Ruungalek—Mngesuterir a Rengelekiu el Mo Mellomes a Rengrir Me Lsebechir el “Mo Suobel”
“Kau itia er a cho modengei a Chedaol Llechukl er cho mkekerei el me klou, el ngii ia sebechel el mekllemesii a rengum . . . me ke mo suobel.”—2 TIMOTHY 3:15.
CHELITAKL: 1, 41
1, 2. Ngera me a rebebil loungalek a mo suebek a rengrir er sel taem el rengelekir a mo sorir el tuib a rengrir el mo er a Jehovah e mo metecholb?
A REBETOK el telael el mesuub er a Biblia a mla tuib a rengrir el mora Jehovah e mo metecholb. A betok er tir a mekekerei el chad el mlukeroul er a chelsel a klemerang, e dirrek el mla ngiltii a kot lungil rolel a klengar. (Psalm 1:1-3) Me a lsekum kau a Kristiano el oungalek, e ke locha dirrek el omes el beduluchei el kirel sel sils el ngelekem el sechal me a lechub e ngredil a mo metecholb.—Momekesiu er a 3 Johanes 4.
2 Me nguaisei, engdi nglocha mo suebek a rengum. Ke locha mla mesterir a rebebil el mekekerei el mo metecholb e a uriul e te mo oumededenger el kirel a llechul a Dios. E a rebebil er tir a mo cheroid er a klemerang. Me ke locha mo omdasu el kmo a ngelekem a locha omuchel el mesiou er a Jehovah, e a uriul e ngoridii sel bltkil a rengul el kirel a klemerang el ua kot luchul. A ngelekem a locha mo ua tirke el bebil Kristiano er a Efesus er a irechar. A Jesus a dilu er tir el kmo: “A bltkil a rengum er ngak er chelechang a dikea le ua iser a kot el Ocholt 2:4) Me ke mekerang e ngosuir a ngelekem me ngmelemolem el mesisiich a bltkil a rengul e dirrek el mukeroul e mo suobel? (1 Petrus 2:2) Ngsebeched el suub a betok er a kerebil a Timothy.
uchul.” (“KAU ITIA ER A CHO MODENGEI A CHEDAOL LLECHUKL”
3. (a) Ngmilekerang a Timothy e mo Kristiano, e milekerang er a loltaut a tekoi el lesiluub? (b) Ngera edei el tekoi el kirel a omesuub el Paulus a milsaod el mora Timothy?
3 A apostol el Paulus a mle ketengel mo oldingel er a beluu er a Listra er a rak er a 47. E tia sel taem el Timothy a locha dirk mle ngeasek, e milsuub el kirel a osisecheklel a Jesus. Nguleltaut er a klengar er ngii aike el tekoi el lesiluub, e a eru el rak er a uriul e ngulemuchel el merael a beluu lobengkel a Paulus. E a bekord el 16 el rak er a uriul, e a Paulus a milluches el mora Timothy el kmo: “Bo mesisiich el ngar a ikel bla msuub el msal oumerang, ele kungil medengei el kmo te rua techa ullisechakl er kau, e kau itia er a cho modengei a Chedaol Llechukl [el Bades el tekoi er a Hebru] er cho mkekerei el me klou, el ngii ia sebechel el mekllemesii a rengum e orolau el mo oumerang er a Kristus Jesus me ke mo suobel.” (2 Timothy 3:14, 15) Momtab a tekingel a Paulus el kmo a Timothy a (1) mle medengei a chedaol llechukl, (2) ngmlengal mo oumerang aike el tekoi el lulsuub, e (3) mlo mellomes a rengul el kirel a osobel lokiu a klaumerang er ngii er a Kristus Jesus.
Ngmo lmuut er a remekekerei el ngalek me ngdirrek el sebechir el mesuub el kirir a rechad me a tekoi el dilubech er a chelsel a Biblia
4. Ke mla ousbech a ngera el klekedall el olisechakl er a rengelekem? (Momes er a siasing er a uchelel a suobel.)
4 Me kau el Kristiano el oungalek, a ulterekokl el soam a ngelekem a bo lodengei a chedaol llechukl, el chelecha el taem el ike el Bades el tekoi er a Hebru me a tekoi er a Grik. Ngmo lmuut er a remekekerei el ngalek me ngdirrek el sebechir el mesuub el kirir a rechad me a tekoi el dilubech er a chelsel a Biblia. E a cheldebechelel a Jehovah a mla kutmokl a betok el babier me a brochure me a dirrek el video el sebechir a ruungalek lousbech el ngosuterir a rengelekir. Me ngera er aika el klekedall a ngar er ngii el tekoi er a beluam? A ngelekem a kmal kirel mo medengei el kmo ngera ngar a chelsel a Biblia me bo lsebechel mekurulii a kmes el deleuill er ngii me a Jehovah.
“BO DESAL EL“OUMERANG”
5. (a) Ngera belkul a tekoi el bo desal el “oumerang”? (b) Kede mekera e medengei el kmo a Timothy a liluut el mo mesisiich a klaumerang er ngii er a ungil chais el kirel a Jesus?
5 Ngdiak di sel dosisecheklterir a rengeleked el mo medengelterir a rechad me a tekoi el dilubech er a Biblia e lemerekong. Lak mobes, a Timothy a mle kirel el mo mui el “oumerang.” A Paulus a uluusbech er a tekoi er a Grik el “oumerang” me a lechub “ngmo ulterekokl a rengud er a klemerang el tekoi.” A Timothy a mle medengei a Bades el tekoi er a Hebru er a dirk el ‘kekerei’ el belkul a kmo ngsel taem er a dirk lekekerei el ngalek. E a uriul e ngmlo ulterekokl a rengul el kmo a Jesus a Mesias. Me a klaumerang er a Timothy a kmal mlo mesisiich me ngmlo metecholb e dirrek el mlo oureor lobengkel a Paulus el missionari.
6. Ke mekerang e ngosuterir a rengelekem el mo mekurulii a klaumerang er tir er a Tekingel a Dios?
6 Ke mekerang e ngosuterir a rengelekem el mo mekurulii a klaumerang er tir el ua Timothy, me Hebru 5:14.) Me kau el oungalek a kirem el meruul aike el sebechem el ngosuterir a rengelekem el smisichii a klaumerang er tir, el ileakl sel sekum te oker a ker. Me bo domes a tekoi el sebeched el suub er a kerebil a ta el chedam.
bo el sebechir el mengal mo “oumerang”? A kot, e bo leklou a rengum. A klaumerang a ousbech a taem el mo mukeroul. E lak mobes el kmo a tekoi el kau a oumerang a diak lebelkul a kmo a rengelekem a dirrek el mo oumerang el uai kau. A derta el ngalek a kirir el di tir el mo ousbech a duch er tir el mo “tiriter a ungil ma mekngit” el mekurulii a klaumerang er tir er a Biblia. (Monguiu er a7, 8. (a) Ngmekerang a ta el Kristiano el chedam a lolecholt er a kllourreng sel lolisechakl er a ngelekel? (b) Ngoingerang e ngkirel mo klou a rengum el bedul a ngelekem?
7 A Thomas el oungalek er a 11 a rekil el redil, a kmo a lebebil er a taem e ngoker er ngii a ker el uaikang: “Omomdasu e a Jehovah ngmle sebechel lousbech er a tekoi er a evolution el omekdubech er tia el beluulechad?” me a lechub e ngkmo, “Ngera me ngdiak lsebeched el mo teloi a tekoi er a beluu, el ua sengkio me bo lsebeched lolengeseu el mengetmokl a ungil tekoi el kirel a beluu?” A lebebil er a taem e ngmo soal a Thomas el di dmu er ngii aike el tekoi el soal a bo loumerang. Engdi ngungil el medengei el kmo, a tekoi el ocheuir a rengul a chad el mora klemerang a diak di el chimo el klou el tekoi, e ngbai betok el dertelkib el klemerang el olechotel a tekoi.
8 A Thomas a dirrek el medengei el kmo ngkirel mo klou a rengul me bo lsebechel osisecheklii a ngelekel. E a mera er ngii, a rokui el Kristiano a kirir el mo klou a rengrir. (Kolose 3:12) A Thomas a mle ungil medengei el kmo ngkirel lousbech er a klou el taem me a dirrek el betok el cheldecheduch er a delongelel ngii me a ngelekel el mo mekurulii a mesisiich el klaumerang er a ngelekel. Ngdirrek el kirel mo ungil mesaod a tekoi el mo er ngii er sel taem el losuub a tekoi el ngar a Biblia. Me ngii el Thomas a kmo: “Ngak me a bechik a kmal somam el mo ungil losisecheklii a ngelekam el ileakl aike el meklou a ultutelel tekoi, e dirrek el somam el mo medengei el kmo ngoumerang a tekoi el lesuub, e dirrek el mo bleketakl er a rengul. Me ngungil a lsekum ngmo er ngii a keril. Ngbai telkib el suebek a renguk a lsekum ngdi kongei er a tekoi el di diak a keril el kirel.”
Bo leklou a rengum me bo lsebechem el ngosuir a ngelekem el toketekii a klaumerang er ngii er a Tekingel a Dios
9. Ke mekerang e ngosuterir a rengelekem el mo oumerang er a Tekingel a Dios?
9 A lsekum a ruungalek a mo klou a rengrir sel lolisechakl, e a rengelekir a sebechir mo medengelii a “klungel, ma kldidiul, ma delechel” a klaumerang. (Efesus 3:18) Ngsebeched lolisechakl er tir el oltirakl er a rekrir me a dirrek el klemedengei er tir. Me sel lemukeroul a klaumerang er tir el mo mesisiich, e ngmo beot er tir el di tir el mesebechakl er a klaumerang er tir el mora rechad, luldimukl er tirke el ledak el skuul. (1 Petrus 3:15) El ua tiang, a rengelekem ngsebechir el ousbech er a Biblia el mesaod a tekoi el mo duubech sel lemad a chad? Ngbleketakl a uldesuir el kirel a omesodel a Biblia? * (Momes er a footnote.) Lak mobes, ngkirel el mo klou a rengum me bo el sebechem el ngosuir a ngelekem el mo toketekii a klaumerang er ngii er a Tekingel a Dios, e tiang a kmal mekreos el tekoi el diak a tekoi el sebechel mo mekesiur.—Duteronomi 6:6, 7.
A kerebai er kau a dirrek el klou a ultutelel el tekoi el sebechem el ngosuterir a rengelekem el mekurulii a klaumerang er tir
10. Ngera el tekoi a kirel mo tedebechel a osisecheklem?
10 Me nguaisei, engdi a kerebai er kid a dirrek el klou a ultutelel el tekoi el sebechel ngosuterir a rengeleked el mekurulii a klaumerang er tir. A Stephanie, el derrir a retedei el ngalek el redil a kmo: “Sera dirk lemekekerei a rengelekek, e ngmle kirek el melatk el kmo, ‘Ngak a smodii el mora rengelekek sel uchul me a kuumerang er a Jehovah, me a bltkil a rengul, me a melemalt el rolel? A rengelekek, ngbleketakl er a rengrir el kmo ngmera el betik a renguk er a Jehovah?’ Ngkmal diak lsebechek el mengerechir er a rengelekek el mo oumerang a lsekum ngak a diak kuumerang.”
‘KLAUMERANG’ EL MO UCHUL OSOBEL
11, 12. Ngerang a llomeserreng, e ngera me kede medengei el kmo tia el llomeserreng a diak lultuil er a ildisel a rekil a chad?
11 Kede mla suubii el kmo a Timothy a mla er ngii a (1) klou el klemedengei er ngii er a Bades e dirrek el (2) mle mesisiich a klaumerang er ngii er a tekoi el luluumerang. Engdi ngera mle belkul a tekingel a Paulus er sera ledu el kmo a chedaol llechukl a sebechel mo uchul e a Timothy a “mo suobel”?
12 A Insight on the Scriptures, Volume 2 a mesaod el kmo ngar a Biblia, e a llomeserreng a uldimukl er a “dechal a chad el ousbech er a klemedengei er ngii el mo ungil sumechokl a mondai er ngii, e oibngii er a kdekudel el tekoi, e otaut a turrekong er ngii, me a lechub e ngosisecheklterir a rebebil el mo meruul el uaisei. Me tia el blekeradel a kuk ngodech er a klebelung.” A Biblia a mesaod el kmo “A klebelung a medechel er a chelsel a rengul a ngalek.” (Osisechakl 22:15) Me a llomeserreng a kuk ngodech er a klebelung, e le llomeserreng a ochotii el kmo a chad a mla mukeroul a klemedengei er ngii e le ngmeluu er a Jehovah, e dirrek el soal lolengesenges er ngii el diak el belkul a kmo ngii el mla mukeroul el mo klou el chad.—Monguiu er a Psalm 111:10.
13. Te mekerang a remekekerei el chad e ochotii el kmo te oba llomeserreng el mo uchul a osobel?
13 A remekekerei el chad el mla mukeroul a klemedengei er tir er a klemerang a diak di lebeot el “di oberius er a chedesaoch e medokou el mol mei” er a ngibeserreng me a lechub a omerellir a rebebil el mekekerei el chad. (Efesus 4:14) Ngbai ‘oeak a ikel bla lesuub’ e ngmo sebechir el “tiriter a ungil ma mekngit.” (Hebru 5:14) Seikid e te mo ungil melilt a tekoi, el mo lmuut er a taem el demerir me a rederrir me a lechub a remeklou el chad a diak lesterir. (Filipi 2:12) Tiaikid el llomeserreng a klou a ultutelel el kirel a osobel. (Monguiu er a Osisechakl 24:14.) Me ngmekerang e mo sebechem el ngosuterir a rengelekem el mekurulii tiaikid el llomeserreng? Ngkmal kirem el rulleterir el mo medengei aike el tekoi el kau a omes el kmo ngmeklou a ultutelel. Me ngokiu a tekingem me a omerellem e ngkirir el mo mesang el kmo, ke melasem er a tkurrebab el sebechem el kiei el oltirakl a llach er a Biblia.—Rom 2:21-23.
Ngera me a diak lemeterob el ngelsuir a ruungalek a kmal klou a ultutelel? (Momes er a parakurab 14-18)
14, 15. (a) Ngera kirel a kekerei el chad el mo melatk a lsekum ngsoal mo metecholb? (b) Ke mekerang e ngosuterir a rengelekem el mo dmolech el melatk a klengeltengat el mo er ngii sel lolengesenges a llechul a Dios?
14 Me nguaisei, engdi ngdiak di sel mosisecheklterir Isaia 48:17, 18.
a rengelekem el mo medengei a mekngit me a ungil e lesisichii a klaumerang er tir e lungiang. Ngdirrek el kirem el ngosuterir el mo meduch el mesaod a tekoi el ua ker el kmo: ‘Ngera uchul me a Biblia a mengelechel er ngak el mo kerekikl el kirel a tekoi el ua lungil er a osengek? Ngmekerang e mo ulterekokl a renguk el kmo a llach er a Biblia a di blechoel mo uchul a klungiolek?’—15 A lsekum a ngelekem a soal mo metecholb, e mngesuir el mo dmolech el melatk a ngerachel el mo er ngii lokiu a techolb. Ngua ngera uldesuel el kirel aika el tekoi? Ngerang a klungiolel? Ngerang a telemellel? Ngera me a klungiolel a lmuut el ungil er a telemellel? (Markus 10:29, 30) Ngkmal klou a ultutelel el kirel mo melatk aika el tekoi er a uchei er a bo lemetecholb. Mngesuir a ngelekem el mo melatk aike el klengeltengat el mei lokiu a blekongesenges me a telemall el mo er ngii e le chad el diak lolengesenges. Seikid e ngmo sebechel el mo oumerang el kmo a loltirakl a omellach er a Biblia engdi blechoel mo uchul a klungiolel.—Duteronomi 30:19, 20.
SEL LEMEASEM A KLAUMERANG ER A MLA METECHOLB EL KEKEREI EL CHAD
16. Ngkirir el mekerang a ruungalek a lsekum a mla metecholb el ngelekir a mocha mechitechut a klaumerang er ngii?
16 Ke mo mekerang a lsekum a ngelekem a mocha oumededenger er a klemerang er a uriul er a lemetecholb? El ua tiang, a ngelekem el sechal me a lechub e ngredil a locha mocha soal a tekoi er tia el beluulechad. Me a lechub e ngmocha Psalm 73:1-3, 12, 13) A rolel a omoruul a tekoi a sebechel ngar er ngii a bo lerellii er a omesiungel el mora Jehovah. Lak molasem el outoketok er a ngelekem, el diak lultuil er a kmo ngdirk kekerei me a lechub e ngmla mo ngeasek. Bai mkerekikl el ochotii el kmo ngkmal betik a rengum er ngii e soam el ngosuir.
omdasu el kmo a omellach er a Biblia a diak bo luchul a kot el ungil rolel a klengar. (17, 18. A lsekum a kekerei el chad a mla mo oumededenger, e ngmekerang e sebechel a demal me a delal el ngosuir?
17 A kekerei el ngalek el mla metecholb a mla rullii a telbilel a rengul el mora Jehovah. Tiang a telbiil el mo betik a rengul e mesiou er ngii el kuk ngarbab er a rokui el tekoi. (Monguiu er a Markus 12:30.) A Jehovah omes er a telbilel a reng el kmal klou a ultutelel el telbiil, me ngkired el meruul uaisei. (Olisechakl 5:4, 5) Momeklatk er a ngelekem er tiang. Engdi kot, monguiu e mosuub aike el klekedall el cheldebechelel a Jehovah a mla kutmokl el kirir a ruungalek. Me ngar er a ungil rolel me a ungil taem, e molisiich er a ngelekem el kmo a telbilel a rengul el melib er a klengar er ngii el mora Jehovah e mo metecholb a kmal mle klou a ultutelel el tekoi, engdi ngmo uchul a betok el klengeltengat el mo er ngii.
18 El ua tiang, ngsebechem el metik a ungil uldasu er a bebil er a omesodel el ngar er a “Questions Parents Ask,” er a ikrel sel babier el Questions Young People Ask—Answers That Work, Volume 1. Tiang a mengelechel er a ruungalek el kmo ngkirir el diak di lemereched lomdasu el kmo a rengeasek el ngelekir a mla otngeklii a klemerang, e ngbai kirir el mo tirterii el kmo ngera sel mera el mondai. Ngsebechel el orimel er a resechelirir me a lechub e ngsabisi. Me a lechub e nglocha mo omdasu el kmo, a rebebil el mekekerei el chad a meruul a lmuut el betok er a omesiungir el mora Jehovah er a bai ngii. A bebil er a omesodel a dirrek el mesaod el kmo aika el blekeradel a diak leblechoel el belkul a kmo, a ngelekem a diak lekengei er a klaumerang er kau. Ngblechoel mo duubech e le ngbebil er a ringel el bo lechelebangel a uchul. Me a bebil er a omesodel a meskid a ungil uldasu el kirel a rolel e a chedam me a chedil a sebechir el ngosuir a ngelekir el mla mo oumededenger el kirel a klemerang.
19. Te mekera ruungalek e ngosuterir a rengelekir el mo mellomes a rengrir me lsebechir el mo suobel?
19 Kemiu a ruungalek a oba kmal klou a ultutelel el ngerachel e dirrek el ileakl el techall el mo ‘omekeroul er tir el oba omellach ma osisechakl er a Rubak.’ (Efesus 6:4) Me ngokiu aika el bla desuub, e ngbelkul a kmo ngkmal kiriu el mo olisechakl er a rengelekiu el kirel aike el lolekoi a Biblia, e olengeseu er tir el mo oumerang el kirel aike el losuub. Me sel bo lemesisiich a klaumerang er tir, e ngmo sorir el tuib a rengrir el mora Jehovah e msang aike el kot lungil er tir. Me a Tekingel a Dios, me a chedaol reng er ngii, me a ngelsuim el olengeseu er a rengelekem bo luchul e bo lemellomes a rengrir me lsebechir el mo suobel.
^ par. 9 Sel study guide el kirel a babier el Ngerang Mera el Lolisechakl a Biblia? a kmal ungil dongu el dousbech er ngii el ngosuterir a remekekerei me a remeklou el mo ungil medengei e mesaod a klemerang er a Biblia. Aikang a sebechem el metik er a jw.org el ngar a betok el bedengel omelekoi. Momes er cheungel a BIBLE TEACHINGS > BIBLE STUDY TOOLS.