PROJECT ER OMESUUB
Rechad el Loba Blakerreng Oltaut a Telbilir
Monguiu er a Mengeteklel 11:30-40 e mngai a klubelem er a Jeftha me a ngelekel el kirel a doltaut a telbiled.
Morriter er a cheldecheduch el rokir. Ngmle uangera osengir a rechad er a Israel el uleba blakerreng el kirel a telbiil el leriruul el mora Jehovah? (Ule. 30:2) Ngmilekera Jeftha me a ngelekel e ochotii el kmo te uluumerang er a Jehovah?—Men. 11:9-11, 19-24, 36.
Bom dmolech el merriter. Nglocha ngera ngmillatk er ngii a Jeftha er a lerellii tia el telbiil? (w16.04 7 par. 12) Ngera mle kirel a Jeftha me a ngelekel el kongei el chemoit el mo oltaut er a telbilel? (w16.04 7-8 par. 14-16) Ngera el telbiil a locha bo loruul a Rekristiano er chelecha el taem?—w17.04 6-9 par. 10-19.
Klubelem er ngii. Di lekau el oker:
-
‘Ngera sebechel ngosukak el melemolem loltaut er a telbilel a renguk el mora Jehovah?’ (w20.03 13 par. 20)
-
‘Ngera sebechek el kongei el chemoit me kluut el mo mui el mesiou er a Jehovah?’
-
‘Ngmekera sebechek el smisichii a renguk el mo melemolem loltaut er a telbilek el mora bechik?’ (Mt. 19:5, 6; Efe. 5:28-33)