A ONGKERONGEL (STUDY EDITION) June 2020
Tia el babier a ngar ngii a suobel el kirel a August 3-30, 2020.
“Le Mechedaol a Ngklem”
Suobel el bo dosuub 23: August 3-9, 2020. Ngerang a klou a ultutelel el tekoi el lechelebangel er ngii a remellomes a rengrir el blebelel a Jehovah? E ngera me tia el tekoi a klou a ultutelel, e ngera el ngerachel a mla moterekokl er kid el kirel? A bo dodengei a nger er aika el ker e ngmo smisichii a delongeled kid me a Jehovah.
“Mcherrengelii a Renguk el Mo Meluu er a Ngklem”
Suobel el bo dosuub 24: August 10-16, 2020. Ngar tia el suobel, e kede mo mesaod er a telkib er a nglunguchel a King David el ngar er a Psalm 86:11, 12, NW. Ngera belkul a doluu er a ngklel a Jehovah? Ngera me ngkired el meluu er tia el kebkall el ngakl? E mekera omeluu er a Dios e omekerreu er kid me ngdiak demekesuseu el mora klengit?
A Ker el Mla er a Remenguiu
Aika el blekeradel el llechukl er a Galatia 5:22, 23, BT, ngdi ikaikid a “rodech ra Reng”?
“Ng Di Ngak el Mo Osiik a Chermek el Sib”
Suobel el bo dosuub 25: August 17-23, 2020. Ngera me a rebebil el milsiou er a Jehovah el betok el rak a mla mo cheroid er a ongdibel? Ngua ngera uldesuel a Dios el kirir? Tia el suobel a mo mesaod a nger er aika el ker. Ngdirrek el mo mesaod aike el sebeched el suub er a rolel e a Jehovah ullengeseu er a rebebil er a taem er a Biblia el tir a mlo cheroid er ngii el telkib el taem.
“Mluut el Mer Ngak”
Suobel el bo dosuub 26: August 24-30, 2020. A Jehovah a soal tirke el mla mo diak el teloi er a ongdibel a lluut el mei er ngii. Ngbetok a sebeched el meruul el melisiich er tirke el kongei er a okedongel a Jehovah el kmo: “Mluut el mer ngak.” Ngar tia el suobel, e kede mo mesaod a rolel e ngsebeched el ngosuterir el lmuut el mei er a ongdibel.
