A okisel a Jesus a millisiich er a klaumerang me a blakerreng er a redisaiplo er ngii. A apostol el Paulus a mirrael er a kemanget el omerael er a chelsel a beluu er a Asia Minor me aike el beluu el kmeed er a daob er a Mediteranea. Ngmilengetmokl aike el ongdibel e melisiich er a Rekristiano el mo mesisiich el dechor sel bo lechelebangel a orimel el kirel a tekoi er a kldung me a mesisiich el odechelakl. Me alta ngmla er ngii a chouaika el omelsemai engdi a rebetok el chad a mlo Kristiano.

Ngii el Paulus a mlo kelebus er a uriul. E a lengar isei e ngmilluches a babier el kirel a omelisiich me a ulekrael el mo er aike el ongdibel er a Rekristiano. Ngulemeklatk er tir el kirel a klou el kdekudel el tekoi, el ngii a ultok el kirel a mera el osisechakl. A Dios a ulemekrael er a Paulus el okiu a chedaol klisichel me ngmilsa er a ues a “tebelik el charm” el melekoi a ‘blulak’ el tekoi el mo soiseb er a delongelir e “mengetikaik er a ruumerang el mo oltirakl er tir.”​—Rellir 20:29, 30.

Ngar er a ulebengelel a taem er a rekot el Kristiano, e a ultok el kirel a mera el osisechakl a mla omuchel. Ngar seikid el taem e a mla mekiis er a kodall el Jesus a milsa apostol el Johanes a Ocholt, el ngii a okesiu el ues el kirel a ngar medad el taem. El di ua lulluches a Johanes, ngdiak a ngii di el chad el omtok me a reklsuul el sensei el sebechir el torebengii a Dios me lak lotutii sel dimla moktek er ngii el kirel a chutem me a klechad. “A bek el bedengir a re chad, ma kebliil, ma omelekoi, ma beluu” a mo rongesii a ungil chais el kirel a Rengedel a Dios. (Ocholt 14:6) Tia el chutem a lmuut el mo Paradis, me a ngii di el chad el oureng el meruul a soal a Dios a sebechel el mo kiei er ngii!

Tiang ng “ungil chais” el kirem? A leuaisei, e mosuub a lmuut el betok el kirel a klemechel a Dios el mo er a rechad el ngar er a Biblia e mesa rolel e ke ngmai a klungiolem er ngii er chelechang me a ngar medam el taem.

Ngsebechem el mo er a www.pr418.com. e menguiu er a Biblia el ngar er a bekord el 50 el omelekoi. Ngar tia el Web site, e ngsebechem el omes er a babier el dai er ngii a kmo Ungil Chais el Mla er a Dios! me sel babier el Ngerang Mera el Lolisechakl a Biblia? el obengkel a kuk bebil er a babier el mesaod er a uchul me ngsebeched el oumerang er a Biblia e mekerang e sebeched el oltaut a ungil el ulekrael er ngii er a chelsel a telungalek er kid me a klengar er kid. Me a lechub e moker er a ta er a Sioning er a Jehovah el kirel a bebil el omesodel.

​—Mlengai er a Rellir, Efesus, Filipi, Kolose, Filemon, 1 Johanes, Ocholt..