A ONGKERONGEL (STUDY EDITION) September 2017
Tia el suobel a ngar er ngii aike el bo dosuub er a October 23 el mo er a November 26, 2017.
Momekeroul er a Ulserechakl el Reng
Ngmekera kerebai er a Biblia e ngosukid el mo omekeroul e olecholt er tia el blekeradel? Ngera me a Rekristiano a sorir el omekeroul er ngii?
Moukerebai er a Klechubechub er a Jehovah
A ta el taem, e a Jehovah a ulechotii er a Moses el okiu er sera lochotii a Ngklel me a blekerdelel, e a ta er aika el blekeradel el Dios a milsaod a klechubechub. Ngera tia el blekeradel, e ngera me ngkirem el semeriar er ngii?
“Ngdi Tekingel a Dios er Kid a Kmal Diak Bo Le Metom”
A Biblia a dirk merael a chisel el mla mo betok el rak er a uriul er a lemoiuid, alta ngmlo er ngii a ngeldechel a omelekoi me a tekoi er a balatiks, me a ultok el kirel a oidel.
“A Tekingel a Dios a . . . Mesisiich”
Te betok a mla remuul a omelodech er a klengar er tir e le tir el mesuub er a Tekingel a Dios. Ngera kired el meruul er ngii a lsekum a Biblia a ngar er ngii a lerellii er kid?
“Bo Le Mesisiich a Rengum . . . E Mrelii”
Ngera me kede ousbech er a blekeu, e mekera domekeroul er ngii?
