OMESODEL A SUOBEL ER A IKREL: A TEKOI EL DESUUB ER A MOSES
Ngtechang a Moses?
Ngera uldesuem sel molatk er a Moses? Ke mo molatk er a . . .
-
tolechoi el delal a silkur er a sualo e mertii er a Omoachel el Nail?
-
buik el ngelekel a ngelekel a Farao el mlukeroul er a blirir a remerau, engdi ngdimlak lobes el kmo ngmle chad er a Israel?
-
chad el milengkar a sib er a Midian el 40 el rak?
-
chad el milengedecheduch er a Jehovah * er bita er a kerrekar el mla tmaut?
-
chad el mle bekeu el mengedecheduch er a king er a Ekipten, el melubet er a rechad er a Israel er a klsibai?
-
chad el mlodurech er a Dios el mo ouchais el kirel a Teruich el Ringel el mo er a Ekipten, e le king el mlo omtok er a mera el Dios?
-
chad el milengetakl er a rechad er a Israel el tuobed er a Ekipten?
-
chad el ulemii er a Bekerkard el Daob?
-
chad el milsterir a rechad er a Israel a Teruich el Llach er a Dios?
A MOSES a riruul aike el tekoi el rokui me a lmuut el bebil. Misei a uchul me a Rekristiano, rechad er a Judea me a Remoslem a oumerang er ngika el blak a rengul el chad!
Me ngbleketakl el kmo a Moses a profet el kilengei er a Dios me ngousbech er ngii el meruul a betok el meklou el tekoi. (Duteronomi 34:10-12) Me nguaisei, engdi a Moses, el mle dechor er bita er a profet el Elias er a ues er a lengar er a chutem a Jesus, a dirrek el “di mle chad el ua ikid.” (Jakobus 5:17; Mateus 17:1-9) Ngdirrek el mlo chelebangel a osisiu el mondai el dechelebangel er chelechang e mle sebechel el mo mesisiich er ngii el rokui.
Ngsoam el mo medengelii a rolel e ngmlo sebechel el meruul uaisei? Me bo dosaod a edei el ungil blekeradel el ullecholt a Moses me sel rolel e kede mesuub er a kerebai er ngii.
^ A Jehovah a ngklel a Dios el mocholt er a Biblia.
