Me a tekingel a Samuel me a Teresa me a Magdalene a ochotii el kmo a rechad a meluluuch el kakerous a uchul, e a rebebil a kmal ungil a nglunguchir e a rebebil a diak. A nglunguchir a rebebil a kmal rutechii a rengud, e a bebil a kuk diak. Me alta e kede meluluuch me bo el sebechel el mo ungil a teng er kid er a skuul me a lechub e ngmo kats a team er kid er a klekool me a lechub e kede olengit a ulekrael er a Dios el kirel a klengar er a telungalek er kid me a lmuut el bebil er a uchul, engdi a rebetok el miliol el chad a oumerang el kmo ngkirir el meluluuch. Me a remerriter er tia el tekoi a mla meketeklii el kmo te ngar er ngii a rechad el diak a klechelid er tir engdi te meluluuch er a bek el taem.

Me kau, ke meluluuch? A lsekum ke meruul er tia el tekoi, e ke meluluuch el kirel a ngerang? Me alta e ke meluluuch me a lechub e ngdiak engdi ke locha mo melatk el kmo: ‘Ngar er ngii a klungiolel a doluluuch? Ngar er ngii a chad el lorrenges?’ A ta el chad er a omeluches a mesaod er a uldesuel el kirel a nglunguuch el kmo, “ngtekoi el sebechel el cholleklii a uldesuel a chad . . . ngdi ua sel mongedecheduch er a chermem el ngikel.” E a rebebil el toktang a kongei er tia el uldasu. Te omes er a nglunguuch el ua ‘kar el omekungil er a chad.’ Me a rechad el meluluuch, ngua di lolasem el meluluuch me a lechub e ngar er ngii a lerellii er a uldesuir?

Me nguaisei, engdi a Biblia a mesaod er a nglunguuch el kmo ngdiak di el tekoi el sebechel el cholleklii a uldesuel a chad. Ngbai ouchais er kid el kmo ngmera el ngar er ngii a orrenges a nglunguuch el medung el ngar er a melemalt el rolel e kirel a ungil el tekoi. Me tiang klemerang? Me bo domes a olechotel