Dolengeseu er a Rengelekir Tirke el “Chad er a Ngodech el Beluu”
“Ng diak a lmuut el mor uchei el odeuir a renguk el ua isel krenges el kmo a re ngelekek a oltirakl er a klemerang er a klengar er tir.”—3 JOHANES 4.
CHELITAKL: 41, 29
1, 2. (a) Ngera el mondai a bo lechelebangel er ngii a rengelekir a rechad er a ngodech el beluu? (b) Ngera el ker a bo dosaod er tia el suobel?
A TEKOI el dilubech el mo er a Josua a diak el beches el tekoi. Ngdmu el kmo: “Sera kmechell, e ak mlukeroul el melekoi er a omelekingel a demak me a delak sel kngar er a blai me a dirrek el chelsel a ongdibel. Engdi sera kumuchel el ngar er a skuul, e ngmlo soak a tekoi er tia el beluu el ki mullukl el mei er ngii. Me ngdi mle chelsel a sesei el rak, e ak di melekoi a tekoi er tia el beluu. Me ngmlo meringel er ngak el ngar er a miting, e mlo diak kudengei a siukang er a belual a demak me a delak.”
2 Chelecha el taem, e te ngar er ngii a kuk betok er a 240,000,000 el chad el kiei er a beluu el dimlak el mechell er ngii. Me a lsekum e ke oungalek e millukl el mo kiei er a ta er a beluu, e ke mekerang e ngosuterir a rengelekem el nguu a ileakl el techall el mo mesuub el mo betik a rengrir er a Jehovah, e dirrek el melemolem el merael el “oltirakl er a klemerang er a klengar er tir”? (3 Johanes 4) E mekerang a rebebil e mo sebechir el olengeseu?
RUUNGALEK, MOCHOTII A UNGIL KEREBAI
3, 4. (a) Te mekerang a ruungalek, e ochotii a ungil el kerebai el mo er a rengelekir? (b) Ngera el tekoi a diak el kirir a ruungalek el mengerechir er ngii er a rengelekir?
3 Ruungalek, a omerelliu a kmal klou a ultutelel a lsekum e ngsomiu a Mateus 6:33, 34) Mrellii a omesiungem el mo er a Jehovah el mo kot er a klengar er kau el diak el kerruul, e momekbeot er a klengar er kau, e lak momals er kau. Mosiik er a techellem el mo “merau er medal a Dios” el belkul a kmo ke nguu a kengei er a Jehovah, e bai lak molasem el di ‘meruul a chisem er a rechad.’—Monguiu er a Markus 10:21, 22; Johanes 12:43.
rengelekiu a lebo er ngii a ileakl el deleuill er tir el obengkel a Jehovah, e bo lekiei el mo cherechar. Sel lomes er kemiu el “blak a rengmiu er a Rengedel a Dios,” e te mo mesuub el ultuil er a Jehovah el kirel aike el lousbech er a bek el sils. (4 Lak mrellau el kmal mo mechesang me bo lak a temem el mo er a rengelekem. Mochotii a deuil a rengum el mo er tir sel lolilt el nguu a Jehovah el mo kot er a bai losiik a chetengakl, me a lechub a udoud el kirir me a lechub e te omeskemiu. Lak momdasu el kmo, a rengelekiu a kirir el mo meklou e mo olengeseu el meleketek er a ungil el klengar er kemiu. E dirrek lak mobes, “ng diak le re ngalek a omecheliu er a re chedam ma re chedil; te bai re chedam ma re chedil a omecheliu er a re ngalek.”—2 Korinth 12:14.
RUUNGALEK, LAKO BECHEREI A OMELEKOI ME BO LUCHUL A MONDAI
5. Ngera me ngkmal kirir a ruungalek el blechoel el mengedecheduch er a rengelekir el kirel a Jehovah?
5 A ulaoch el mildung er a uchei a kmo: a rechad “er a ngodech el beluu” a di merael el merema soiseb er a cheldebechelel a Jehovah. (Sekaria 8:23) Engdi a lsekum a rengelekiu a diak bo el ungil el medengelii a omelekoi el molekoi er ngii, e ngsebechel el mo meringel er kau el dolemii a klemerang er a rengrir. Tirkang a kot el ngaruchei el chad el kirem el mesuub a Biblia el obengterir, me a klemedengei er tir el kirel a Jehovah a mo uchul a diak a ulebengelel el klengar er tir. (Johanes 17:3) Me a lsekum e ngsoam a rengelekem a bo lodengei a osisecheklel a Jehovah, e ngkmal kirem el di blechoel el olisechakl e “omelekl” el mo er tir.—Monguiu er a Duteronomi 6:6, 7.
A rengelekem a ngaruchei el chad el kirem el mesuub a Biblia el obengterir
6. Ngmo uchul a ngera el klungiolir a rengelekiu sel lesubii a omelekoi el molekoi er ngii? (Momes er a siasing er a uchelel a suobel.)
6 A rengelekiu a locha sebechir el mereched el suubii sel omelekoi el lousbech er ngii er a skuul, me a lechub e te suubii er a rebebil. Engdi te mo suubii sel omelekoi el mousbech er ngii sel cho blechoel el mengedecheduch er tir lousbech er ngii. Me sel bo lodengelii a omelekingiu, e ngmo beot er tir el mengedecheduch er kemiu el ouchais a ngar er a uldesuir me a rengrir. E tiang a dirrek el ngar er ngii a klungiolel. A lsekum e te mo meduch el melekoi a betok el bedengel a omelekoi, e ngmekurulii a klemedengei er tir er a tekoi e dirrek el ngosuterir el mo medengei a uldesuir a rebebil. Ngdirrek el mo uchul a betok el techall er omesiou el kirir. A Carolina el ngelekir a rechad er a ngodech el beluu el millukl el mo er a ta er a beluu a kmo: “Ngkmal dmeu a renguk el ngar er a ongdibel el melekoi er a ngodech el omelekoi. E kmal soak tia el techellek el olengeseu el ngar er a beluu lousbech a ngeso el kirel a omesiou.”
7. Ngera sebechem el rullii a lsekum ngkakerous a bedengel a omelekoi er a chelsel a telungalek er kau?
7 Me nguaisei, engdi a lsekum a rengelekir tirke el chad er a ngodech el beluu a suubii a siukang me a omelekoi er sel beluu el lullukl el mo er ngii e a rebebil er tir a locha mo diak lsorir el mengedecheduch er a redemerir me a rederrir el ousbech er sel omelekingir. Me kemiu a ruungalek, a lsekum a rengelekiu a uaisei, e kele lsebechiu el suub a bebil el tekoi er tia el beluu? Ngmo beot er kemiu el lomekeroul er a rengelekiu el mo Kristiano a lsekum kom mo medengei a tekoi el lolekoi me a tekoi er a ongelaod el lolilt el meruul me a subelir er a skuul, e dirrek el mo beot er kemiu el mengedecheduch er a resensei er tir. Ngmera el tekoi, ngdiak lebeot el *—Momes er a footnote.
dosuub er a ta er a bedengel a omelekoi, e le kede ousbech er a klou el taem me a blakerreng me a dirrek el klengariourreng. Engdi ngmo uchul a klungiaol. El ua tiang, oleko ngelekem a mo mechad a dingal, e ngdiak lsoam el mo mesuub a bebil lomelekoi lousbech a chim me bo lsebechem el mengedecheduch er ngii? Me ngdi osisiu, a ngalek el sebechel el ungil mengedecheduch el ousbech er a ta er a bedengel a omelekoi a dirrek el rredemelel a nguu a osisiu el ngeso er kau.8. Ke mekerang e ngosuterir a rengelekem, a lsekum ngdiak modengelii a omelekoi er a beluu el mkiei er ngii?
8 Nglocha mo meringel er a rebebil er a ruungalek el chad er a ngodech el beluu el mesuub er a beches el omelekingir a rengelekir. E tiang a rulleterir el mo meringel er tir el ngosuterir a rengelekir el mo medengei a “Chedaol Llechukl.” (2 Timothy 3:15) Me a lsekum ke chelebangel er tia el mondai, e ngdirk sebechem el ngosuterir a rengelekem el mo medengelii e mo betik a rengrir er a Jehovah. A Shan el mesiou el ta er a remechuodel a kmo: “A delemam el mle mesobil, a mle meringel er ngii el mo medengei a omelekoi el ngak me a ruchedak a millekoi er ngii. Me kemam a dirrek el mle meringel er kemam el mo medengelii a omelekingel. Engdi sel ki momes er ngii el mesuub e meluluuch, e lolasem er a tkurrebab el sebechel el mengetmokl er a omengull el telungalek er kemam er a bek el sandei, e aki mo medengei el kmo a okurulel a klemedengei er kemam el kirel a Jehovah a kmal klou a ultutelel el tekoi.”
9. Te mekera ruungalek e ngosuterir a rengelekir el tir a kirir el mesuub a eru el bedengel a omelekoi?
9 A rebebil el ngalek a locha mo kirir el mesuub el kirel a Jehovah el okiu a eru el bedengel a omelekoi. E ngera uchul? E le sel lengar er a skuul e te melekoi er a ta er a omelekoi, e a lemei er a blai e ngkuk ta er a omelekoi. Sei a uchul me a rebebil er a ruungalek a ousbech a bebil babilenged, me a audio recording, me a video el ngar er a eru el bedengel a omelekoi. Me ngkmal bleketakl el kmo, a ruungalek el chad er a ngodech el beluu a kmal kirir el meringel el oureor me bo lsebechir el ngosuterir a rengelekir el mo kmeed er a Jehovah.
NGKIREM EL MO CHEDAL A NGERA EL ONGDIBEL?
10. (a) Ngtecha ngike el kirel melilt er a ongdibel el lebo er ngii, ngii me a telungalek er ngii? (b) Ngera kirir a rebdelul a delengchokl el meruul er a uchei a loruul a omelilt er tir?
10 A lsekum tirke el “chad er a ngodech el beluu” a kiei el cheroid er a rebebil Sioning er a Jehovah el melekoi er a omelekingir, e ngkirir el mo teloi er sel kmeed er tir el ongdibel el melekoi a tekoi er sel beluu el lekiei er ngii. (Psalm 146:9) Engdi a lsekum ngar er ngii a ongdibel el melekoi er a tekingir el kmeed er tir, e ngike el bdelul a telungalek a ngerechelel el melilt el kmo ngera el ongdibel a ungil el kirel a telungalek er ngii. Me a uchei er a loruul er a omelilt er ngii, e ngkmal kirel el mo ungil el melatk er tia el tekoi e meluluuch el kirel. Ngdirrek el kirel mo mengedecheduch er a bechil me a rengelekel. (1 Korinth 11:3) Me ngera kirel el melatk er ngii? E ngera el omellach er a Biblia a sebechel el ngosuir el kirel a omelilt el bo loruul?
A bdelul a telungalek a ngerechelel el melilt el kmo ngera el ongdibel a ungil el kirel a telungalek er ngii
11, 12. (a) Ngmekerang a omelekoi e ngar er ngii a letemellii er a uldesuel a ngalek sel lengar er a miting? (b) Ngera me a rebebil er a rengalek a chetirir el mesuub er a omelekingir a rechad er a blirir?
11 A ruungalek a kmal kirir el mo kerekikl el 1 Korinth 14:9, 11.) Me a lmuut el tang, sel omelekingel a demal me a delal a ngalek a diak a ngera el lerellii er a uldesuel me a rengul a ngalek. A mera er ngii, a rebebil el ngalek a sebechir el mesuub el mo onger er a miting, e meruul a presentation er tir me a cheldechedecherir el ngar er a omelekingir a rechad er a blirir, engdi ngdiak bo luchul e locholt aike el mera el ngar er a uldesuir me a rengrir.
melatk aike el lousbech a rengelekir. A rengalek a ousbech er a klou el taem el mo medengei a klemerang er a Biblia, el diak di el sesei el sikang el mesaod a ulekrael er a Biblia er a bek el sandei er sel temel a miting. Ka molatk er tiang: Ngar er a miting el melekoi er a omelekoi el lodengelii a rengalek e nglocha sebechir el ngmai a klungiolir er ngii sel lebong, e locha dirrek el suub a betok el rechad er a blirir a diak lsebechir el ungil mtebengii. Engdi ngkmal diak leuaisei el kirir a rengalek a lsekum e ngdiak lodengelii a omelekoi el medung er a miting. (Monguiu er a12 Ngdirrek, a rengul a ngalek a mekesuseu er a betok el tekoi el diak di lomelekoi e lemerekong. E tiang a dilubech el mo er a Joshua el dulsaod er ngii er a uchei. A ochedal er a Esther a kmo: “A rengalek me a omelekingel a demerir me a derrir me a siukang me a klechelid a di mlo ta el merael.” Me a lsekum a rengalek a mo omdasu el kmo ngdiak lodengei a siukang er a rechad er a blirir, e nglocha mo diak lsorir el mesuub er a omelekingir a redemerir me a rederrir me a dirrek el klechelid er tir. Me a leuaisei, e ngera kirir a ruungalek el chad er a ngodech el beluu el meruul er ngii?
13, 14. (a) Ngera me a telungalek el chad er a ngodech el beluu a millukl el mo er a ongdibel el melekoi a tekoi er sel beluu? (b) Te milekerang a ruungalek e melemolem el melisiich er a deleuill er tir lobengkel a Jehovah?
13 A ruungalek el Kristiano a ngmai aike el lousbech a rengelekir el mo ruchei er aike el sorir el tekoi. (1 Korinth 10:24) A Samuel el demal a Joshua me a Esther a kmo: “Ngak me a bechik a mlo kerekikl el omtab er a rengelekam me bo lsebecham el mo medengelii a omelekoi el sebechel el mo uchul a okurulel a tekoi er a klereng er tir, e dirrek el milluluuch el kirel tia el tekoi. Me a nger er a nglungucham a dimlak lebeot er kemam, engdi sel ki momes er tir el dimlak lengai a klungiolir er a miting el melekoi er a omelekoi el ki modengelii, e aki tilbir el mo melukl el mo er a ongdibel el melekoi er a omelekoi er tia el beluu. Me ngmlo sebecham el dmak el ngar er a miting e oldingel a obliil. Ngdirrek el mlo sebecham el mengemedaol er a resechelimam el chad er tia el beluu el me obengkemam lomengur, e dmak el mesarech a beluu. Aika el rokui el tekoi a ngilsuterir a rengelekam el mo ungil medengelterir a rudam e mo medengelii a Jehovah el kmo ngdiak di el Dios er tir, e ngdirrek el Demerir e Sechelirir. Me chelechang e aki kmal ungil medengei el kmo, ngar er ngii a lmuut el meklou a ultutelel el tekoi el diak di el sel bo dungil el medengelii a ta er a bedengel a omelekoi.
14 Ngdirrek el dilu el kmo: “Ngak me a bechik a mo er aike el miting el melekoi er a omelekingam me bo lsebecham el melisiich er a deleuill er kemam me a Jehovah. Me a klengar er kemam a kmal mle mechesang e dirrek el mo mesaul a bedengam, engdi aki kmal mereng a sulel a Jehovah el kirel a klengeltengat e le ngmle blak a rengmam e uluutekangel. Me chelechang, e tirka el tedei el ngelekam a teloi er a mui el taem el omesiou el kirel a Jehovah.”
AIKE EL SEBECHIR A REMEKEKEREI EL CHAD EL REMUUL
15. Ngera me a Kristina a mlo melechesuar el kmo nglmuut el mo ungil Kristiano, a lsekum ngmo er a ongdibel el melekoi er a omelekoi er sel beluu el lekiei er ngii?
15 Sel lemukeroul a rengalek, e te mo melechesuar el kmo ngsebechir el mo ungil mesiou er a Jehovah, a lsekum te ngar er a ongdibel el melekoi er a omelekoi el lodengelii. A lsekum ngmo uaisei, e a ruungalek a diak el kirir el mo omdasu el kmo a rengelekir a sorir el mengoit er tir. A Kristina a kmo: “Ak mle medengei aike el beot el tekoi el Rellir 2:11, 41) Me sera bo el 18 a rekil a Kristina, e ngmilsaod er tia el tekoi el mo er a demal me a delal, e millukl el mo er a ongdibel el melekoi er a tekoi er tia el beluu el lekiei er ngii. Me a uriul e ngdilu el kmo: “Cherengel a taem el kusuub el kirel a Jehovah, e ngmlo uchul e ak ulengeriakl er a omesiungek.” Me ngdi mle telkib, e a Kristina a mlo mesiou el pioneer e kmal mle dmeu a rengul el meruul er a omesiungel.
ngar omelekingel a demak me a delak, engdi sel kbo er a miting e ngkmal mo meringel er ngak el lomtab a suobel. Sera dirk el 12 a rekik, e ak mlo er a klou el ongdibel el melekoi er a omelekoi el ksilubii er a skuul. Tiaikid a mle ketengek el mo mtebengii el kmo, a tekoi el kurrenges a kmal klemerang! A ta er a tekoi el dirrek el kmal ulterekeklii a renguk, a sera kumuchel el meluluuch el ousbech er tia el omelekoi el ksilubii er a skuul. Ngmera el mle sebechek el dmu aike rokui el ngar er a renguk el mo er a Jehovah!” (16. Ngera me ngkmal dmeu a rengul a Nadia el mlo sebechel el melemolem el ngar er a ongdibel el melekoi er a ngodech el omelekoi?
16 Kemiu el mekekerei el chad, omomdasu e ngbai ungil el bo mteloi er a ongdibel el melekoi er a omelekoi er a beluu el mkiei er ngii? A lsekum nguaisei a uldesuem, e molatk er sel uchul me komdasu el uaisei. Tia el omelukl er kau, ngmo uchul e ke lmuut el okesengii a deleuill er kau me a Jehovah? (Jakobus 4:8) Me a lechub e ngkuk di soam el melukl me bo lak lsebechir a rechad er a blim el omes a omerellem, me a lechub e ngdiak er a uldesuem a olengeriakl er a omesiungem? A Nadia el mesiou el ngar er a Bethel er chelechang a kmo: “Sel taem el dirk kngeasek ngak me a rebebil er ngak, e ngmlo somam el melukl el mo er a ta er a ongdibel.” Engdi a demerir me a derrir a miltebengii el kmo, tiang a sebechel mo uchul a telemellel a deleuill er tir me a Jehovah me ngdimlak lekengei er tir. Me a Nadia a kmo: “Chelechang e aki kmal mereng a sulir a rechad er a blimam el kmal mle blak a rengrir el olisechakl er kemam el ousbech er a omelekingir, e millemolem el obekemam el ngar a ongdibel el melekoi er a ngodech el omelekoi. Tiang a mlo uchul a betok el ungil tekoi er a klengar er kemam, e mla mo uchul a betok el techall er a omesiou el mo ngosuterir a rebebil el mo medengelii a Jehovah.”
A ROLEL E NGSEBECHIR A REBEBIL LOLENGESEU
17. (a) A Jehovah ngulemekngerachel er a rua techang el mo omekeroul er a rengalek? (b) Te mekerang a ruungalek, e smiik a ngeso el mo olisechakl er a klemerang el mo er a rengelekir?
17 A Jehovah a mla mesterir a ruungalek a ngerechelir el mo olisechakl er a rengelekir er a klemerang. E tia el ngerachel a dimlak lolterekokl er ngii er a redemerir me a rederrir tirka el oungalek me a lechub e ngii di el chad. (Monguiu er a Osisechakl 1:8; 31:10, 27, 28.) Me nguaisei, engdi a ruungalek el diak lodengelii a omelekoi er a beluu el lekiei er ngii a locha mo ousbech a ngeso, me bo lsebechir el dolemii a klemerang er a rengrir a rengelekir. Me a lsekum te mo olengit a ngeso e ngdiak el belkul a kmo, te chemiis er tia el ngerechelir el lomekeroul er a rengelekir. Tiang a bai ta er a rolel e te omekeroul er a rengelekir el “oba omellach ma osisechakl er a Rubak.” (Efesus 6:4) El ua tiang, a ruungalek a locha mo olengit a ngeso er a remechuodel er a ongdibel el kirel a bebil el rolel e te mengetmokl er a omengull el telungalek er tir, e dirrek el olengit a ngeso me bo lsebechir el osiik er a rungil sechelei el mo sechelirir a rengelekir.
Ngmo uchul a klungiaol el mo er a ruungalek me a rengelekir a lsekum e te omak a kmes el deleuill er tir me a ongdibel (Momes er a parakurab 18, 19)
18, 19. (a) Te mekerang a rebebil Kristiano e olengeseu er a remekekerei el chad? (b) Ngera el tekoi a kirir a ruungalek el melemolem el meruul er ngii?
18 Me a ruungalek a mo sebechir el ngosuterir a rengelekir el okiu sel longemedaol er a bebil telungalek el mo teloi er tir er a temel a omengull el telungalek a lebebil er a taem. Ngdirrek, a rebetok el mekekerei el chad a suub a betok el tekoi er a rebebil el Kristiano sel lobengterir el mo oldingel a obliil e ledak el meruul a bebil er a tekoi. (Osisechakl 27:17) A Shan el dulsaod er ngii er a uchei a kmo: “Ak kmal dirk melatk aike el taem el rudam a ullengeseu er ngak. Sel lolengeseu er ngak el kirel a subelek er a miting, e ak di blechoel el suub a lmuut el betok er tir. E ileakl el kmal mle dmeu a renguk el milil obengterir.”
19 Me tirke el chad el lolilt er tir a ruungalek el mo olengeseu er a rengelekir, a kirir el blechoel el melisiich er tirka el ngalek el mo olecholt a omengull el mo er a demerir me a derrir. E tiang a sebechel meketmokl a lsekum te blechoel el mesaod a ungil tekoi el kirir a redemerir me a rederrir, e diak lolasem el lorribech er sel ngerechelir a ruungalek el ngii a okurulir a rengelekir. Tirka el lolengeseu a dirrek el kirir el kerekikl a omerellir me lak bo luchul a cheleuid me a mekngit el uldesuir a rechad er a ongdibel, me a dirrek el ikrel a ongdibel. (1 Petrus 2:12) Me a ruungalek a locha mo olengit a ngeso er a rebebil engdi ngkirir el diak lobes el kmo, ngdirk ngerechelir el olisechakl er a rengelekir er a klemerang. E dirrek el kirir el kerekikl el omtab a ngeso el loruul a rebebil el Kristiano el kirir a rengelekir.
20. Te mekerang a ruungalek e ngosuterir a rengelekir el mo blak a rengrir el mesiou er a Jehovah?
20 Kemiu a ruungalek, moluluuch el olengit a ngeso er a Jehovah e bo er a tkurrebab el sebechiu el remuul aike el sebechiu. (Monguiu er a 2 Kronika 15:7.) Mnguu a deleuill er a ngelekem el obengkel a Jehovah el mo ruchei er aike el soam. Moruul a rokui el sebechem el dolemii a Tekingel a Dios er a rengrir a rengelekem. Lak meterob el oumerang el kmo, a ngelekem a sebechel el mo mesiungel a Jehovah. Me sel taem el rengelekem a mo oltirakl er a Tekingel a Dios me a ungil kerebai er kau, e ke mo ua uldesuel a apostol el Johanes el kirir tirke el mlo okedongall el ngelekel el kmo: “Ng diak a lmuut el mor uchei el odeuir a renguk el ua isel krenges el kmo a re ngelekek a oltirakl er a klemerang er a klengar er tir.”—3 Johanes 4.
^ par. 7 Momes er a suobel el “You Can Learn Another Language!” el ngar er a Awake! er a March 2007, er a 10-12 el llel el tekoi er a Merikel.