A Chad a Kirel el Ngar er Ngii a Ngklel

A REBEK el chad a ngar er ngii a llemeltir el kirel a ngakl el mo ngklir. Ngar er a beluu er a Tahiti, e a cheloit el tolechoi el diak a medengelii a demal ma delal, a lebsa ngklel. E sel obis el olab a ngklir a rechad er a beluu, a omngakl er a cheloit el ngalek a ngklel me sel ua lengklel a demal.

Nguaisei, engdi ngngar er ngii a ta el chad el ua lebla lemengai er ngii tiaikid el llemeltel el kirel a ngakl, el llemalt el subed el mo er a rebek el chad. Ngmechas a rengud, e le ngii “a Chedam, el ngikel le mlungakl er ngii a bek el klebliil ra eanged ma chutem”! (Efesus 3: 14, 15) E ke medengei el kmo ngerang, a rebetok el chad a diak el sorir el ousbech er a ngklel a Omebeled el sebeched el mesang er a Biblia. Te bai sorir el mtechir ngii el ngakl el ousbech er choua ika el dui el “Dios” ma “Rubak” ma lechub a “Chedam er a Cherechar.” Ma leuaisei, e ngera sel ngklel? A meluches er a psalm a onger er a ker el kmo: “Kau, el ngklem a Jehovah, a di kau el tang a Kot el Ngar er a Bab er a beluulechad el rokir.”​—Psalm 83:18. [New World Translation]

Ngar er a uchelel aike el rak er a 1800 er sel taem el tirke el missionari er a London Missionary Society a mlo er a beluu er a Tahiti, e a rechad er isei a mlengull a betok el chelid. E a derta er a chelid a ngar er ngii a ileakl el ngklel, e a ngklir tirke el ngar er bab el chelid a Oro ma Taaroa. Ma bo lsebechir el eklii a Dios er a Biblia er tirke el kuk bebil el chelid, e a remissionari a uluusbech er a ngklel a Dios, el Iehova er a tekoi er a Tahiti.

Misei el ngakl a blo lodengelii a rechad e dirrek el uluusbech er ngii er a bek el sils a longedecheduch ma loluches a babier. A king el Pomare II er a Tahiti, el milengedereder er seikid el taem, a mle mekudem el ousbech er ngii el ngakl el ngar er a babilengel el mo er a rechad. E sebeched el mesa olechotel er tia el tekoi el ngar er a babilengel, el llechukl er a tekoi er a Merikel, el ngar er a Museum of Tahiti and Its Islands, el desang er tiang. Tia ochotii el kmo ngdimlak a omengetukel el kirel a ngklel a Dios er seikid el taem. Ma lmuut el tang, a ngklel a Dios a desang el betok el telael el taem el ngar er sel kot el oidel a Biblia er a tekoi er a Tahiti, el tilobed er a 1835.

[Siasing er a 32 el llel]

King Pomare II

[Credit Line]

King ma babilengel: Collection du Musee de Tahiti et de ses Iles, Punaauia, Tahiti