A apostol Paulus a milluches el mora Timothy el dirrek el uai ngii el ta er a remechuodel el kmo: “Ak ngar medal a Dios ma Kristus Jesus ma re ngellitel el anghel e dmu er kau el kmo, bo mungil el oltaut a ikal tekoi e lak molab el mol mei e mongetukel er a re chad.”—1 Ti. 5:21.

A kot e me dosaod er tirke el diak el sebechir el tirka el anghel. Tirka diak el sebechir el tirke el chedal a re 144,000. A Paulus er a loluches el mora Timothy e ngdirkak lebo er ngii okiis el mora eanged. A rechapostol me a rengellitel el Kristiano dirkak bo el anghel me tirka el “ngellitel el anghel” a diak el sebechir el melutk er tir.—1 Ko. 15:​50-54; 1 Th. 4:​13-17; 1 Jn. 3:2.

Tirka el “ngellitel el anghel” a dirrek el diak sebechir el melutk er a rechanghel el mlo diak lolengesenges er a taem er a Ieleb. Tirka mlo obengkel a Satan e mlo mekngit el anghel el recherrouel a Jesus. (Gen. 6:2; Lk. 8:​30, 31; 2 Pe. 2:4) A ngar medad e te mo obidokl er a diak a btil deliobech el 1,000 el rak e a uriul e te mo mokngemed lobengkel a Diabelong.—Jud. 6; Och. 20:​1-3, 10.

Me a “re ngellitel el anghel” el losaod er tir a Paulus a ulterekokl el anghel er a eanged el mle support er a “Dios ma Kristus Jesus” el dirrek el losaod er tir tia el bades.

Te ngar ngii a rebetok el dart el telael el blak a rengrir el anghel. (Heb. 12:​22, 23) Kede mtebengii el kmo ngdiak el ta urerir el rokui. (Och. 14:​17, 18) Mutebengii el kmo ngmle ta el anghel a di mle ngii el tang e mekodeterir a re 185,000 el soldau er a Asiria. (2 Ki. 19:35) A rebetok el anghel a locha ngerechelir el “mo ngoiteterir era rengedel a Dios ar olibesongel mar meruul a chelebirukel el chudelterir.” (Mt. 13:​39-41, BT) A rebebil a locha kuk ngerechelir el “mo chudelterir a re ngellitel el chedal” el mora eanged. (Mt. 24:31) E ngar ngii a rekuk bebil el ngerechelir el ‘mengkar er kid er a rokui el roled.’—Psa. 91:​11, NW; Mt. 18:10; momekesiu er a Mateus 4:11; Lk. 22:43.

Me a “re ngellitel el anghel” el losaod er tir a 1 Timothy 5:21 a ulterekokl el kuk bebil er a rechanghel el mla er ngii ileakl el ngerechelir el ngar ngii a rolel el mora rechedal a Dios. Sel domes er a cherrengelel tia el bliongel e kede mesa el kmo a Paulus a milsterir a remechuodel el tir oba omengull er a rechedal a ongdibel a ulekrael. A remechuodel a kirir el meruul a ngerechelir el ‘diak lolab el mol mei e longetukel er a re chad.’ A klou a ultutelel el luchul me te oltirakl er tia el mlukreng el tekingel a Paulus a tir el mesiou el “ngar medal a Dios ma Kristus Jesus ma re ngellitel el anghel.” Me ngbleketakl el kmo a rebebil el anghel a ngar ngii a ngerechelir el ngar ngii a rolel el mora ongdibel el uai e a omekerreu er a rechedal ongdibel, omes er a ureor er a berkel a klumech, e ouchais er a Jehovah aike el leues.—Mt. 18:10; Och. 14:6.