“A Diak a Ulebengelel el Klengar a Belkul a Kmo”

“A diak a ulebengelel klengar a belkul a kmo, bo lodengelkau el di ta el meral Dios, e bo lodengelii a Jesus Kristus el ngikel mulderchii el mei.”​—JOHANES 17:3.

A KLEMEDENGEI a sebechel el losebelii a klengar er a chad. El ua tiang, sera bo el secher a 10 el buil el tolechoi el Nouhou e a delal el ngii a uluureor el volunteer er a osbitar er a beluu er a Niger, a mle medengei el kmo ngkirel el mekerang. Ngrirellii a imelel a ngelekel el ousbech a beches el ralm, sar me a sukal. A UNICEF a melekoi el kmo “a omerellel el di mle mereched el meruul er tia el tekoi, me a telkib el klemedengei er ngii er a rolel a ukeruul a uchul me ngdi mle mereched el mo ungil a ngelekel.”

A klemedengei er a Biblia a dirrek el sebechel el olsobel a klengar er a rechad. Ngike el kot el milluches er a Biblia el Moses a kmo: “A ikal osisechakl a diak di le bechachau el tekoi; ng kmal klengar er kemiu. Molengesenges me bo meketeket el kiei.” (Duteronomi 32:47) Ngsebechel a Biblia el komengetii a klengar er kid? Ngera belkul a tekoi el kmo ‘ng kmal klengar er kid’?

Aike el mlo merek el suobel a mla meketeklii el kmo ngdiak a ngii di el babier el sebechel el mo mekesiur a Biblia el kirel a ulaoch, reksi, tekoi er a science, e ungil a ulekrael er ngii el kirel a klengar, e di tang a moktek er ngii. Tiang a ochotii el kmo a Biblia a kmal ileakl el babier. Me a lsekum a Biblia a dirrek el mesaod er a rael el mo er a diak a ulebengelel el klengar, e ngdiak el soam el mo kerekikl el merriter er ngii?

Aki melisiich er kau el mo mesuub er a Biblia e le ngsebechel el mo uchul a budech er a rengum er chelechang me a deurreng er a ngar er a medam el taem. A Resioning er a Jehovah a dmeu a rengrir el ngosukau el kirel tia el tekoi.

[Baks/Siasing el ngar er a 9 el llel]

A Biblia a dirrek el kmal ileakl e le ngdiak a ngodech el babier el mo uai ngii el meskid a ungil el nger el kirel aika el meklou a ultutelel el ker el kmo:

• Ngera uchul me ak ngar tiang?

• Ngera uchul me ngkmal klou a klengiterreng?

• Ngar er ngii a omelatk el kirir a rebetik er a renguk el mla mad?

Ngsebechem el metik a nger er aika el ker el ngar er a Biblia el okiu tia el babier el mirruul er a Resioning er a Jehovah.