A Dios a dimlak lomeob er a Diabelong e ngbai milebii a anghel el uriul e ngmlo Diabelong e dirrek el Satan. A Biblia a mesaod el kmo a Diabelong a mle ta el taem el diak a kngtil e di millekoi a klemerang. Me sera uchelel, e a Diabelong a mle melemalt el anghel el ngelekel a Dios.​—Monguiu er a Esekiel 28:15.

Ngike el anghel el mlo Diabelong a millilt el mo omtok er a Dios e dirrek el millisiich er tirke el kot el obekel el mo obengkel. Me ngdi mle ngii el rullii el mo Diabelong el belkul a kmo “Ngike el Oltuub” me a Satan el belkul a kmo “Ngike el Omtok.”​—Monguiu er a Genesis 3:1-5; Ocholt 12:9.

Me ngdi uai tirke el kuk bebil er a blebelel a Dios, e ngika el anghel el mlo Diabelong a mla er ngii a ilmeklel el melilt el mo meruul a melemalt me a lechub e ngdiak el melemalt el tekoi, engdi ngmle soal a omengull a lebo er ngii. Tia el urungulel a kuk mlo mesisiich er sel urungulel el soal el oldeu er a rengul a Dios.​—Monguiu er a Mateus 4:8, 9; Jakobus 1:13, 14.

Ngmekerang a Diabelong a lolemolem el lomekrael er a rechad? Ngkirem el mo medakt er ngii? Ngsebechem el metik a nger er aika el ker el ngar er a Biblia.