SEL mesa Leonardo, e ngmeringel er kau el omdasu el kmo ngchad er a ureor er a okedecherul a blai. Ngmlechemus a chimal el tiaikid el ureor a uchul er a uchei. Me nguaisei el chitechut engdi Leonardo a kmal blak a rengul el oureor el ngar er a okedecherul a blai er a beluu er a Acajutla, El Salvador, el sebechem el mesang er tia el siasing.

Ngika el Leonardo a di mle ngii el chituuk a dongu er ngii me bo el sebechel el teloi er a ureor er a okedecherul a blai. Ngmla remuul a mechaibibeob el deel e ruedem er a sebelel me ngsebechel el osiseb a chimal er a chelsel, e mo ungil el mesebel a chutem el melecha er a wheelbarrow. Ngar er aike el orekedellel a wheelbarrow, e ngosiseb aika el deel er a ordemelel me ngmo sebechel el di ngii el oldubech er ngii. Ngerang a rirellii el mo sebechel el teloi er tia el ureor?

A Leonardo a kmal mle soal el mo teloi er a ureor er a okedecherul a Kingdom Hall, el blil a omengull er a Resioning er a Jehovah er sel beluu. Ngmle betok a ungil el uchul e ngsebechel el diak el bo el teloi er tia el ureor. Ngmla er ngii a urerel, e mle chitechut, e dirrek el mle mesiou er a ongdibel el ministerial servant. Engdi, ngdirrek el mle soal el remuul aike el sebechel er a ureor er a okedecherul a blai el kirel a omesiungel el mo er a Dios.

Kau ke oba osisiu el reng er a omelenget el kirel a omesiungem el mo er a Dios? A Leonardo a dimlak el ousbech er tia el chelitechetul el mo uchul e lak leteloi er a ureor, e ngbai uluusbech a llemesel a rengul el chudechuul a dongu er ngii me bo el sebechel el oureor. Ngmilsiou er a Dios el oba ‘chomelebedebekel el rokir.’ (Matteus 22:37) A dechitechut me a lak, e a ruureor er a okedecherul a Kingdom Hall er a Resioning er a Jehovah el meliuekl er a beluulechad el rokir a oba reng er a omelenget. Aike el miting er tir a mengemedaol er a buai, me kau me ke kmal chioll el mei.