Ulaoch el Blechoel el Mo Tmaut
Ulaoch el Blechoel el Mo Tmaut
“Ng diak a tar a ikel rokui el le tilib a RUBAK el Dios er kemiu el kiriu el dimlak bo le tekoi.”—JOSHUA 23:14.
NGERA ME A BIBLIA A NGODECH ER A ROKUI EL BABIER? A rechad el ulemlaoch er a irechar a kmal dimlak lulterekokl a tekingir me a ulochir, el di ua ike el horoscope el loluches er chelechang. E ngar er ngii a rechad el omes a tekoi el dubechang er chelechang e omlaoch el kirel, engdi ngkmal diak lolasem el omlaoch el kirel a tekoi el mo duubech er a uriul er a betok el dart el rak. Aike el ulaoch er a Biblia a kmal bleketakl a omesodel el blechoel el mo tmaut. A Biblia a kmo: “Ngar sel kmal uchelel e [a Dios a] uluuchais er a mo rsel.”—Isaia 46:10.
EL UA TIANG: Ngbekord el 550 el rak er a uchei er a Kristus, e a profet el Daniel a milsang a ues el kirel a renged er a Media me a Persia el mo mechitechut er a Gris. Ngdirrek el ulemlaoch el kirel ngike el king er a Gris el kmo, sel “letereka klisichel” e a omengederederel a “mlecham.” Me ngtechang a mo mtechir? A Daniel a milluches el kmo: “A eual renged [a] mo duubech er isel beluu, e ngdi diak bo le mesisiich el ua klisichel sel mle kot el renged.”—Daniel 8:5-8, 20-22.
A REMELUCHES A REKSI A KMO: Betok er a 200 el rak er a uriul er a taem er a Daniel, e a Alexander the Great a mlo king er a Gris. Ngar er a chelsel a teruich el rak e a Alexander a mlo mesisiich er a Media me a Persia er a mekemad, e a rengedel a uleberk el mo tmurk er a Indus River er a beluu er a Pakistan. Engdi ngdi mle mereched el mad er a bo el 32 a rekil. Me a uriul e a mekemad el dilubech er bita er a Ipsus er a Asia Minor a mlo uchul e ngngilemed a rengedel. Me tirke el teua el mlo mesisiich er sel mekemad a ulemii er a Rengedel a Gris er a delongelir. Engdi ngdimlak a ta er tir el mo ua klisichel a Alexander.
NGERA ULDESUEM? Ngar er ngii a lmuut el ta er a babier el ulochel a blechoel el mo tmaut? Me a lechub e ngdi ta el Biblia a uaisei?
[Blurb el ngar er a 4 el llel]
“A ulaoch er a Biblia . . . a kmal imis el betok me ngkmal diak el sebechel a otutel el di mle ngii el motaut.”—A LAWYER EXAMINES THE BIBLE, BY IRWIN H. LINTON
[Credit Line]
© Robert Harding Picture Library/SuperStock
