Ngua Ngera Osengem El Kirel A Jesus?

Ngua ngera uldesuem el kirel a Jesus, ngdirk tolechoi, ngchad el medkung, me a lechub e ngkot el ngarbab el King?

A Biblia a olecholt el kmo a Jesus a mesisiich el King. Engdi tia ngngera belkul el kirem?

A rebetok a oumerang el kmo a Jesus a mlad el kirir. Engdi ngmekerang e sebechel a kodellel a ta el chad er a bekord el 2,000 el rak er a uchei el mo uchul a klengar er a rebebil er chelechang?

Aki mengemedaol er kau el me remenges a nger er aika el ker el mengai a uchetemel er a Bades. Ngmo motobed el cheldecheduch sel lebo ledak a Resioning er a Jehovah el mengedaol er a kodellel a Jesus. Chelecha el rak e tia el sils a mo er ngii er a Ongeua el Ureor, April 5, er a uriul er a ngeltel a sils.

Moutekangel el oker er a Resioning er a Jehovah el kirel a taem me a basio.

Sel ongingil el sandei er a uriul er a Chedaol el Blsoil, e a Resioning er a Jehovah a mo otebedii a cheldecheduch el mlengai er a Biblia el dai er ngii a kmo: “Omomdasu, e Kede Kmal Kmeda er a Ulebongel?” Tia el cheldecheduch a mo ta er aike el kot el meklou el tekoi el meketmokl er a beluulechad el kirir tirke el rokui el betik a rengrir er a klemerang e sorir el mo medengei a betok el kirel a Jesus. Me aki kmal mengemedaol er kau el mei.