A Biblia bleketakl louchais el kmo a Jehovah sebechel louchais aike el mo duubech er a ngar medad. (Isa. 45:21) Ngdiak louchais er a rolel e ngmo medengei me a lechub e ngoingerang el taem e ngsoal mo medengei me a lechub e ngidisel a tekoi el soal el mo medengei. Me ngdiak dolasem el mo medengelii a rolel a loruul er tiang. Engdi ngngar ngii a bebil el tekoi el dodengei.

A Jehovah diak a limit er ngii engdi ngoltirakl a limit el bla leruul el kirel. A Jehovah sebechel lousbech er a diak lemetuk el llomeserreng er ngii louchais a ngii di el tekoi el soal. (Rom 11:33) Engdi ngii el loba ulserechakl el reng a uchul me ngsebechel melilt el diak bo lodengei a tekoi el mo duubech.—Momekesiu er a Isaia 42:14.

Jehovah rullii me ngmeketmokl a soal. Ngmekera tiang e connect el mora duch er ngii louchais a tekoi el mo duubech? A Isaia 46:10 a kmo: “Ngar sel kmal uchelel e ak uluuchais er a mo rsel; ak di mla ouchais er a mo duubech. Ak dilu el kmo a ikel uldesuek a kmal diak bo le metom; ak mo remuul a bek el kullatk el mo meruul.”

Me a ta er a uchul me a Jehovah ouchais a tekoi el mo duubech er a ngar medad, a ngii el ngar ngii a klisichel rullii a soal me ngmeketmokl. Ngika diak dedu el kmo ng fast-forward el mora ngar medad me bo lodengei el kmo ngngera mo duubech, el ua bla lemoterekokl a rokui el tekoi. Ngbai Jehovah sel ngiltii a tekoi el mo duubech er a telutk el taem, e ngrullii me ngduubech.—Exo. 9:​5, 6; Mt. 24:36; Rel. 17:31.

Tia uchul me a Biblia ousbech er a tekoi el ua “ktib” me a “kudmeklii” el mesaod aike el bo loruul a Jehovah er a ngar medad. (2 Ki. 19:25; Isa. 46:11) Aika el tekoi a moiuid er a word el related el mora tekoi el “omeob a chutem.” (Jer. 18:​2-4) Ngdi ua chad er omeob el chutem el sebechel mebii a bekerkard el chutem el mo klebokel el bekai, a Jehovah sebechel meob a tekoi el duubech el mo oltaut er a soal.—Efe. 1:11.

Jehovah mengull er a sengk er a ilmokl el melilt. A Jehovah diak lolterekokl a tekoi el mo duubech er a klengar er a derta el chad. Me a lechub e loruul er a rungil chad el mo meruul er a tekoi el mo uchul a telemellir. Ngmesterir a rokui el chad a ilmeklir el melilt er a rolel e te ousbech a klengar er tir, e melisiich er tir el mo melilt er a melemalt el rolel.

Molatk a teblo el ocholt. A kot a rechad er a Ninive. Jehovah ulemlaoch el kmo ngmo okngemedii tia el mats le ngkmal mle klou a delengerengerir. Engdi sera lobult a rechad er ngii e a Jehovah “ngildechii a uldesuel e dimlak loruul er ngii el kdekudel tekoi el le dillii el mo meruul er ngii.” (Jon. 3:​1-10) A Jehovah ngildechii a uldesuel el kirel a ulochel e le rechad er a Ninive er a lerengesii a klemechel el mo er tir e te uluusbech er a ilmeklir el melilt lobult er a kngterir.

Sel ongeru el ocholt a ulaoch el kirel a Sairus el mo ngubeteterir a Rechijudea er a blebaol me lsebechir el lmuut el mo toketekii a templo er a Jehovah. (Isa. 44:26–45:4) King Sairus er a Persia ultutii tia el ulaoch. (Esr. 1:​1-4) Me nguaisei engdi Sairus a dimlak longull er a mera el Dios. Me a Jehovah uluusbech er a Sairus loltaut er a ulochel engdi ngmilsang a ilmeklel el melilt er a bo longull er ngii.—Osi. 21:1.

Me aika di bebil er a uchul me a Jehovah melilt el mo medengelii a ngar medad. Engdi ngkmal diak a chad el sebechel mo cherrungel el medengei a rolel a Jehovah. (Isa. 55:​8, 9) Engdi aike el bla locholt a Jehovah a smisichii a klaumerang er kid el kmo ngmeruul a llemalt mo lmuut me sel louchais a tekoi el mo duubech er a ngar medad.