“Lemei a Lmuut el Ta er a Ilumel”
“Lemei a Lmuut el Ta er a Ilumel”
A ALLEN a ulemuchel el melim a rrom er sera bo el 11 a rekil. * Ngii me a resechelil a mle blechoel el milil er a chelsel a chereomel, el mesuub a blekerdelir a rechad el lomes er tir er a mubi. Tirke el chad el lulsuub er tir a diak el mera el chad engdi a Allen me a resechelil a mera el millim a rrom.
A Tony a mlo melim a eim el mo bedul a elolem el rrom er a bek el kebesengei er a bocha el 40 a rekil. Cherengel a taem e ngmlo diak el lodengei a ildisel a rrom el lengim er a ta el sils.
A Allen a kilengei el mo osiik a ngeso el kirel a omelmil er a rrom. E a Tony a kuk mle chetil a lolengeseu er ngii a rechad er a blil me a resechelil. Me chelechang e a Allen a dirk chad me ngsebechel el ouchais a chisel, engdi a Tony a mlad er a aksident er a mlai er a sesei er rak er a mla me mong el omelmil er a rrom a uchul.
Me alta ngdi ta el chad a imis el melim a rrom, engdi ngsebechel a omerellel el mo uchul a chelebulir a rebebil. * A imis el omelim el rrom a sebechel el mo uchul a klautoketok me a omengelebed el mo lmuut er a odechelakl me a kodellel a chad, me a dirrek el aksident er a mlai me a lmuut el betok el tekoi el ileakl a secherel a bedengel a chad. Ngkmal betok el biliol el udoud a mechoit er a bek el rak el kirel a imis el omelim el rrom, e tiang a diak el uldimukl er a ringel me a chelebuul el mo er a derta el chad me a telungalek me a rengalek.
A obis er a U.S. National Institutes of Health er a beluu er Merikel a melekoi el kmo: “Ngdiak el rokui el chad el melim a rrom a ngar er ngii a mondai er tir, e diak el rokui el chad el imis el melim a rrom a melim a rrom er a bek el sils.” Te betok el chad el melim a rrom a diak el secher er a omelim, engdi te melim a betok el rrom e diak lolechesuar. A rekuk bebil a diak el blechoel el melim a rrom, engdi sel ta el bo lolim a rrom e te nguim a betok er a eim el mo er a bab a ildisel el rrom.
Oleko ke mo melim a rrom, e ngua ngera ildisel el rrom a chotelolau? Ke mekerang e kongei el kmo, a lmuut el ta er a ilumel a mekngtei? A ongingil el suobel a mo mesaod a meklou a ultutelel el tekoi el kirel imis el omelim el rrom.
[Footnote]
^ A bebil el ngakl a mlengodech.
^ Me a suobel a mesaod el kmo a resechal el imis el melim a rrom a eua el chachisois a ildisir er a redil, engdi tia el suobel a dirrek el melutk el kirir a redil.