Ngerang a Rengedel a Dios?
Ngerang a Rengedel a Dios?
A REBEBIL A OUMERA EL KMO ngomtechei er a omengederederel a Dios el ngar er a rengul a chad; me a rebebil a omdasu el kmo ngomerellir a rechad el melasem el meleketek a budech me a kltarreng er a beluulechad el rokir. E ngera uldesuem?
A BIBLIA A MESAOD EL KMO
“A Dios el ngar a eanged a mo toketekii a rengedel el mo diak a ulebengelel. . . . E ng bai mo okngemed [a rokui el] renged” el ngar er tia el chutem. (Daniel 2:44) A Rengedel a Dios a mera el kabelment.
NGERA LMUUT EL BEBIL EL DESUUB ER A BIBLIA?
A Rengedel a Dios a mengederedel el ngar er a eanged.—Mateus 10:7; Lukas 10:9.
A Dios a ousbech er a Rengedel el mo oltaut a soal er a eanged me tia el chutem.—Mateus 6:10.
Ngoingerang e ngmei a Rengedel a Dios?
NGERA KE MO DMUNG?
Ngdiak kudengei
Ngdi kmedung
Ngkmal diak lemei
A BIBLIA A MESAOD EL KMO
“Tial Ebangkelio el kirel ngii el Renged a mo mosisechakl er a beluulchad el rokir el kirel el mo ocholt el mor a rokui el chad, e sola e ng mochu er ngii a ulebongel er a beluulchad.” (Mateus 24:14) Me sel loberk tia el ungil chais, e a Rengedel a Dios a mei el mo okngemedii tia el mekngit el beluulechad.
NGERA LMUUT EL BEBIL EL DESUUB ER A BIBLIA?
Ngdiak a ngar er tia el chutem el medengelii sel taem el Rengedel a Dios a mei.—Mateus 24:36.
A ulaoch er a Biblia a ochotii el kmo a Rengedel a Dios a di kmedu el mei.—Mateus 24:3, 7, 12.
