“Good News for People of All Nations”

TIA el babier a tilobed er a rak er a 2004/5 el “Morael el Obengkel a Dios” el District Convention er a Resioning er a Jehovah. Ngii el babier a ngar er ngii a 96-el-llel el ouchais er a kedeb el klumech el ngar er a 92 el omelekoi, el omuchel er a tekoi er a Africa el mo er a tekoi er a Zulu, e merruul el mo olengeseu el omerk er a klumech er a Renged el mo er a rebetok el chad. (Matteus 24:14) Aikaikid a tekoi el dilubech el oeak a ungil el usbechellel ngii el babier.

• A uriul er a lenguu tia el babier er a convention, e a ta el telungalek el Sioning a mlo oldingel er a kldei el blil a omilil er a buai. Ngar er isei e te miltik er a rechad er a India ma Netherland ma Pakistan ma dirrek el Huiribing. Me ngike el chedam a melekoi el kmo: “Alta e tirke el chad a mle sebechir el melekoi a tekoi er a Merikel, engdi te kmal mlo mechas a rengrir er a lesa tia el klumech el ngar er a tekingir, e le te kiei el kmal cheroid er a belurir. Me ngkmal mlo bleketakl er a rengrir a kltarreng er kid ma urered el ngar er ngii er a beluulechad el rokir.”

• El ngar er a beluu er a Canada, e a ta el redil er a Nepal a kilengei el mo mesuub er a Biblia el obengkel a Sioning el ngar er a dengua engdi ngdimlak el lsal soal el mengemedaol er ngika el odos el mo er a blil. Engdi, ngike el Sioning er a louchais el kmo ngoba babier el ngar er ngii a tekoi er a Nepali er a chelsel, e ngmilengemedaol er ngika el odos el mo er a blil e le ngmle soal el omes er sel babier el ngar er a omelekingel. Ma omesuub er a Biblia el obengkel ngike el redil a millemolem el ngar er a blil el me lmuut er a chelechang.