A ulekrael er a Biblia el mesaod el kirel a ungil el chebechiil a oureor e le ngmla er Ngike el uchul a chebechiil, el Jehovah el Dios. Ngolisechakl er kid el mo omekeroul a blekeradel el mo uchul a deurreng er a chebechiil e omeklatk el kirel a uldasu el sebechel tomellii a chebechiil. Ngdirrek el olisechakl er kid er a ungil el rolel a cheldecheduch el mo uchul a deurreng er a chebechiil.​—Monguiu er a Kolose 3:8-10, 12-14.

A rebechiil el sechal me a rebechiil el redil a kirir el mo kakull. Me sel lekengei a deruchellir el lebilsterir a Dios el kirel a chebechiil, e ngmo dmeu a rengrir.​—Monguiu er a Kolose 3:18, 19.

A rebechiil el chad a sebechir el melemolem el dmak a lsekum e te kaubltikerreng. A Dios a olisechakl er kid a rolel a doubltikerreng. Ngii me a Ngelekel el Jesus a cherrungel el olechotel a mera el bltikerreng.​—Monguiu er a 1 Johanes 4:7, 8, 19.

A rebechiil el sechal me a rebechiil el redil el mengull a chebechiil el lekiltmeklii a Dios a melemolem el dmak. A Dios a kiltmeklii a chebechiil me di lolemolem me bo el sebechel a telungalek el mukerreu. A chebechiil a sebechel el di melemolem e le Dios a rirellii a sechal me a redil el kirir el dmak el chachelim. Ngdirrek el mirruul er tir el ngar er a okesiul, me ngsebechir el oukerebai er a bltkil a rengul.​—Monguiu er a Genesis 1:27; 2:18, 24.