kngtil.—w23.03, 5 el llel.

Kede mekera ngosuterir a rebebil el onger er a temel a miting?

Ngsebeched el remuul a nger er kid el mo kedeb, e mesterir a techellir a rebebil el mo onger. Ngdirrek el diak el soad el mesaod a betok el tekoi. Seikid e ngmo sebechir a rebebil el mesaod aike el bebil er a tekoi.—w23.04, 23 el llel.

A “rael er a Chelledaol” el losaod er ngii a Isaia 35:8 ngmelutk er a ngerang?

Tia el okesiul a rael a kot e ngmillutk er a omerollir a Rechijudea er a Babilon el lmuut el mora belurir. E kuk mekera el kirel chelecha el taem? Betok el dart el rak er a uchei er a 1919, e ngmle kirel ngar ngii a ileakl el ureor er omengetmokl, el ua oidel me a printing er a Biblia me a lmuut el bebil. A rechedal a Dios a mla merael er tia el “rael er a Chelledaol” el obekid el mora baradis er a klereng, e ngoikid el mora ike el klengeltengat el mei lokiu a Renged.—w23.05, 15-19 el llel.

A Osisechakl 9 el bliongel ngomeskid a ulekrael el mlara rua techa el teru el okesiu el redil?

Osisechakl a mesaod el kirel a ‘kebelung el redil’ el okedongel a uchul e a chad a mo “mad” me a “mera el llomeserreng” el omekesiu er a redil el okedongel a mora “rolel a klemedengei” me a klengar. (Osi. 9:​1, 6, 13, 18, NW)—w23.06, 22-24 el llel.

Ngmilekera klengariourreng me a tabesul luldasu luleba Dios e mocholt er a omerellel el mora Lot?

Jehovah dilu er a Lot me lechiis el tuobed er a Sodom el mora bukl. Engdi Lot er a lolengit me bo lsebechel chemiis el mora Soar, e a Dios a kilengei er a ongtil.—w23.07, 21 el llel.

Ngera sebechel a bechiil redil meruul er ngii a lsekum a bechil a omes a siasing er a remeau?

Ngdiak el kirel di ngii el blame er ngii. Ngkirel focus er a deleuill er ngii me a Dios e melebedebek a cheldecheduch er a Biblia el kirir a redil el kmal mle chuarm a rengrir e miltik a ongelaod er a loluluuch el mora Jehovah. Ngdirrek el sebechel ngosuir a bechil el mengeroid er ngii er aike el mo mengesuseu er ngii.—w23.08, 14-17 el llel.

Ngmekera klemedengei e ngosukid loba delemedemek sel loker el kirel a klaumerang er kid?

Ngsebeched lomes er a keril a chad el rolel e ngngosukid el mo medengei a uldesuel me aike el meklou a ultutelel er ngii. Seikid e ngmo sebeched el longer er ngii el ngar er a ungil el rolel.—w23.09, 17 el llel.

Ngera sebeched el suubii er a Maria el kirel a rolel a denguu a klisiich?

Sera bo lodengei el kmo ngmo delal a Mesias, e a Maria a ngilai a omelisiich er a rebebil. A Gabriel me a Elisabeth a millisiich er ngii lokiu a Bades. Kid me ngsebeched el melai a omelisiich er a rekldemed er a klemerang.—w23.10, 15 el llel.

Ngmekera Jehovah e onger a nglunguched?

Ngtibir el kmo ngmo orrenges a nglunguched e sel lorrenges e ngmelatk er a moktek er ngii. (Jer. 29:12) Nglocha mo onger a osisiu el nglunguuch el ngar er a kakerous el rolel, engdi ngdi mo blechoel el support er kid.—w23.11, 21-22 el llel.

A Rom 5:2 a mesaod el kirel a “omelatk” me ngera uchul me a 4 el kekerei el bades a lmuut el omelekl er ngii?

A chad sel kot el rongesii a ungil chais e ngmo oba omelatk el kiei el mo cherechar er a baradis el chutem. Me nguaisei engdi sel bo lechebangel a kakerous el ringel e di melemolem loba blakerreng el loutekangel e mo melechesuar er a kengei er a Dios, e a omeltkel a mo mesisiich e mo mera el tekoi er a rengul.—w23.12, 12-13 el llel.