Obekel el menguiu er a chimo el chisel a klengar er a rechad er a bek el tutau a kmo: “Aika el chisel a klengar er a rechad a uchul a deurreng me a omelisiich el mei er kemam! Ngomeklatk er kemam el kmo ngdirrek el sebecham el mo melemolem loba blakerreng er a chelsel a ngii di el blekeradel.” Odos el dirrek el kmal osisiu a uldesuel a kmo: “Aika el chisel a klengar a kmal mengelaod er ngak e rutechii a renguk. Ngmera el ngar ngii a moktek me a belkul a klengar er a rudam me a rudos er kid. Aika el chisel a klengar er tir a odbechak el mo meruul a lmuut el betok el ngar er a omesiungek e ngosukak el melisiich er a rengelekek me bo leteloi er a mui el taem el omesiou el mora Jehovah.”

Chisel a klengar er a rechad a sebechel odbechau el mo meruul a lmuut el betok el ngar er a omesiungem el mora Jehovah, mo mesisiich er a chelitechetum, e mo outekangel a meringel el blekeradel el oba deurreng me a ulterekokl el reng. Ngmekera obetik aika el chisel a klengar er a rechad?

• Mosiik a “chisel a klengar er a rechad” er a Watchtower ONLINE LIBRARY^™ me a lechub e ng jw.org.