SEL tutau er a Ongedei el Ureor er a January 24, 2018, e a telungalek er a Bethel er a Merikel me a Canada, a mle dmeu a rengrir el rongesii a ileakl el subed el kmo: A Brother Kenneth Cook, Jr., a mla mengilt el mo ta er a chedal a Chelechad er a Ruungerachel er a Resioning er a Jehovah.

Ngika el Brother Cook a milechell e mlukeroul er a south-central er a beluu er a Pennsylvania, U.S.A. Ngsilubii a klemerang er a ngalek el ledak el skuul er a uchei er a letobed er a high school e mlo metecholb er a June 7, 1980. Ngulemuchel el mesiou el mui el taem el regular pioneer er a September 1, 1982. E a uriul er a losiou el pioneer el eru el rak, e ngmlokedong el mora Bethel, e ulemuchel er a omesiungel el ngar a Bethel er a Wallkill, New York, er a October 12, 1984.

Me ngar a chelsel a 25 el rak er a omesiungel, e a Brother Cook a milsiou el ngar a betok el kakerous el rolel a omesiou el ngar a Printery me a dirrek el Bethel Office. Ngmlo bechil a Jamie er sera 1996, me ngmlo obengkel el mesiou el ngar a Bethel er a Wallkill. E sera  December 2009, e a Brother me a Sister Cook a millukl el mora Watchtower Educational Center el ngar a Patterson, New York, e a Brother Cook a mlo oureor er a Writing Correspondence Department. E ngar a April 2016, el telkib el taem er a uriul er a lluut el mora Wallkill, e a Brother me a Sister Cook a millukl el mora Brooklyn, New York. E a eim el buil er a uriul, e te millukl el mora klou el obis er kid el ngar a Warwick, New York. E sera January 2017, e a Brother Cook a milengilt el mo mesiou el ta er a olengeseu er a Writing Committee er a Chelechad er a Ruungerachel.