A JONATHAN, el chad er a Korea el milechell er a Merikel, a mle chelebangel a omengetukel er a lekekerei. E sera bo leklou el chad, e ngulsiik er a basio el rechad er ngii a diak bo longetukel er ngii el kirel a teletelel a medal me a basio el lebla er ngii el mei. Ngmlo toktang er a ta er a kekerei el basio el ngar er a dimes er a Alaska, el mla er ngii a rechad el di osisiu a mederir el uai ngii. Nguluureng el kmo a lengar tia el kmal mekelekolt el beluu, e ngsebechel el mo cheroid er a tekoi er a omengetukel.

Tia el urungulel a dimlak bo el mera el tekoi er sera lolengeseu er a ta el redil er sel beluu el mle 25 a rekil. Ngika el redil er a lebekiis er a coma, e ngdi milsang a medal a Jonathan e dulii a mekngit el tekoi el ulechotii el kmo ngkmal chetil a rechad er a Korea. Tia el tekoi a ulemeklatk er a Jonathan el kmo alta ngmillukl el mo er a ta er a beluu, engdi ngdimlak el sebechel el mo cheroid er a omengetukel.

Tia el tekoi el dilubech el mo er a Jonathan a ochotii el kmo ngkmal klou a omengetukel e sebeched el metik er ngii er a ngii di el ker. Me a ngii di el basio el ngar er ngii a rechad a sebeched el metik a omengetukel er ngii.

 Me alta ngkmal klou a omengetukel engdi a ruumesingd el chad a blechoel el mereched el melekoi el kmo ngkmal mekngit el tekoi. Aika el eru el tekoi a mera el kautok. Ngmekerang e sebechel a tekoi el kmal chetirir a rechad e mla oberk er a beluulechad el rokir? Ngbleketakl el kmo a rechad el chetirir a omengetukel a blechoel el diak lesang el kmo tir me te dirrek el mengetukel er a rechad. A omomdasu e kau ke dirrek el uaisei? Ke mekerang a bo monger er tia el ker?

Ngmeringel er kid a mo medengei el kmo ngar er ngii a omengetukel er a rengud me a lechub e ngdiak. A Biblia a mesaod er a uchul tiang sel losaod el kirel a rengud el kmo: “Ng diak a cheblad el ua ingii.” (Jeremia 17:⁠9) Me a lebebil er a taem, e ngdi kid lomulak er kid el kmo kede kongei er a rokui el bedengir a rechad, me a lechub e kede melekoi el kmo ngar er ngii a ungil uchul e ngdiak el soad a rebebil er a rechad.

Me a bo modengei el kmo ke mengetukel er a rechad me a lechub e ngdiak, e ka molatk er tia el tekoi el kmo: Ngklebesei e kau a merael er a milkolk el rael, e a reteru el chad el diak modengelterir a merael bedul kau. Sel momes er tir e te kora mesisiich a bedengir, e a ta er tir a kora rengud e ngar er ngii a klalo el ngar er a chimal.

Kau ke mo omdasu el kmo tirka el chad a sebechir el tomellau? Aike el tekoi el dilubech el eko er kau er a uchei a locha mo rullau el mo kerekikl, engdi aike el tekoi ngmeskau a ungil el uchul e ngkirem el medakt er tirka el teru el chad? A kmal ungil el ker el doker er ngii a kmo, A omomdasu e tirka el teru el sechal te mle chad er ker el beluu? A nger er kau el kirel tiang a sebechel el ocholt a betok el tekoi. Ngsebechel el ochotii el kmo a tekoi er a omengetukel a ngar er ngii a bla lerellii er kau.

A bo dungil el merriter er kid, e kede mo medengei el kmo kid el rokui a mengetukel er a rechad. A Biblia me ngdirrek el melekoi el kirel a ta er a rolel a omengetukel el kmo: “A chad omes er a ikrel.” (1 Samuel 16:⁠7) Kid el rokui a chelebangel er tia el tekoi el ngii a blechoel el mo uchul a tellemall. Me a ker a duubech el kmo, ngsebeched el mo mesisiich me a lechub e kede choroid a omengetukel er a chelsel a klengar er kid? Ngmo er ngii a taem el mo diak a omengetukel er a beluulechad el rokir?