PEꞌLA 6
Dxusa tuutheꞌjek ewsa uusaweꞌsxjĩi ¿maatxkx?
1. Ewsa tuutheꞌjek uusaweꞌsxjĩi ¿maatxkx?
Jesus paꞌjne Betania, Jerusalen pukasu. Lazaro txãjx wala uynisaꞌyũune, Nawa pahz eenyãꞌjne uuni ũsu. Açyu Jesus piꞌkxna uꞌjne Marta vxiteꞌ Maria uꞌy pyaakhweꞌsxyahk Lazaro uupedanitepa. Marta vxiteꞌ Maria weꞌsxa meh wãtwãt yahkxneta Jesus Lazaroꞌs kaauꞌjseꞌjte. Thegwe Dxus eçte Juan 11:21-24, 38-44.
Tuutheꞌjni ewsaꞌs Marta jiiyaneyũu ĩtxi yũuwaꞌjaꞌs. Txãa yũu jiiyaneyũu Jeuwa kaaujseꞌjwatewa Lazaroꞌs naa kiwete ĩtxi yũuwatewa. Thegwe Dxus eçte Job 14:14, 15.
2. Uusawesꞌsxa ¿maꞌw ũstxki?
Dxusa naꞌjĩne Adanaꞌs: “kiwe tuhdçxag naa yũu kiwe tuhdçxa yũunega uuçxawa” (GÉNESIS 3:19)
Nasaweꞌsxa kiwe tuhdu vxitnisanetkhaꞌw (1 Corintios 15:47). Kweꞌsxa jiꞌphmeenetkhaꞌw kĩhwa dxiꞌjkeh vxaasamee, kweꞌsx kakwe çxiçx saꞌ dxiit jiꞌphsa, kweꞌsx uuyãthe kxte jxuka pçuune. Txaꞌwẽy kweꞌsx peꞌpe uunee, saꞌ yahkxnisa jxuka pçuune. Lazaro uuçxa kĩhwa ptaꞌsxmeene dehn naꞌwçxane ũssuꞌ, maawã uꞌjmeene. Thegwe Dxus eçte Eclesiastés 9:5, 6, 10.
Maii nasa naa sũhuꞌneta Dxusa ptxuꞌne uusaweꞌsxtxis ipxkhe akhna ¿nawa isamaii? Nawa Dxus eça naꞌwku kaapiyaꞌja uusaꞌweꞌsxa kĩhwa yũuyã ãjaꞌçmeeneta. Nawa vxiteweꞌsx yuꞌ naꞌwneta kaapiyaꞌja, Dxusa ptxuꞌne uusaweꞌsx ipxkhe akhna, nawa txãw weꞌwsa wala ĩsxiin ũsyã. Dxusaꞌs ewmee weꞌwna ũsyã Jeuwa wala wẽdxsana, bakaçx yuhwa kweꞌsxtxis pxthaawẽmeena. Thegwe Dxus eçte 1 Juan 4:8.
3. Uusaweꞌsxa kweꞌsxyakh puutx weꞌwya ¿ãjaꞌmatx?
Uusa weꞌsxa weꞌwya saꞌ wẽseꞌjyawã ãjaꞌmeeyã (Salmo 115:17). Nawa angeles ewmeesa psxiꞌdna ũsyã uusaweꞌsxtxis weꞌwek jĩꞌkan (Judas 6). Jeuwa açena uusayakh weꞌwte. Thegwe Dxus eçte Gálatas 5:20, 21.
4. ¿Kim weꞌsx kiꞌkin ĩtxi yũutxkx?
Mazkwẽ nasawa uu pedakafxsu ũsyã, nawa kiꞌkin ĩtxi yũuyã naa kiwete. Maii nasa Dxus yuwes jiimeesa ewmeesaꞌs vxitneta, txaawẽꞌsxwa ĩtxi yũun kajayã. Thegwe Dxus eçte Hechos 24:15.
Ĩtxiyũu saꞌ Dxus yuwes isasaꞌs piyaya ãjaꞌyã, Jesusaꞌs ũuskhe çxhãçxha jiꞌphuya nwẽseꞌjn (Revelación [Apocalipsis] 20:11-13). Naa kiwete jxukasay ĩtxiyũun kajaꞌyã, ewsaꞌs vxitsa bakaçxtewa ĩtxi ũsuyã naa kiwete. Thegwe Dxus eçte Juan 5:28, 29.
5. Jeuwa wala ewsa kaapiyajak ĩtxi yũuwaꞌjaꞌs ¿kĩhkx?
Kweꞌsxa wala weçxathaꞌw Dxusaꞌs, txãjx zxika kweꞌsx paꞌkatene uu, açyu mazkwẽ nasawa uuseeyã. Dxusa wala peeykãhwã jiꞌpha, txajĩi kxtey yũuna txãjx weꞌwni. Uusaweꞌsx kiꞌkin ĩtxi yũute ¿kimweꞌsxyakh puutx uyweje? Thegwe Dxus eçte Juan 3:16 vxiteꞌ Romanos 6:23.
