Ngdiak a kuk ngodech el tekoi el meleakl er kemam er a rechad el uai a ureram er a berkel a klumech er a beluulechad el rokir. Aki oldingel obliil, e ousioning er a buai, e dirrek el omerk er a klumech el mo er a rechad el ki betik er tir. Ngera uchul me aki meruul er ngii?

A Resioning er a Jehovah a omerk er a klumech el mo oldanges er a Dios e ouchais el kirel a ngklel. (Hebru 13:15) Ngdirrek el somam el olengesenges er a Kristus Jesus el dilu el kmo: “Me chelechang e morael el mor a bek el bedengir a re chad er ker me ker e moruul er tir el mo obengkek, . . . e molisechakl er tir me bo loltirakl a ikel rokui el bla kdu er kemiu.”​—Mateus 28:19, 20.

Me a lmuut el tang, ngbetik a rengmam er a ngar er a bita er kemam. (Mateus 22:39) Nguaisei, aki medengei el kmo ngbetok el chad a ngar er ngii a ileakl el klaumerang er tir e diak el rokui el chad a sorir el orrenges er a ungil chais el ki momerk er ngii. Engdi aki medengei el kmo a osisechakl er a Biblia a olsobel a klengar. Sei a uchul me ng ‘bek el sils el ki molemolem osisecheklam er a Ebangkelio el kirel a Jesus el Mesias’ el ua aike el lurruul a rekot el Kristiano.​—Rellir 5:41, 42.

Te oumesingd el chad el menguiu aika el babilengam a diak el Sioning er a Jehovah. E betok el miliol el chad el mesuub er a Biblia el obengkemam a ngar er ngii a klechelid er tir. Engdi te kmal dmeu a rengrir e le Resioning er a Jehovah a mo oldingel er tir.

Nguaisei, nglocha dirk ngar er ngii a bebil er a kerim el kirir a Resioning er a Jehovah. Ngsebechem el mo medengei a nger er a kerim el oeak sel