PEꞌLA 03
¿Idxa Dxus yuwes konfiaya ãjamag?
Dxus yuwe jiꞌpha profecía vxiteꞌ yuꞌkxpehnisa nawa, ¿isamanx sũhuꞌnega? ¿Dxus yuwes fxiꞌjnis seena txaçxhyana txãjx yuꞌkxpehnisa ãçxhpkaçx selpiitxmanx? ¿Dxus yuwe wẽt fxiꞌzenaꞌw txãazkweesay jĩk ãçxh vxiteꞌ bagaçxtewaꞌj isamanx? Mazkwẽ nasa saꞌ isa yũuna sũhuꞌthaꞌw. Piꞌkxna ũsthaꞌw peekx yafxjuy uykhan.
1. ¿Dxus yuwe naꞌjĩk txãw yũumak?
Dxus yuwe “isayu weꞌwene” txãa ew fxiꞌjina (Eclesiastés 12:10). Txaantey khĩiçxaneta yũun ũsu nasaweꞌsx fxiꞌzen, txãa isasatxisku Dxus yuwe ptaꞌsxi (lẽeywe Lukas 1:1; 3:1, 2). Mazkwẽ ũsyã jiisaweꞌsx naa kiwete txãa jiyuneta Dxus yuwe isa weꞌwsatewaꞌj fecha, nasa vxiteꞌ kiwe peꞌla yasetxis pakwete kxteeyne kaseꞌj, açneta jiyu Dxus yuwe isa weꞌwsatewaꞌj.
2. ¿Dxus yuwe meh seena txaçxhweꞌsxtewaꞌj kĩh yũuçxa konfiaya ãjakxthaꞌw?
Dxus yuwe weꞌwni yaçteçxak uꞌjwe nasaweꞌsx ũus yahkxnite. Dxus yuwe vxiteꞌ ciencia txãwçxatx ptaꞌsxi. Nawa mazkwẽ nasa ĩsxiinina sũhuꞌneta Dxus yuwe weꞌwni. Naa eensuyu ciencia isate kweethen ũsa Dxus yuweꞌs; kĩh weꞌwena nawa kxtey yũun ũste. Dxus eç “kĩh kĩhçxa weꞌwtewaꞌj kweꞌsxa konfiaya ãjanaꞌw ãçxhii saꞌ bakaçxtewaꞌj” (Salmo 111:8).
3. ¿Kĩh yũuçxa konfiaya ãjakxthaꞌw Dxus yuwe weꞌwnis eꞌsyu kĩh yũuyãwatewaꞌj?
Dxus eç profecía a jiꞌphna nawa “vxite pejxiyã jxuka kxtey yũuwaꞌj” (Isaías 46:10). Nyaafxtey Dxus eçte fxiꞌjni ãhne ũsu, ãçxh naꞌw nxus sskhẽwnaꞌw ũsthaꞌw; txãa yũu ukah yũu maꞌw fxiꞌjina txaꞌwẽy. Naa peꞌlate maii profeciatxis wala piyanaꞌw, jxuka Dxus eç weꞌwnisa kxtey yũun ũsa.
WEJXKWEÇXA PIYAN UꞌJWEKA
Piyaka Dxus yuwe vxiteꞌ ciencia txãwçxatx ptaꞌsxi. Ãçxhwa maii profeciatxis jiyuya ãjanaꞌw.
4. Ciencia pakwen ũsçxa Dxus yuweteneta uy
Nyaafxtey nasaweꞌsxa naa kiwe kĩh kwekwete kiꞌpni uꞌpa sũhuꞌneta. Txãa VIDEUꞌS thegwe.
Job librute meen lẽeywe, txãa yũu 3.500 anxu thaakwe fxiꞌjni ũsu. Lẽeywe Job 26:7te, txajuꞌ naa paapẽynisaꞌs pasya ãjanekwe:
-
Dxus eça naꞌjĩk naa kiwe ẽe walakeçxa kiꞌpni uꞌpaꞌ, ¿kĩh yũuçxa wala ewki jiyuwaꞌj?
Txãa ciclo del agua Dxus yuwe kaajiyuꞌjuk: Seka yuꞌ wala marteweꞌsxaꞌs kaahçxaꞌjte, txãa yuꞌwa ah kaseꞌjeçxa uꞌjwene ẽete kĩiçxa tãaph neeyũu. Txãa tãaph nus yũuçxa kiꞌkin kiwetene kĩiji kĩiçxa yuꞌ wala pkhakheçxa jxũun uꞌjwe kiꞌkin yuꞌ wala marte, eenisa txãw yũun ũsaçxana. Naa ciclo nasaweꞌsx jiyuni 200 anxusyã sskhẽw. Nawa, Dxus eçte fxiꞌjni ũsu lẽeyyã ãjanekwe. Lẽeywe Job 36:27, 28te, txajuꞌ naa paapẽynisatxis pasya ãjanekwe:
-
Naa ciclo Dxus yuwe ptaꞌsxnisate, ¿kĩhga wejxkwe wẽdxi?
-
¿Idxaꞌs naa versículo puꞌçxhmatx wejxkwe konfiaya Dxus yuwe weꞌwnis?
5. Dxus yuwe naꞌjĩne seena walasa yuhaꞌ eꞌsyu
Isaías 44:27-45:2te paꞌj lẽeywe, txajuꞌ naa paapẽynisaꞌs pasya ãjanekwe:
-
¿Kĩh yũuyãwaꞌj jĩk Dxus yuwe 200 anxu ũsina ptaꞌsxçxa Babiloniaꞌs?
Anxu 539te a.e.c. b Persia jxkaahsa Ciro Babilonia çxhabte uꞌkaçxa knayne jĩk Dxus yuwe. Yuꞌ walaꞌs fxiysu kaahçxaneta thẽymee uꞌka çxhabte. Vxitx phaateçxa ũste kĩh yuhwa çxhãçxhamee uꞌkaçxa knayneta puiimee. Txãw yũuni 2.500 anxu thakweeyãja saꞌ, ãçxhpkaçx txãa Babilonia txaꞌwẽyçxa ũsa pebani. Ãçxhwa lẽeywe Dxus yuwe ptaꞌsxine Babilonia pçuuniꞌs.
Isaías 13:19, 20te lẽeywe, txajuꞌ naa paapẽynisaꞌs paswe:
-
¿Naa profecía maꞌw kik kxtey yũu?
Dxus yuwe Babilonia pçuuna jĩne. Kxajĩi ãçxhpkaçx Babilonia Irakte txaꞌwẽyçxa ũsa.
6. Dxus yuwe nyaafxtey ptaꞌsxne ãçxh naꞌw uyna vxiteꞌ nxuꞌs sskhẽwna ũsthaꞌw txãaꞌs
Dxus yuwe txwesuk naa “nmeh” eensu fxiꞌzen ũsthaꞌw (2 Timoteo 3:1). Lẽeywe naa nmeh eensu kweꞌsx fxiꞌzen ũsni maajĩkik Dxus yuwe:
Mateo 24:6, 7te lẽeywe, txajuꞌ naa paapẽynisaꞌs paswe:
-
Naa nmeh eensu Dxus yuwe seena wala thẽysa ptaꞌsxne, ¿maajĩkik?
2 Timoteo 3:1-5te paꞌj lẽeywe, txajuꞌ naa paapẽynisaꞌs paswe:
-
¿Nasa maꞌwsa ũs yũutxki jĩk Dxus yuwe naa nmeh eensu?
-
Dxus yuwe weꞌwnisate, ¿nasa pukateweꞌsx kĩh ewmee yũun ũstxki?
MAII NASAWEꞌSXA NAꞌJĨTX: “Dxus yuwe sxaakwee weꞌwna ũsa”.
-
¿Kĩh yũuçxa jiiga Dxus yuwe isa weꞌwsatewaꞌj?
¿AYTE PAꞌJ KĨHKXTHAꞌW PIYA?
Ciencia jiisaweꞌsx vxiteꞌ profeciasaꞌ Dxus yuweꞌs isate kweethen ũsta.
¿Kĩh pasuguigk?
-
¿Isateyu txãw yũumanx Dxus yuwe weꞌwni?
-
¿Ciencia maꞌw kik isate kweethe Dxus yuweꞌs?
-
¿Maa sũhuꞌga idxa Dxus yuwe weꞌwemak eꞌsyu kĩh yũuyãwatewaꞌj? ¿Maa sũhuꞌga idxa txãw yũumak eꞌsyu?
WEJXKWE PIYAYA ÃJANEGA
¿Ciencia iiuymanx ĩsxiinisa Dxus yuwete?
“Dxus yuwe vxiteꞌ ciencia txãwçxatx ptaꞌsxi” (Pakwewe jw.org te)
¿Maꞌw jiyukxthaꞌw “nmeh eensu” fxiꞌzen ũstewaꞌj?
¿Dxus yuwe maajĩkik imperio griegote? ¿Maꞌw kik kxtey yũun kaah? Piꞌkithaꞌw thegya teeçx videu:
Txãa profecías bíblicas puꞌçxhineta teeçx piçthẽꞌjaꞌs kreĩya Dxus yuwe weꞌwnisate. Naa videute theg.
