PEꞌLA 5
Dxusa naa kiwes ¿kĩh kik yũuwẽje?
1. ¿Kĩh yũuçxa kik Dxusa kiwes vxit?
Jeuwa kiwes ũsne piçthẽꞌj vxiteꞌ uꞌyaꞌs fxiꞌzekhan. Kiwayuꞌ kweꞌsx ũsnisana, txaꞌwẽy nyaafx nasa ptaamsa Adan vxite Eva eete pehnawa nvxitmeene. Jeuwa vxitniyãneyũu txãjx angeles ẽewalate fxiꞌzewajaꞌs (Job 38:4, 7). Jeuwa kiwe zxiçxkwetene txah piçthẽꞌjaꞌs, txãa Edenne yaseyuꞌ (Génesis 2:15-17). Dxusa naa kiwes ũsne Adan vxite Evaꞌs vxiteꞌ zxikweꞌsx txaꞌwẽy bakaçxtewa wãtwãt ĩtxi fxiꞌzekhan. Thegwe Dxus eçte Hechos 17:26 vxiteꞌ 1 Juan 2:17.
Nyaafxi txãa Eden kiwe zxiçxkweneyuꞌ. Txaawẽꞌsx nasa ptaamsayuꞌ kaapenaꞌjwã jiꞌphuneta txaawẽꞌsx luuçxyakh. Txãa kiwes thegwa jiꞌphuneta tuhd tuhd naa kiwe zxiçxkweyũun kaawaꞌjaꞌs (Génesis 1:28). Naa kiwe bakaçxtewa nasaweꞌsx yakh yũuna txãasa kiwe bakaçxyuhwa pçuumeena. Thegwe Dxus eçte Mateo 5:4.
Video thegwe ¿Kĩh yũuçxa kik Dxusa naa kiwes vxit?
2. ¿Kĩh yũuçxa ãhçxa kiwe zxiçxkwemeekx?
Adan vxiteꞌ Eva Dxusaꞌs nwẽseꞌjmeeneta txajuꞌ Jeuwa neeuune. Txãa kiwe zxiçxkwesaꞌs piçthẽꞌja ivxitune. Dxus eçte naꞌjĩk: “ewmeesa ĩsxiisaꞌ jweeíiçxáa ewmée yũuna uꞌjwetxna” (2 Timoteo 3:13).
Jeuwa jxpubameene naa kiwes vxitçxa saꞌ nasaweꞌsxaꞌswa. Txãaçxaa çxhãçxhasana bakaçxyuhwa jxpubameena (Isaías 45:18). Dxusaꞌ kiꞌkin naa kiwe zxiçxkweyũunkahte, nasa weꞌsxjĩi ũsuna nyaafxi maꞌwne yũu txaꞌwẽy. Thegwe Dxus eçte Romanos 8:21.
3. ¿Dxusaꞌ naa kiwes maꞌw phewjukx?
Eꞌsu Jesus yuꞌptheꞌjena naa kiwes zxiçxkwe yũunkahn. Txãjx angelesyakh Jesus pebana nasa nwẽseꞌjsameetxis, puii wala Armagedon yase. Txaꞌwẽy eçxthẽꞌjaꞌs txãjx ewmeesa Revelación (Apocalipsis) 20:1-3 vxiteꞌ 21:3, 4.
angelesyakh 1000 años kyuuphayã. Dxusaꞌ nasa nwẽseꞌjsaꞌs puꞌçxhina ĩtxi fxiꞌzeya, Jesus nasaweꞌsxtxis nweꞌwena naa kiwete wala zxiçxkweyũute, wãtwãt bakaçxtewa ĩtxi fxiꞌzeya. Thegwe Dxus eçte4. Pxthaayũunisa ¿bakaçx yuh pçuukx?
Jesus ptaꞌsxna ũsna een utxaaçyãtewa ewmeesaꞌs jxuka pebaya, açyuꞌ kweꞌsxa naa eensuyuꞌ wala ewmeesaçxaa jiꞌphun ũsthaꞌw nmeh eenyũuçte. Theguwe Dxus eçte Lucas 21:7-14 vxiteꞌ 2 Timoteo 3:1.
Jesus jxkaahjana 1000 años ãhpkaçx, pxthaayũun ũsnisaꞌs pçuuna (Isaías 9:6, 7; 11:9). Jesus jxkaahsaneyũuna paal naꞌw selpiiwasa. Nawa nasa pkaal vxitnisaꞌs Dxusaꞌ jxuka khũkhuna, txaꞌwẽy Dxusa jxkaahjana Jesusaꞌs wees pebaya, vxiteꞌ thẽꞌjn kaawajaꞌs saꞌ uuwajaꞌs txaꞌwẽy. Thegwe Dxus eçte Isaías 33:24 vxiteꞌ 1 Corintios 15:26.
5. ¿Kĩmweꞌsx naa kiwe zxiçxkwete ĩtxi fxiꞌzetxki?
Jeuwa jxkaahwaꞌjaꞌs yatte, idxa jiyuya ãjaꞌnega nasaweꞌsx maꞌwneta Dxusa wẽdxi txãꞌwçxaa txãjx jũꞌgu yunega
Nasaweꞌsx Dxusaꞌs nwẽseꞌjsa kiwe zxiçxkwete fxiꞌzeyã (1 Juan 2:17). Jesus txãayãk uꞌjusaweꞌsxtxis pakweya jxkaahne nasa ewsaweꞌsx maꞌw Dxusaꞌs piyawatewa, Jeuwa mazkwẽ nasaweꞌsxtxiswa puꞌçxhna ũsna naa kiwete zxiçxkwete fxiꞌzekhan (Sofonías 2:3). Kxtee Jeuwa jxkaahwaꞌjaꞌs weꞌwni yatte, nasaweꞌsxaꞌs piyayã nmiweꞌsxa ew ney yũuna ãjaꞌyã. Neyweꞌsxa zxikweꞌsxyakh jaꞌda ew selpiiyã ãjaꞌyã, txaꞌwẽy piyan maꞌw Dxus tuutheꞌjnisaꞌs ew puꞌçxhwatewa. Thegwe Dxus eçteꞌ Revelación 15:4.