CHISEL A KLENGAR ER A RECHAD
Alta e Ngmle Mechad a Dingak, Engdi Ngdimlak el Terebengak el Olisechakl er a Rebebil
Ak miltecholb er a rak er a 1941 er sera el dirk 12 a rekik. Engdi ngdimlak bok metecholb el mo lmuut er a bo kungil el medengelii a klemerang er a Biblia er a rak er a 1946. E ngera uchul? Me kuuchais er kau a chisel a klengar er ngak.
NGAR er a rak er a 1910, e a demak me a delak a millukl er a Tbilisi, er a beluu er a Georgia, el mo er a beluu er a Canada. Te kiliei er a kekerei el blai el ngar er a sers er bita er a Pelly er a beluu er a Saskatchewan, er a ngebard er a beluu er a Canada. Ak milechell er a rak er a 1928, e kot el kekerei er a chelsir a retelolem el ngalek. A demak a mlad er a elolem el buil er a uchei er a kmechell, e a delak a mlad er a dirk tolechoi. Kedeb el taem er a uriul er tiang, e a kot el klou el ochedak el Lucy a mlad er a le 17 a rekil, me a okdemelek er a Nick a mlo omekerreu er ngak me a rebebil er ngak.
A ta er a klebesei er a kdirk kekerei, e a telungalek er ngak a milsekak el mengurs er a kemril a ta er a chermam el uos. Me tuleldiu er ngak me lak kungurs er a kemril a uos, e le te mle bekikl a bo el tomellak. Me nguaisei, engdi ak mlo iklterir e le ngdimlak krengesterir el oldiu. Engdi ngdmeu a renguk e le ngdimlak metemall. Engdi seikid el taem, e a telungalek er ngak a mlo medengei el kmo ngmechad a dingak.
A sechelil a telungalek er kemam a dilu el kmo, nglocha ungil ak bo er a skuul el obengterir a rebebil el ngalek el mechad a dingerir. Me a Okdemelek a uldureklak el mo er a skuul el kirir a rengalek el mechad a dingerir er a Saskatoon, er a beluu er a Saskatchewan. Tia el skuul a kmal mle cheroid er a telungalek er ngak, e ak mle medakt e le ngdi mle eim a rekik. Me ngdi mle sebechek el mo oldingel er a telungalek er ngak sel temel a chedaol sils me sel lolengull a skuul. Me ngmlo sebechek el mo medengei a sign language, e kmal mle dmeu a renguk el milil el obengterir a rebebil el ngalek.
MESUUB A KLEMERANG ER A BIBLIA
Ngar er a rak er a 1939, e a klou el ochedak el Marion a mlo bechil a Bill Danylchuck, e ulemuchel el omekerreu er ngak me a ochedak el Frances. Te mle kot el chad er a telungalek er ngak el omuchel el mesuub el obengterir a Resioning er a Jehovah. Me sera bo lolengull a skuul, e te millasem el ouchais er ngak aike el lesiluub er a Biblia. E mle meringel er kemam el chadecheduch e le te dimlak lodengei a sign language. Engdi ngmle sebechir el mesang el kmo, ngmera el mle soak aike el ksiluub el kirel a Jehovah. Ak mle ungil el medengei el kmo aike el lurruul a locha obengkel aike el losaod a Biblia, me ak mlo obengterir el omerk er a klumech. Me a uriul er tiang e ngmlo soak el mo metecholb, me ngar er a September 5, 1941 e a Bill a millecholb er ngak er a chelsel a blil a klalo el rruul er a deel el mui er a ralm el mla er a chido. E tia el ralm a kmal mle mekelekolt!
Ak kubengterir a remechad a dingerir el chad el ngar er a klou el ongdibel er a Cleveland er a beluu er a Ohio er a 1946
Aki mlo er a klou el ongdibel er a Cleveland, er a beluu er a Ohio er a Merikel er sera lolengull a skuul er a rak er a 1946. Me ngar sel kot el sils, e a ochedak a milluches a meklou a ultutelel el tekoi er a babier el kirek me bo el sebechek el oltirakl er a prokuram. Engdi ngar sel ongeru el sils, e ngkmal mlo dmeu a renguk el mo medengei el kmo ngar er ngii a cheldebechel er a remechad a dingerir el obengkel a chad el oliuid a sing language er tia el klou el ongdibel. Me ngkmal mlo ungil a renguk el mocha sebechek el oldeu er a renguk er tia el prokuram, e mera el ungil a renguk e le ngmlo bleketakl aike el tekoi el lolisechakl a Biblia!
OLISECHAKL ER A KLEMERANG
Ngar er seikid el taem, e a Ongeru el Mekemedil a Beluulechad a dirk mlo merek me a rechad a mle sorir el olecholt el kmo te mle blak a rengrir el mo er a belurir. Engdi uriul er a klou el ongdibel me kluut el mo er a skuul, e ngkmal mlo ulterekokl a renguk el mo melemolem el oba blakerreng el mo er a Jehovah. Me ngmlo diak teloi er a omengull el bangderang me a dirrek el chedaol sils. Ngdirrek el mlo diak bo er a ikelesia el obengterir a rengalek el ki mdak el skuul. Me a ruureor er a skuul a dimlak el deu a rengrir, me te millasem el omecheracheb er ngak e ouchais a blulak el tekoi me bo luchul e lengedechii a uldesuek. A rengalek er a skuul a ulemes aika el tekoi el dilubech el mlo a uchul a klou el techall el mei er ngak el mo omerk a klumech el mo er tir. Me a rebebil er a rengalek er a skuul el uldimukl er a Larry Androsoff, me a Norman Dittrick, me a dirrek el Emil Schneider, a kilengei er a klemerang me chelechang e te dirk mesiou er a Jehovah.
Sera bo kuldingel a bebil er a beluu, e ak ulsiik a bek el techall el omerk er a klumech el mo er a remechad a dingerir. El ua tiang, ngar er a beluu er a Montreal e ak mlo er a basio el remechad a dingerir er a beluu a blechoel el mo kldibel er ngii. Ngar isei, e ak ulemerk er a klumech el mo er a kekerei el chad el Eddie Tager el mle chedal a gang. Me ngmo lmuut er a kodellel er tia el mlo merek el rak e ngmillemolem el ngar er a ongdibel er a sign-language er a Laval, er a beluu er a Quebec. Ak dirrek el mlo medengelii a kekerei el chad el Juan Ardanez. El di ua rechad er a Borea er a irechar, e ngmilerritel el kmo aike el lulsuub, ngmilengai er a Biblia me a lechub e ngdiak. (Rellir 17:10, 11) Ngii me ngdirrek el mlei er a klemerang e milsiou el ta er a remechuodel er a Ottawa, er a beluu er a Ontario el mo lmuut er a kodellel.
A kuusioning er a rael er a uchelel a rak er a 1950
Ngar er a rak er a 1950, e ak millukl el mo er a beluu er a Vancouver. Alta e ngmera el mle soak el omerk er a klumech el mo er a remechad a dingerir, engdi ngkmal diak kubes er sel tekoi el dilubech el mei er ngak er a kumerk el mo er a redil el diak el mechad el ngklel a Chris Spicer el ngar er a rael. Ngkilengei el mo omuus a ongkerongel er ngii e mle soal a bo kudengelii a bechil el Gary. Ak mlo meseterir er a blirir, e kmal mle kemanget el ki mchadecheduch el okiu omeluches el babier. Engdi uriul er tiang, e ngdimlak a ta el ki mkasoues el sesei el rak. Engdi ngkmal mlo mechas a renguk er a be loutkeu er ngak er a klou el
ongdibel er a Toronto er a beluu er a Ontario. E mla er tiaikid el sils e a Gary a mlo metecholb. Tia el tekoi el dilubech a omeklatk er ngak er a klungel a ultutelel a dolemolem el omerk a klumech, e le ngmera el diak dodengei el kmo a chad el domerk a klumech el mo er ngii a sebechel el me soiseb er a klemerang.A uriul e ak liluut el mo er a beluu er a Saskatoon. E ngar isei e ak mlo medengelii a ta er a redil el ulengit er ngak el mo mesuub a Biblia el obengterir a reteru el kebtot el ngelekel el redil, el Jean me a Joan Rothenberger el dirrek el mle mechad a dingerir. Tirka dirrek el mla er a osisiu el skuul el kmla er ngii el kirir a remechad a dingerir. Me tirke el terung a uluuchais er a rengalek er a skuul el kirel aike el lulsuub. Me seikid, e a reteim el ngalek el mla er a class er tir a mlo Sioning er a Jehovah, e a ta er tir a mle Eunice Colin. Ak mlo medengelii a Eunice er a chelsel a ulebongel el rak er ngak er a kngar er a skuul el kirir a remechad a dingerir. Ngar er tiaikid el taem, e ngmilskak a telkib er a kelel el kiande e ulengit er ngak el mo sechelil. E a uriul, e ngmlo kot el klou a ultutelel el chad er a chelsel a klengar er ngak e le ngmlo bechik!
A kubengkel a Eunice er a 1960 me a 1989
Sera bo lodengei a delal a Eunice el kmo ngmesuub a Biblia, e ngullengit er a principal er a skuul me bo longelechel er ngii el mo diak losuub a Biblia. Me alta e ngmillasem el merrob er ngii el mo lmuut er a taem el lengai er ngii aike el klekedellel er a omesuub, engdi Eunice a millemolem el blak a rengul el mo er a Jehovah. Ngmle soal el mo metecholb engdi a demal me a delal a dilu er ngii el kmo, “Sel bom ta er a Resioning er a Jehovah, e ngmo kirem el tuobed er tia el blai!” Me sera lebo el 17 a rekil a Eunice, e ngmlo diak el kiei er a blil e millukl el mo kiei el obengkel a ta er a telungalek el Sioning. Ngmillemolem er a omesubel, e a uriul e ngmlo metecholb. Me sera ki bo bechiil er a rak er a 1960, e a demal me a delal a dimlak lemei er a merengel a chebechiielam. Me nguaisei, engdi chelsel a sesei el rak er uriul, e a omengull er tir el mei er kemam a mlukeroul e le ngklaumerang er kemam me a rolel aki momekeroul er a rengelekam a uchul.
A JEHOVAH A DI ULEMEKERREU ER NGAK
A ngelekek el Nicholas me a bechil el Deborah el mesiou el ngar er a Bethel er a London
Kemam el mechad a dingemam a uchul me ngkmal mle meringel er kemam el omekeroul
er a reteuid el ngelekam el tir a sebechir el orrenges. Engdi ngmle somam a bo lodengei a sign language me bo el sebecham el mo ungil chadecheduch e olisechakl er tir er a klemerang. A rudam me a rudos er a ongdibel a kmal ngilsukemam. El ua tiang, a ta er a ruungalek a lilechesii a babier el mei er kemam el louchais el kmo, a ta er a ngelekam el sechal a millekoi a mekngit el tekoi er a Blil a Ongdibel, me ngmlo sebecham el di mle mereched el sumecheklii tia el tekoi. A reteua er a rengelekam el sechal el James, me a Jerry, me a Nicholas, me a Steven a mesiou el ta er a remechuodel e dirrek el blak a rengrir el mesiou er a Jehovah el obengterir a rebecherir me a telungalek er tir. Ngdirrek a Nicholas me a bechil el Deborah a olengeseu el oliuid a sign-language er a obis er a Resioning er a Jehovah el ngar er a beluu er a Britain, e a Steven me a bechil el Shannan, a dirrek el ngar er a obis er a ruliuid a sign-language er a obis er a Resioning er a Jehovah el ngar er a beluu er a Merikel.A ngelekek er a James, me a Jerry, me a Steven me a rebecherir a olengeseu er a berkel a klumech er a sign language el ngar er a kakerous el rolel
Ngklengiterreng, e le ta el buil er a uchei er a 40th wedding anniversary er kemam, e a Eunice a mlad er a kasinoma. Chelsel tia el meringel el blekeradel, e a klaumerang er ngii er a okiis a millisiich er ngii. Me ak kmal omes el beduluchei el mo er sel taem el kluut el mo mesang.
Faye me a James, Jerry me a Evelyn, Shannan me a Steven
Ngar er a February er a rak er a 2012, e ak rirebet el mecham a sengchek. Me ak mlo Psalm 10:14) Ak kmal oba omereng el saul el mo er tirke el rokui el kilengei el meluches a babier, e mesuub a sign-language, e dirrek el olengeseu el oliuid el mei er ngak el mo er a tkurrebab el sebechir.
medengei el kmo ak kuusbech a ngeso, me ak mlo kiei el obengkel a ta er a ngelekek el sechal me a bechil. Me chelechang e aki ngar er a ongdibel er a Calgary Sign-Language, e ngak a dirk melemolem el mesiou el ta er a remechuodel. Tiang a ketengek el ngar er a ongdibel er a sign-language! Me ak milekerang e melemolem el melisiich er a deleuill er ngak me a Jehovah er aike el rak el kngar er a ongdibel er a Merikel? A Jehovah a ngilsukak. Nglilemelemii a telbilel el mo omekerreu er a rengalek el diak a redemerir. (Ak ngar er a skuul er a pioneer er a sign language er a le 79 a rekik
Ngmla er ngii aike el taem el dimlak bo kungil el medengei aike el tekoi el mildung, me a lechub e ak mlo melechesuar el kmo ngdimlak a ngii di el chad el ungil el medengei a rolel a lolengeseu er a remechad a dingerir. Ngar er aike el taem, el kmal mlo meringel a uldesuek el mlo soak el meterrob, e ak blechoel el mo melatk er a tekingel a Petrus el mo er a Jesus el kmo: “Rubak, ng techa ki bor ngii? Kau olab a tekoi er a diak a ulebengelel klengar.” (Johanes 6:66-68) El di ua rebebil el mechad a dingerir el rudam me a rudos el mla ngar er a klemerang el kemanget el taem, e ak mla mesuub el mo oba kllourreng. Ak mla mesuub el mo oumerang er a Jehovah me a cheldebechelel, e aikang a mlo uchul a betok el klengeltengat. E chelechang e ngar er ngii a betok el babier el ngar er a omelekingek, e kmal dmeu a renguk el ngar er a miting me a meklou el ongdibel el ngar er a American Sign Language. Me ngklemerang el kmo ngmera el dmeu a renguk e dirrek el ungil a klengar er ngak el mesiou er a Jehovah el Dios er kid.