Chudelang Engdi Ngdiak el Llechotel

SEL lorael a cheluodel el mei, e a rebetok el chad a mo mechitechut e mo diak el sebechir el teloi er a rechad er a beluu. Engdi tiang a kuk dimlak leuaisei el kirel a chad er a Geneva el beluu er a Switzerland el ngklel a Fernand Rivarol, el mlad er a le 95 a rekil. A bechil a di mla mad ma ngelekel a mla mo bechiil e ileakl el blai me ngdi mle ngii el tang el kiei. Me nguaisei el di mle ngii el tang, engdi ngdimlak bo lesabisi. Ngblechoel el dengchokl er a kingellel e ousbech er a dengua el omekedong er a rechad el mengedecheduch er tir el kirel a tekoi er a klereng.

Ngmla er ngii a taem er a chelsel a klengar er ngii, e a Fernand a mle ua lellechotel. Ngera uchul? E le sera lomuchel el Sioning er a Jehovah a Fernand ma bechil er a rak er a 1939, e a Ongeru el Mekemedil a Beluulechad a mlo er ngii er a beluu er a Europe. Ma Fernand a tilbir el mo oltirakl er a Biblia me ngdiak bo lolemall er a ngii di el chad. Me tia el klaumerang er ngii a mlo uchul e nguridii a urerel e mlo kelebus​—el eim el rak ma tedobech​—el cheroid er a bechil ma kekerei el ngelekel el redil.

Ma lolatk aike el tekoi el dilubech, e ngmelekoi el kmo: “A rebetok el chad a omes er tia el blekeradel el kmo, ak chilitii a telungalek er ngak ma ungil el urerek. Te dirrek el ouketui er ngak e omes er ngak el ua dengerenger el chad. Engdi, sel kulatk el kirel aike el meringel el taem, e ak lmuut el kmal mo melatk er sel rolel a Jehovah a losebechakl e lolengeseu er kemam. Ngmla mo chuib a betok el rak, engdi a klaumerang er ngak el bedul a Jehovah a kmal dirk mesisiich el di ua kot el uchul.”

Tia el klaumerang er a Fernand a silisichii el mo ousbech er a dengua el ouchais er a rechad el kirel sel omelatk el lengiluu er a Biblia. Sel taem el lebo lungil a rolel a cheldechedechal el obengkel a chad, e ngblechoel el oldurokl a babier er a Biblia el mo er ngii el chad. E a uriul, e nglmuut el oudengua el mo er ngike el chad e oker er a uldesuel el kirel a babier. A lebebil er a taem e a rechad a meluches el mereng a sulel, me tiang a rirellii a Fernand el kmal mlo ungil a rengul.

Malta e nglocha ngar er ngii a chad el ngar er a beluam el ua Fernand el mo oudengua el leko er kau. Moutekangel el rongesii me bo modengei aike el loumerang el tekoi. A Resioning er a Jehovah a kmal sorir el ouchais er a klaumerang er tir el eko er kau.