Kede Ousbech er a Beches el Beluulechad!
A António Guterres, el secretary-general er a United Nations a dilu el kmo, “Kede kiei er a beluulechad el mui er a mondai.” Ke locha kmal kongei a tekingel.
A news a di mui er a mekngit el chais
Rakt me a secher
Telemellel a beluu
Chelebuul me a klengerenger
Pollution me a global warming
Delengerenger, koadelchad, me a chelebirukel
Mekemad
Me kede kmal ousbech er a beches el beluulechad. Beluulechad el
Rokui el chad a cherrungel a klisichel a bedengir
Rokui el chad a selebechakl e ulekerreu
Betok a kall er ngii
Ungil a environment er ngii
Melemalt a rokui el tekoi er a chelsel
Budech el rokir
Me nguaisei engdi ngera belkul tia el beches el beluulechad el dosaod er ngii?
Ngera mo duubech el mo er tia el beluulechad el dekiei er ngii er chelechang?
Ngera sebeched el meruul er ngii me bo dekiei er a beches el beluulechad?
Tia el Ongkerongel a mo mesaod a nger er a Biblia el kirel aika el ker me a lmuut el bebil er a ker el ngii a kmal mengelaod er kid.
Nglocha Dirrek el Mo Soam
A ONGKERONGEL
Ngera Uchul Me Kede Ousbech er a Rengedel a Dios?
A lsekum a rediak lemecherrungel el chad a di tir el mengedereder er tir, e ngblechoel el mo uchul a mondai.
