1. Ngera el ker a locha bo loker er kid sel dengar er a ureor me a skuul?

 NGMO uangerang a uldesuem sel loker er kau a chad er a urerem me a lechub e ngngalek er a skuul el kirel a klaumerang er kau? Ngmo ouedikel a rengum? Rebetok a mo uaisei. Engdi chouaitia el ker a sebechel louchais er kid el kmo, ngngera ngomdasu a chad me a lechub e ngngera klaumerang er ngii. Tia meskid a techall el mo share er ngii a ungil chais. A lebebil e a chad a mo oker er a ker el ngar er a diak lungil rolel. Engdi ngdiak el kirel mo mechas a rengud e le rebebil a diak el melemalt a klemedengei er tir el kirel a klaumerang er kid. (Rel. 28:22) Me a lmuut kung, kede kiei er a “uriul sils” me a rechad a “diak le mesumech a rengrir” e “teleberechel.”—2 Ti. 3:​1, 3, BT.

2. Ngera uchul me ngsoad el mo medemedemek a rengud?

² Ke locha mo melatk, ‘Ngmekera sebechek el melemolem el chelellakl e meruul a ungil sel bo el soal a chad loumondai el kirel a klaumerang er ngak?’ Ngera mo ngosukau? Ngdelemedemek a mo ngosukau. A medemedemek a rengul el chad a diak el mereched el ngmasech a rengul, e ngbai sebechel orekedii a rengul sel bo lak el soal a tekoi me a lechub ngdiak lodengei el kmo ngdmu el kmo ngerang. (Osi. 16:32) Me nguaisei engdi ngdiak lebeot el tekoi a bo doba delemedemek. Ngmekera sebechem el mo oba delemedemek? Ngmekera sebechem el melemolem loba delemedemek el reng sel bo lolasem er a klaumerang er kau? E a lsekum koungalek, e ngmekera sebechem el ngosuterir a rengelekem el mo mesebechakl er a klaumerang er tir loba delemedemek? Ka me dosaod.

3. Ngera uchul me ngsebeched el melekoi el kmo a chad el medemedemek a diak el mechitechut a rengul? (2 Timothy 2:​24, 25, NW)

³ A remedemedemek a rengrir el chad a diak el mechitechut a rengrir. Ngkirel mesisiich a rengud a lsekum kede melemolem el  chelellakl a rengud er a chelsel a meringel el blekeradel. A delemedemek a ta er a “rodech ra Reng.” (Gal. 5:​22, 23, BT) A tekoi er a Grik el moiuid el “delemedemek” a lebebil e te uluusbech er ngii el mesaod er a tebelik el uos el mla mo kedung. Ka molatk er a tebelik el uos el mla mo chelellakl. Me alta ngmla mo kedung engdi ngdirk mesisiich. Kid a rechad, ngmekera sebeched el mo oba delemedemek engdi osisiu el taem e ngdirk mesisiich a rengud? Tia diak lultuil er a klisiched. Ngkired el meluluuch lolengit er a chedaol reng er a Dios me lengesukid el mekurulii tia el blekeradel. Experience er a rechad ochotii el kmo ngsebeched el mekurulii tia el blekeradel. A rebetok er a Resioning ulechotii a delemedemek er a lomtok er tir a rechad. Tia ngilsuterir a rechad el mo ungil a uldesuir el kirir a Resioning. (Monguiu er a 2 Timothy 2:​24, 25, NW. b) Ngmekera sebechem el rullii a delemedemek el mo ta er a dechal a rengum?

4. Ngera sebeched el suubii er a Isak el kirel a delemedemek?

⁴ Ngbetok a cheldecheduch er a Biblia el lochotii a klungiolel a bo lemedemedemek a rengud. Molatk er a Isak. Sera lebo el kiei er a Kerar el belurir a rechad er a Filistia, e te mlo mechechei er ngii me te dilakl aike el chido el lulengiis a remesiungel a demal. A Isak a dimlak loutoketok er tir, e ngbai liluut el melukl er a delengcheklel el mo er cheroid e kmiis a lmuut el bebil er a chido. (Gen. 26:​12-18) Me nguaisei a rechad er a Filistia liluut el loutoketok el kmo aika el ralm a llemir. Engdi Isak a di millemolem el meruul er a budech. (Gen. 26:​19-25) Ngera ngilsuir el melemolem loba delemedemek mo lmuut er aike el taem el loutoketok er ngii? Ngulterekokl el ngilai a klubelel er a rechad er a blil, el blekerdelel a Abraham el chad er a budech me a “medemedemek e chelellakl reng” er a Sara.—1 Pe. 3:​4-6; Gen. 21:​22-34.

5. Ngera ochotii el kmo a ruungalek el Kristiano sebechir losisecheklterir a rengelekir er a klungiolel a bo demedemedemek?

⁵ Rekristiano el oungalek, bo lulterekokl a rengmiu el kmo ngsebechiu losisecheklterir a rengelekiu er a klungiolel a bo lemedemedemek a rengud. Molatk er a 17 a rekil el Maxence. Ngmlo chobengeleterir a rechad er a skuul me sel lomerk er a klumech el di kesib a rengrir. A rechad er a blil a uleba kllourreng el olengeseu er ngii el mo oba delemedemek el reng. Te kmo, “A Maxence a mla mo medengei el kmo ngbeot er kid a ngmasech a rengud engdi kede ousbech er a lmuut el klou el klisiich el mo orekedii a rengud.” Ngkmal dmeu a rengul a Maxence el mla mo oba delemedemek.

6. Ngmekera nglunguuch e sebechel ngosukid el mo olecholt er a delemedemek?

⁶ Kede mo mekerang sel bo lolasem er kid a chad, el ua sel loltuub er a ngklel a Dios er kid me a lechub e lolekoi a kngtil a Biblia? Ngkired lolengit er a chedaol reng er a Jehovah me a llomeserreng er ngii me bo donger el ngar er a medemedemek el rolel. Engdi ngmekerang a lsekum a uriul e ke mlo mtebengii el kmo ngdimlak lungil a rolel omonger? Ngsebeched el lmuut el meluluuch el kirel e melatk er a rolel e ngsebeched el mo ungil longer er a next. Seikid e a Jehovah mo meskid a chedaol reng er ngii me lsebeched el mtebechelii a rengud e ochotii a delemedemek.

7. Ngmekera de memorize a bebil el bades e ngosukid sel lebo el meringel er kid a mengedecheduch loba delemedemek? (Osisechakl 15:​1, 18)

⁷ A bebil bades er a Biblia sebechel ngosukid sel lebo el meringel er kid a mengedecheduch loba delemedemek. A chedaol reng er a Dios a sebechel ngosukid el lematk aika el bades.  (Jn. 14:26) El ua tiang, a omellach el debetik er a babier er a Osisechakl a sebechel ngosukid el mo oba delemedemek. (Monguiu er a Osisechakl 15:​1, 18.) Tia el babier er a Biblia dirrek el louchais er a klungiolel a dolemolem el oba delemedemek er a chelsel a meringel el blekeradel.—Osi. 10:19; 17:27; 21:23; 25:15.

8. Ngera uchul me ngkired el mo melatk er a uchul me a chad a locha oker er a ker el kirel a klaumerang er kid?

⁸ A klemedengei a dirrek el sebechel ngosukid. (Osi. 19:​11, NW) A chad el soal mo medengelii a tekoi a orekedii a rengul sel bo losaod er a klaumerang er ngii. El ua tiang, sel desa iceberg e kede di mesa telkib er ngii engdi a klou el tedobech er ngii a ngar cheungel a ralm. Ngdi osisiu, a chad a locha oker er kid a ker, engdi ngdiak deblechoel medengelii a uchul me ngoker er ngii. Me a uchei er a donger, e ngkired el mtebengii el kmo nglocha diak dodengelii a uchul me ngoker er a ker.—Osi. 16:23.

9. Ngmilekera Gideon e ochotii a klemedengei me a delemedemek er a longedecheduch er a rechad er a Efraim?

⁹ Molatk er a rolel e a Gideon a ulenger er a rechad er a Efraim. Ngkmal mle kesib a rengrir loker er a Gideon el kmo, ngera me ngdimlak loleker er tir el mo obengkel loumekemad er a recherrouir a rechad er a Israel. Ngngar ngii a uchul me ngmle kesib a rengrir? Alta ngdiak dodengelii a mera el luchul, engdi a Gideon ulechotii er tir omengull e mle medemedemek  el longer. Me ngngera dilubech? A Biblia kmo, “Itia er a le dela el ua isei, e ng dikea lesal olengasech a rengrir.”—Men. 8:​1-3.

10. Ngera mo ngosukid longer er a rechad sel bo loker el kirel a klaumerang er kid? (1 Petrus 3:​15, 16)

¹⁰ A chad er a urered me a lechub e ngngalek er a skuul a locha mo oker er kid er a uchul me kede kiei el oltirakl a llach er a Biblia. Me kede mora tkurrebab el sebeched el mesebechakl er a klaumerang er kid engdi osisiu el taem e kede mengull er a uldesuel. (Monguiu er a 1 Petrus 3:​15, 16.) Lak momes er a keril el kmo ngoukerrekeriil er a klaumerang er kau, e bai momes er ngii el rolel e ngngosukau el mo medengei aike el meklou a ultutelel er ngii. A dodengelii a uchul me a chad a oker er a ker me a lak, me kid a kired el longer er ngii el ngar er a ungil rolel. A nger er kid a locha mo ngosuir el lmuut el melatk er a uldesuel. Mo lmuut me a lemekngit el mengedecheduch er kid, me kid a soad el mo onger el ngar er a ungil el rolel.—Rom 12:17.

11-12. (a) Ngera ungil dolatk er ngii er a uchei er a donger er a meringel el ker? (Dirrek el momes er a siasing.) (b) Mosaod er a rolel e a doker a ker a sebechel mekengii a cheldecheduch.

¹¹ El ua tiang, a chad er a urerem oker el kmo ngera me ngdiak em celebrate a birthday. Molatk: Ngika ngmelatk el kmo, kid ngsebeched el milil e oldeu a rengud? Me a lechub e ngkid el diak de celebrate a mo el tomellii a blekeradel er a ureor? Ngsebechem el sumechii a uldesuel loeak omomuchel el chotengii el soal a rechad a lungil a rengrir loureor, e mdu er ngii el kmo kau me ngdirrek el soam a leuaisei. Tia sebechel meskau a techall el mo ouchais er ngii a lolekoi a Biblia el kirel a birthday.

¹² Ngsebeched el meruul er a osisiu el tekoi sel loker er kid a chad a lmuut el bebil er a meringel el ker. A ngalek er a skuul a locha mo melekoi el kmo a Resioning er a Jehovah kirir ngodechii a osengir el kirel a homosexuality. Ngika ngmelekoi el uaisei le ngdiak lodengelii a mera el osengir a Resioning er a Jehovah el kirel? Me a lechub e ngngii el ngar ngii a sechelil me a lechub e ngchedal el uaisei? Ngika ngomdasu el kmo ngchetid a rechad el meruul er tia el tekoi? Nglocha kired el olterekokl er a rengul el kmo, kede ungil el mora rokui el chad e oumerang el kmo a derta el chad a ngar ngii a llemeltel el melilt. c (1 Pe. 2:17) Seikid e nglocha mo sebeched el louchais er ngii el kmo sel bo dodengei e doltirakl aike el lolekoi a Biblia, e ngngosukid el mo ungil a klengar er kid.

13. Ngmekera sebechem el ngosuir a chad el melekoi el kmo, ngklebelung a doumerang er a Dios?

¹³ A lsekum kede mo chobengelii a chad el mesisiich a uldesuel, e ngdiak el kired el di mereched el mo omdasu el kmo, kede mla mo medengelii a tekoi loumerang er ngii. (Tit. 3:2) El ua tiang, ke mo mekerang a lsekum a ngalek er a skuul a dmu er kau el kmo ngklebelung a doumerang er a Dios? Ke mo omdasu el kmo ngmesisiich el loumerang er a evolution e medengei a betok el kirel? Ngika locha di omelekl aike el bla lerenges. Lak molasem el mesaod el kmo ngcheleuid, e bai bsa tekoi el sebechel el mo melatk er ngii er uriul. Nglocha sebechem lochotii er ngii a tekoi el ngar er a jw.org el mesaod omebelel a rokui el tekoi. Uriul e nglocha mo soal el mesaod er a suobel me a lechub e ng video el lebiltik er ngii. Sel dolecholt er a omengull, e ngsebechel rullii el lmuut el mo melatk er tia el uldesuel.

14. Ngmilekera Niall e ousbech er a website er kid el onger a diak el klemerang el tekoi el kirir a Resioning er a Jehovah?

¹⁴ A ngeasek el Niall uluusbech er a website er kid el ochotii el kmo aike el lolekoi a rebebil er a rechad el kirir a Resioning er a Jehovah a diak el klemerang. Ngkmo, “A classmate er ngak a blechoel el melekoi el kmo, ngak a diak  kuumerang a science e le kuumerang er a book el mui er a cheldecheduch.” Ngika el classmate er a Niall a dimlak el bsa techellel el louchais er a klaumerang er ngii, me ngdilu er ngii me lebora jw.org e lomes er cheungel a “Science and the Bible.” Uriul a Niall a mlo mtebengii el kmo ngika locha mlo omes er a jw.org e le ngmle kongei el mengedecheduch er ngii el kirel a uchelel a klengar. Osisiu el tekoi a sebechel duubech el mo er kau.

15. Ngmekera ruungalek e sebechir el ngosuterir a rengelekir el mo meduch el longer el ngar er a medemedemek el rolel sel loker a ker el kirel a klaumerang er tir?

¹⁵ Ruungalek e ngkmal sebechiu el mo ungil osisecheklterir a rengelekiu el mo meduch el longer el ngar er a medemedemek el rolel sel loker a ker el kirel a klaumerang er tir. (Jak. 3:​13, BT) A rebebil er a ruungalek a ousbech er a temel omengull el telungalek er tir el practice aike el bo lolekoi a rengelekir. Te locha mo mesaod er a topic el mo er ngii er a skuul, e mesaod e ochotii a rolel e ngsebechir a rengelekir el longer, e osisecheklterir el mo mengedecheduch el ngar er a ungil e medemedemek el rolel.—Momes er a baks el “ Aike el Taem el Mousbech el Practice a Sebechel Ngosuir a Telungalek er Kau.”

16-17. Te mekera rengalek e mongeseu er aike el taem el lousbech el practice a bo lolekoi?

¹⁶ Choua ikakid el taem el lousbech el practice a mo ngosuterir a rengalek el mo ulterekokl a rengrir er a klaumerang er tir e mo meduch el mesaod er ngii el mora rechad. A “Young People Ask” el series er a jw.org a ngar ngii er ngii a worksheets for teenagers. Aika mileketmokl el mo olengeseu er a rengeasek el mo ulterekokl a rengrir er a klaumerang er tir e ngosuterir el prepare a nger er tir lousbech a tekingir. Sel omdak el telungalek el lousbech er tia el series, e a rokui a sebechir el mo meduch el  mesebechakl er a klaumerang er tir el ngar er a medemedemek e ungil rolel.

¹⁷ A ngeasek el Matthew ouchais er a rolel aika el practice er tir a ngilsuir. Te uluusbech er a temel a omengull el telungalek er tir el research a topic el locha bo losaod er a class. Ngkmo: “Aki melatk el kmo ngngera el ker a sebechel duubech, e practice er a rolel e ak mo onger lousbech a research el ki murruul. Sel lebleketakl a uchul me a kuumerang a tekoi el kuumerang, e ngmo ulterekokl a renguk, e beot er ngak olecholt er a delemedemek el ngar er a omerellek el mora rechad.”

18. A Kolose 4:6 ngochotii el kmo ngngera klou a ultutelel?

¹⁸ Nguaisei, mo lmuut er a bo dungil smodii me ngii a diak el rokui el chad a mo kongei. Engdi sel dongedecheduch loba delemedemek e ngar er a ungil rolel e ngkmal ngar ngii a lerellii. (Monguiu er a Kolose 4:6.) Ngsebeched lomekesiu er a dongedecheduch er a chad el kirel a klaumerang er kid el mo er sel dometech er a btuu. Ngsebeched el omidokl me a lechub e kede ometech. Sel debideklii e ngbeot er a chad a medir e mo soal el melemolem el ousekool. Ngdi osisiu, sel dongedecheduch loba delemedemek e ngar er a ungil rolel, e a rechad a locha mo kongei lorrenges e melemolem er a cheldecheduch. Me nguaisei engdi lsekum a chad a soal melemolem el loutoketok me a lechub e ngmelekoi a mekngit el kirel a klaumerang er kid, e ngdiak el dolemolem er a cheldecheduch. (Osi. 26:4) Engdi oumesingd er a rechad a diak el bo leuaisei, e ngbai betok a locha mo kongei lorrenges.

19. Ngera kirel lodbechid el mo olecholt er a delemedemek sel dosebechakl er a klaumerang er kid?

¹⁹ Me ngbleketakl el kmo, ngngar ngii a klungiolel a bo lemedemedemek a rengud. Moluluuch el mora Jehovah me lengesukau el mo melemolem loba delemedemek sel monger a meringel el ker me a lechub e ngdiak el melemalt el tekingir a rechad. Lak mobes el kmo, sel bo moba delemedemek e ngmo uchul me a klekakerous er a uldasu a diak bo luchul a mondai. Ngdirrek el sel molecholt er a omengull e monger el ngar er a medemedemek el rolel, e ngsebechel rulleterir a rurrenges er kau el mo ngodechii a uldesuir el kired me a klemerang er a Biblia. “Bo blechoel el di kldmokl el smodii” a klaumerang er kau, e “mesaod er ngii el oba delemedemekerreng ma omengull.” (1 Pe. 3:​15, 16) Chochoi, mrellii a delemedemek el mo ta er a dechal a rengum!