A Klaumerang Ngsebechel el Omekungil er a Smecher?

SEL desecher, e kede osiik a ulengull ma omekungil. Ke locha medengei loeak a Biblia el kmo ngmle betok el taem e a Jesus a ulemekungil a bek el bedengel a rakt, el milsterir a ulengull el mo er a betok el mle smecher. Ngmilekerang e mo er ngii aika el omekungil? Nguleak a “klisichel a Dios,” a Biblia a melekoi. (Lukas 9:​42, 43; Rellir Ar Apostel 19:​11, 12) Ma leuaisei, e ngmle chedaol el reng er a Dios el mlo uchul a omekungil, el diak el di le klaumerang er a chad. (Rellir Ar Apostel 28:​7-9) Me seikid a uchul e a Jesus a dimlak lousbech er a resmecher el chad el mo olecholt a klaumerang er tir er ngii me bo lungil, er a secher.

Me ke locha mo melebedebek el kmo: ‘Aike el mengasireng el omekungil ngtekoi er a irechar, ma lechub e aike el omekungil el ua ike el lurruul a Jesus a sebechel el lemuut el mo er ngii? Ngera el omelatk a ngar er ngii el kirir tirke el chuarm a meringel ma lechub e ngdiak a kerul el rakt?’

A Biblia a mesaod el kmo ngar er sel beches el beluulechad er a llemalt er a Dios, e a klisichel a Dios a lmuut el mo remuul aike el mengasireng el omekungil el di ua ike el lurruul a Jesus er sera lengar er tia el chutem. A Resioning er a Jehovah er a beluam a kmal mo dmeu a rengrir el ochotii er kau el kmo ngmekerang ma oingerang e a Dios a mo remuul aike el diak lsebechel a chad el omekungil el remuul​—⁠el olekngemed a rokui el rakt el mo lmuut er a kodall. Chochoi, a Dios a “ulterekokl el mo merkeklii a kodall el mo cherechar.”​—⁠Isaia 25:⁠8.