A Beluulechad er a Ngar er a Medad el Diak a Delengerenger er Ngii

KA MOLEBEDEBEK, a lsebechem, er a chutem el diak a redengerenger er ngii! Ngdiak a usbechel a klebulis, ma kelebus, ma lechub a meringel a cheral el chelechad er a llach el omtebechel a delengerenger. Tiang a mo chutem el derta el chad er ngii a mo mengull er a klengar ma kloklir a rebebil. Tiang ua leberrous el tekoi? Ke locha omdasu el uaisei, engdi choua itia el ukbechesul a tekoi a bla letibir a Biblia el kmo ngmo er ngii. Ngera me ngdiak bai bo momes aike el bla ldung a Bades el kirel a delengerenger ma kuk bebil er a mekngit el tekoi el ngar er tia el chutem?

Ngar er a babier er a Psalm, e kede menguiu el kmo: “Lako bekikl el kirir ar dengerenger; lako mechechei er tirkel meruul a chelebirukel; te mo dibus el ua chudel el mo merat; te mo mad el ua mo meualech el dellomel. Ngdi tirke el medemedemek a mo ungilbeserir el kiei el ngara beluu el ungil a rengrir ra cherrungel budech.” (Psalm 37:​1, 2, 11) Ngmerang, ngdiak a sebechel el olekebai er a Dios el mo oltaut er tia el iaksok ma aike el kuk bebil el ulterekokl el iaksok er ngii.

A rael el Dios a ousbech el mo mengetmokl aika el klengeltengat a Rengedel. Ngngar er a Nglunguchel a Rubak, e a Jesus Kristus a ulsisecheklterir a rulebengkel el mo meluluuch me lemei tia el Renged ma uldesuel a rengul a Dios el lemeruul “ra belulechad el ua chomerellel ra eanged.” (Matteus 6:​9, 10) Ngdi kmedung, el ngar er a eungel sel Renged, e mo diak a ngar er tia el chutem el soal el meruul a delengerenger e le ngchelebuul, ma ulecheracheb, ma rechorecherreng a uchul. Ngbai, a Tekingel a Dios a dmu el kmo: “Bo le kekeuii ra kokumots el ngara beluu; ma ikel bukl di bo le medekedek ra dellomel el kall.” (Psalm 72:16) Ngmerang, a Jehovah el Dios a mo mesterir a rokui el ngar er a chutem a diak a ngemedel el ungil el klalo. Ma lmuut el klou a ultutelel, a klechad a mo oeak a bltikerreng el mo er a Dios ma ngar er a bita er ngii, e tia el chutem a kmal diak el lluut el mo er ngii a delengerenger er ngii.