Dxusa vxitne Israel çxhabaꞌs khĩiçxa ewne phew, saꞌ jxkaahnisaꞌs ũsne. Abrahan paꞌkane txãa çxhab Israel kaseꞌj, txajuꞌne Dxusa selpiisa isasa pkhakheni kaseꞌj, txaawẽꞌsx yũu Dxus yuwe isasaꞌs jiꞌphsanetayuꞌ (Salmo 147:19, 20). Israel paꞌka vxite çxhab weꞌsx Dxus yuwes piyaneta nasaweꞌsx txaꞌwẽy. Thegwe Dxus eçte Hechos 3:25.

Dxusa txhitxhne txãa çxhab Israelaꞌs, txãjx kaajiꞌyusayũukahn. Txãa eensu yahkxnisa ptaꞌsxik maꞌwneta Dxusaꞌs nwẽseꞌjn wala ew fxiꞌzen ũsu (Deuteronomio 4:6). Israel paꞌka txaawẽꞌsxa Dxusaꞌs jiyuneta.

Israel çxhab wala ewmeeyũune, açyuꞌ Dxusyuꞌ txãa Cristo Dxus yatsu selpiisayakhne yuꞌptheꞌj (Mateo 21:43; 23:37, 38). Ãçxh Cristoyakh uꞌjusa Dxusaꞌs isate selpiineta Jeuwa kaajiꞌyusanaꞌw, Israel çxhab naꞌwmee. Thegwe Dxus eçte Hechos 15:14, 17.

Jesus phewjune txãjx ihjaꞌda uꞌjusaweꞌsx yakh naa kiwete jxuka Dxus yuwes ptaꞌsxkahn (Mateo 10:7, 11; 24:14; 28:19, 20). Ãçxh naa nmeh eensu kĩhwa ewmeesaçxaa ũsna naa kiwete, nawa Dxus yuwes kĩhtemeewa jxuka ptaꞌsxna ũsyã. Naa een wala jxthuhtheꞌjsana, Jeuwa wala nasa pkhakhna ũsna txaꞌwẽy Dxusa selpiisa isasate uꞌka kaahn (Revelación [Apocalipsis] 7:9, 10). Phewjni ũsçxa txaawẽꞌsxa wala kçxhãçxhaꞌjya ãjaꞌneta. Txãjxçxaa pkhakheni Dxus yatsu paꞌkanetkhaꞌw kçxhãçxhaꞌjwajaꞌs, kihsumeewa jxuka txãwçxanetkhaꞌw piya. Thegwe Dxus eçteꞌ Hebreos 10:24, 25.

1870 añoste kũhmee nasa piyaya takhneta Dxus eçaꞌs, piyan ũsçxa txaawẽꞌsxyu Dxus eçte uyneta isasaꞌs. Nawa isasaꞌmee pkhakheni Dxus yatsu selpiisa suthnaneta ũsuꞌ kĩhwa Dxus isasaꞌs kaapiyan ũsuçmeeneta. Kũhmee nasa piyan takhsa jĩinetayuꞌ Jesus phewj ũstewa naa kiwete jxuka Dxus yuwes ptaꞌsxwaꞌjaꞌs, txajuꞌ takhneta mjĩi wala vxitna Dxus jxkaahwaꞌjaꞌs ptaꞌsxna. Kweꞌsxa jxpaꞌkathaꞌw Jeuwa kaajiꞌyusa yaseꞌs 1931 añote. Thegwe Dxus eçte Hechos 1:8; 2:1, 4, 11 vxiteꞌ 5:42.

Primer siglote, pkhakhenisa Dxus yatsu selpiisa Cristoyakh ihuꞌjusa, jiꞌphuneta kũhmeesa thẽꞌjsaweꞌsx jxkaahsa, txaawẽꞌsxyuꞌ jiyuneta Jesus jxkaahn ũstewa (Hechos 16:4, 5). Ãçxhwa, Jeuwa kaajiꞌyusa jiꞌphyã kũhmeesa thẽꞌjsaweꞌsx jxkaahsa wala jĩisa. Txaawẽꞌsxa pekuꞌjuneta wala thegna vxitni yatsu naa kiwete jxuka. Txãa vxitni yatsu wala eç fxiꞌjn ũsya vxiteyuwesu jxuka nasaweꞌsxjĩi txhudewa. Txãa kũhmeesa thẽꞌjsaweꞌsx jxkaahsa, 100 mil jxthakwe pkakheni Dxus yatsu selpiisa wala puꞌçxhineta Dxus yuwe yakh, saꞌ wala kçxãhçxahn. Txaꞌwẽy kxtee yũu thẽꞌjsaweꞌsx ew jxpheꞌjesa jiꞌpha. Thegwe Dxus eçte 1 Pedro 5:2, 3.

Jeuwa kaajiꞌyusa wala ew phewjçxa ũsna Dxus yuwes ptaꞌsxya. Apostoles naꞌwẽy yat isa ptaꞌsxna uꞌjethaꞌw (Hechos 20:20). Txaꞌwẽy kaapiyaꞌjaneta vxu ul pẽjxmee. Txaawẽꞌsxyuꞌ yaꞌjxwẽdxineta yatte weꞌsx jxthaakwe, açyuꞌ Jeuwa wala ew jxpheꞌjene (2 Tesalonicenses 1:3). Txaawẽꞌsxjĩiyuꞌ wala jxthuhthesana Dxusaꞌs khwẽy wẽdxna vxiteꞌ jxuka nasatx txaꞌwẽy. Txãajĩiçxaa yat weꞌsx wãtwãt fxiꞌzen ũsnetkhaꞌw naa kiwete jxuka. Thegwe Dxus eçte Hechos 20:35 vxiteꞌ 1 Pedro 2:9.