Ngar tia el Ongkerongel e kede mla suub aike el ngosukid longer er a ker el, Ngtecha Dios? Kede mla suubii el kmo a ngklel a Jehovah e a ngarbab el blekerdelel a bltikerreng. Kede dirrek el mla suub aike el bla leruul me aike el bo loruul el mo uchul a klungioled a rechad. Alta ngkmal dirk betok a sebeched el suub el kirel a Dios, ke locha melatk el kmo, ngera ngrullii el mei er ngak a kulemolem el mesuub a lmuut el betok el kirel.

A Jehovah tibir el kmo “a lsekum kosiik er ngii e ngmo ochotii er kau.” (1 Kronika 28:9, NW) Ka di molatk er a kmal mekreos el sengk el bo mnguu sel mosiik er a Dios e bo modengelii, e ngmo er ngii a “kmes el klausechelei [er kau] lobengkel a Jehovah”! (Psalm 25:14, NW) Ngera belkul el kirem tia el klausechelei?

Ngmo bliochel a deuil a rengum. A Jehovah a losaod er ngii el kmo ng “dmeu a rengul el Dios.” (1 Timothy 1:11, NW) Sel obo mkeed er ngii e moukerebai omerellel e ngmo uchul a bliochel el deurreng, el ngii a ungil kirel a bedengem, rengum, me a uldesuem. (Psalm 33:12) Ngdirrek el sebechel mo mui er a deurreng a klengar er kau le ke mo mengeroid er kau er a rolel a klengar el mekngit er a bedengem, mo meruul a tekoi el lungil er a health er kau, e mo er ngii a ungil deleuill er kau me a rebebil. Ke mo kongei a tekingel a ta er a milluches er a Psalm el dilu el kmo: “Ngdi kuk le ngak e ng bai ungil a dekeed er a Dios!”​—Psalm 73:28.

Ke mo mukerreu. A Jehovah tibir el mora remesiungel el kmo: “Ak mo osisecheklau e meskau a ngesou er a ungil uldasu.” (Psalm 32:8) Tia belkul a kmo a Jehovah omekerreu el kirel a rederta el mesiungel e omesterir a rederta er tir aike el lousbech. (Psalm 139:1, 2) Sel bla bo er ngii a ungil deleuill er kau me a Jehovah e ke mo mesa el kmo ngblechoel el lobengkem.

Ngmo er ngii a ungil klengar el kirem er a ngar medad. A Jehovah olengeseu er kau el mo ungil e deurreng a klengar er kau er chelechang, ngdirrek meskau a techall el mo nguu a ungil klengar er a ngar medad. (Isaia 48:17, 18) A Biblia kmo: “A diak a ulebengelel klengar a belkul a kmo, bo lodengelkau el di ta el meral Dios, e bo lodengelii a Jesus Kristus el ngikel mulderchii el mei.” (Johanes 17:3) Chelsel aika el kmal meringel el taem, e a omelatk el kirel a ngar medad el lebeskid a Dios a uai a uak el rullid el mo “ultebechel el diak [dolmesim].”​—Hebru 6:19, BT.

Aika di bebil er aike el meklou a ultutelel luchul me ngkired el mo medengelii a Dios e toketekii a deleuill er kid me ngii. Ngkmal sebechem el mengedecheduch er a ta er a Sioning er a Jehovah me a lechub e ke mora jw.org/pau el kirel a lmuut el betok.