Kau ke mle kerekikl el menguiu aike el Ongkerongel er chelecha el rak? Ka mesa el kmo ngsebechem longer aika el ker:

Ngera el kerebai a leketmeklii a Jehovah el kirel omerelled el mora redil?

Ngdiak longetukel, el diak soal a sechal el kuk ngaruchei er a redil. Ngorrenges er tir, ngsoal mo medengei aike el lomelechesiu e lebekikl el kirel. Ngoumerang er tir el mo kutmeklii a urerel.—w24.01, 15-16 el llel.

Ngmekera sebeched el loltaut er a Efesus 5:7 (BT), el ngii a kmo: “Lako bo mteloi ra delongelir”?

A apostol Paulus a milengelechel er kid me ngdiak bo dobengterir a rechad el tir a rullii el mo meringel er kid oltirakl a llechul a Jehovah. Tia diak di lolutk er a rechad el bo deteloi er tir ngdirrek melutk er a social media.—w24.03, 22-23 el llel.

Ngera el blulak el chais a kired el mo kerekikl er ngii?

Ngkired el mo kerekikl a chais el rudam me a rudos er a ongdibel a locha mo ouchais er kid el dimlak el verify, rechad el diak dodengelterir a email el mei er kid, me a lechub kede mo remenges er a rumtok a mera el osisechakl sel domerk er a klumech, el tir omart er a mera el moktek er tir.—w24.04, 12 el llel.

Ngera kede medengei me a diak dodengei el kirel a rolel e a Jehovah mo oukerrekeriil er a King Salomon me tirke el mlad er a Sodom me a Gomora me a Ieleb?

Ngdiak dodengei el kmo a Jehovah ngmla mesterir a diak a ulebengelel el tellemall. Me nguaisei engdi kede medengei el kmo a Jehovah medengei a rokui el tekoi e kmal klou a klechubechub er ngii.—w24.05, 3-4 el llel.

A Dios el ngii a “Risois” ngolterekokl er a rengud er a ngerang? (Dut. 32:​4, NW)

Ngsebeched el losiik osebechakl er a Jehovah. Ngkmal sebeched el ultuil er ngii, ngoltaut a telbilel. E ngii a diak el mesim, a blekerdelel me a moktek er ngii a diak lemengodech.—w24.06, 26-28 el llel.

Ngera sebechel ngosukau el adjust er kau er a beches el ongdibel?

Moumera el ulsirs er a Jehovah, el ngii a mo ngosukau el ua lengilsuterir a remesiungel er a irechar. Lak em compare a blekeradel el mo er sel mle ongdibel er kau. Em involve er kau er a tekoi er a beches el ongdibel er kau e momak a beches el klausechelei er kau.—w24.07, 26-28 el llel.

Ngera kede suub er aike el kldei el okesiu er a 25 el bliongel er a Mateus?

A okesiu er a resib me a rekaming a melisiich er a klungel a ultutelel a bo doba blakerreng. Ngar er a okesiu er a remellomes me a rediak el mellomes el ekebil e ngmelisiich er a klungel a ultutelel a bo dekltmokl e deklekar. E ngar er a okesiu er a retedei el mesiou e ngmelisiich er a klungel a ultutelel a bo dechad er a ureor.—w24.09, 20-24 el llel.

Ngmle uangerang a kldidiul a templo er a Salomon?

Ngar er a bebil chuodel el iluil el babier e a 2 Kronika 3:4 a kmo “120 el cubit,” el belkul a kmo a siseball el delemerab a 175 el fit a kldidiul. Me nguaisei aike el lmuut el bebil er a iluil el babier el sebeched el lultuil a kmo “20 el cubit,” el belkul a kmo ng 30 el fit a kldidiul. Tia el ongerung a chatter er a krekrel a a kboub er a templo.—w24.10, 31 el llel.

Ngera belkul el mora ministerial servant a “kirel di ta bechil”? (1 Ti. 3:12)

Ngbelkul a kmo ngbechil a di chimo el redil e diak el kirel meruul a deleboes. Me a lmuut kung, ngkmal diak el kirel el olengamech er a ngii di el redil.—w24.11, 19 el llel.

Ngera uchul me ngsebeched el melekoi el kmo a Johanes 6:53 a diak lolutk el kirel a Chedaol Belsoil er a Rubak?

A Johanes 6:53 a melekoi el kmo ngkired el menga er a techel a bedengel a Jesus e melim er a rsechel. A Jesus a dilu ikang er a Galilea el mora Rechijudea el dirkak bo loumerang er ngii er a 32 C.E. Me nguaisei engdi a Chedaol Belsoil er a Rubak a mileketmokl er a Jerusalem er a ta el rak er uriul er tiang. Ngar isei e a Jesus a milengedecheduch er tirke el mo mengedereder lobengkel er a eanged.—w24.12, 10-11 el llel.