A rechad er a Israel er a lengar er a ked el 40 el rak e te oumesingd el di milenga mana. (Exo. 16:35) Jehovah dirrek el mle eru el taem el lebesterir a kelir el quail. (Exo. 16:​12, 13; Ule. 11:31) Me nguaisei a rechad er a Israel a dirrek el mla er ngii a lmuut el bebil kelir.

El ua tiang, a Jehovah lebebil e ngulemekrael er tir el mora “basio lolengull” er ngii, el mla er ngii a kall me a ilumel er ngii. (Ule. 10:​33, NW) A ta er aika el basio a Elim el mla er ngii er ngii a “tacher ma teblong el madedok, ma 70 el dellomel el palm,” el date el palm. (Exo. 15:27) A book el Plants of the Bible a kmo, a date el palm “el duubech er a betok el basio, . . . a dellomel el kall el kot el lousbech er ngii tirke el ngar er a medideriik el beluu. Ngkerrekar el sebechel kall, cheluch, e omderungel el kirir a rebetok el miliol el chad.”

A rechad er a Israel a dirrek el locha mlo stob er a klou el mellekulek el basio el dodengelii er chelechang el Feiran, el ngii a part er a Wadi Feiran. a A book el Discovering the World of the Bible a melekoi el kmo tia el dellas a “81 el mael a klemengetel e ta er a kot el kemanget e klebokel e merael a chisel el dellas er a Sinai.” Ngmelemolem el melekoi el kmo: “A bekord el 28 el mael er a ngerel tia el dellas e ngngar ngii a 3 el mael a klemengetel el mellekulek el basio el 2,000 el fit er bebul a daob, el kmal klebokel e mui er a kerrekar el palm lokedongall el Feiran. Tia sers er a Eden er a Sinai. Rechad er a chelsel aika el betok el telael el rak a mei er tiang el mo omes a date el palm er ngii.”

A rechad er a Israel er a letobed er a Ekipten e te ngilai a rremotel el blauang me a ollaol, me a locha bebil er a grain me a cheluch. Nguaisei aika dimlak el medechel el meketeket. A rechad a dirrek el ngilai a “betok el sib ma kaming ma kerbou.” (Exo. 12:​34-39) Ngii el kmal mle meringel a klengar er a ked a uchul me a betok er a charm a locha mlad. A bebil er ngii a locha lulengang, me a bebil a locha lullenget, me a lullenget el mora klsuul el chelid. b (Rel. 7:​39-43) Me  nguaisei a rechad er a Israel el lulemekbuch a charm a desa er a tekingel a Jehovah el mo er tirke el dimlak lochotii a klaumerang er ngii: “A re ngelekiu a mo klekerengel a sib el ngar a ked el 40 el rak, el chuarm er a bleoterreng er kemiu, el dimerkmo cho mad el rokui.” (Ule. 14:33) Me ngsebechel aika el charm el mlo uchul e ngngar ngii a milk me a tech engdi ngdiak el sebechel mesiou er a er a rebekord el edei el miliol el chad el 40 el rak er a ked. c

Me aika el charm ngmiltik a kall me a ralm er ker? d Seikid el taem e nglocha mle betok a chull e betok a dellomel er a ked. A Insight on the Scriptures, Volume 1 a melekoi el kmo a 3,500 el rak er a mla me mong, “e ngmle lmuut el betok a ralm er aike el beluu el lemla er ngii a rechad er a Israel er chelecha el taem. Ngsebeched el melekoi el uaisei e le ngbetok a dellas el mirruul er a omoachel el mle dmolech engdi ngmla mo medirt.” Me nguaisei a ked a dirk mle cheloit e kengaol el basio. (Dut. 8:​14-16) A lemlak a ralm el mla er a Jehovah e a rechad er a Israel me a chermir ulterekokl el mlad.—Exo. 15:​22-25; 17:​1-6; Ule. 20:​2, 11.

A Moses a dilu er a rechad er a Israel el kmo a Jehovah ulemeka er kemiu er a mana “me losisecheklemiu el kmo ng diak di le kall a meskid a klengar; a chad ousbech a bek el tekoi el ledu Dios.”—Dut. 8:3.