PEꞌLA 10
¿Maa yũukx isasa Dxus selpiisa?
1. ¿Teeçxçxaa yuhmanx Dxusaꞌs selpiisa isasa?
“Dxus jxkaahnisathaꞌw jĩna isxĩisatxiꞌ mpaꞌyajkxwe.” (MATEO 7:15)
Jesus kaapiyaꞌne ihuꞌjusaweꞌsx yakh teeçx Dxusaꞌsçxaa selpiiwana, Dxusaꞌs selpiisa isasaꞌs weꞌwsayã. Dxii naꞌwsana bakaçxtewa ĩtxi ũswa. Jesus naꞌjĩne: “kxteyyuꞌ kuhmeesaꞌ uꞌkanaꞌ ũstaꞌ” (Mateo 7:14). Dxusçxaa jxpaꞌkana selpiiwaꞌjaꞌs Dxus eçte maꞌwne weꞌwe. Jxukasaweꞌsx isasaꞌs selpiisa jaꞌda yahkxneta txaꞌwẽy. Thegwe Dxus eçte Juan 4:23, 24; 14:6 vxiteꞌ Efesios 4:4, 5.
2. Jesus ptaꞌsxne Dxus yuwe ptaꞌsxa ĩsxiin ũsyã ¿kĩhkik ptaꞌsx?
“Dxusaꞌs jiithaꞌw jĩꞌtx, nawa Dxusaꞌs jiisa naꞌwẽ yuꞌ fxiꞌzeꞌçmeetaꞌ.” (TITO 1:16)
Jesus ptaꞌsxne Dxus yuwes çwẽduuyã txãjx kaapiyaꞌjnisaꞌs. Pkhakheni Dxus yatsu txaawẽꞌsxyuꞌ Cristoyakh uꞌjusathaꞌw jĩneta. Nawa iꞌkweꞌsxwa jiyuya ãjaꞌnekwe txaawẽꞌsx fxiꞌzenis yuwe ptaꞌsxsa ĩsxiin uꞌjusatewa ¿maꞌw? Nasa ewsa penayã nxun tasx ewsa maꞌwne ewsa peena txaꞌwẽy. Txaawẽꞌsx fxiꞌzenis idx jiyuya ãjaꞌnega. Thegwe Dxus eçte Mateo 7:13-23.
3. ¿Kĩmweꞌsx vxitna ũstxkx Dxusa selpiisa isasaꞌs?
Ayte 5 jwẽd theguꞌjnaꞌw ew jiyuya:
-
Txãa Dxus isasaꞌs selpiisaꞌs nwẽseꞌjeneta Dxus eçaꞌs. Txaawẽꞌsxa nwẽseꞌjeneta Dxus jxkaahnisaꞌs, açaꞌ piçthẽꞌj kaapiyaꞌjnisaꞌs isa weꞌwnimeesaꞌs nwẽseꞌjmeeneta. Nawa maii Dxusaꞌs selpiisa nasaweꞌsx jxkaahnisaꞌsçxaneta nwẽseꞌje (Mateo 15:7-9). Dxus isasaꞌs selpiisa kaapiyaꞌjnisaꞌs kxteey yũuneta. Thegwe Dxus eçte Juan 17:17 vxiteꞌ 2 Timoteo 3:16, 17.
-
Wẽçxawa jiꞌphthaꞌw txãa Dxus yases Jeuwa. Jesus wẽdxne txãjx ney yaseꞌs kaapiyaꞌjya, saꞌ nasatxis puꞌçxhne Dxusyakh puutxweꞌwya txãjx yase wala jxthuhthesane yũuna (Mateo 6:9). Idx uꞌphnisu ¿jiiga maa Dxus selpiisa kitx Dxus yaseꞌs kaapiyaꞌja? Thegwe Dxus eçte Juan 17:26 vxiteꞌ Romanos 10:13, 14.
-
Ptaꞌsxineta Dxus jxkaahnisaꞌs. Jesus naa kiwete Dxus yuwes ptaꞌsxya kĩhne tuutheꞌjnis nasaweꞌsxjĩi Dxus jxkaahnisaꞌs, Jesus uu eentepkaçxne Dxus yuwes ptaꞌsx (Lucas 4:43; 8:1; 23:42, 43). Jesus naꞌjĩne adx yakh uꞌjusa jxkaahwaꞌjaꞌs ptaꞌsxinekwe. Idx uꞌphnisu Dxus jxkaahnisaꞌs ptaꞌsxte, txãa Dxusa selpiisa ¿maꞌw yasekx? Thegwe Dxus eçte Mateo 24:14.
-
Nasa ewmee vxitsa naꞌwẽy yũuçmeeneta. Jesusyakh ihuꞌjusa kĩhwa nasa jxkaahnisu khẽejeçmeeneta (Juan 17:16; 18:36). Kĩhwa kxteey yũuçmeeneta vxiteꞌ nasa ewmee vxitsa naꞌwẽy. Thegwe Dxus eçte Santiago 4:4.
-
Wẽdxinisaꞌs jiꞌphsa vxyaana. Dxus eça kaapiyaꞌjane ew uꞌjuya, kĩhteweꞌsxtewa kĩhwa ahçemee nasa weꞌsxaꞌs thegna. Dxusaꞌs ewmee selpiisa puii walasu puꞌçxhineta, nawa Cristoyakh ihuꞌjusayuꞌ kĩhwa puiiwalasu khẽjeçmeeneta (Miqueas 4:1-3). Txaawẽꞌsxa een kutxiꞌjineta nasaweꞌsxjĩi puꞌçxhna kĩh peejxtewa. Thegwe Dxus eçte Juan 13:34, 35 vxiteꞌ 1 Juan 4:20.
4. ¿Maꞌw yũuçxa Dxusaꞌs selpiisa isasaꞌs jiyugigk?
Maa nasa kĩhtx Dxus eçyakh kaapiyaꞌja, Dxus yaseꞌs jiꞌphçxa, selpiin Dxus jxkaahnisaꞌs tuutheꞌjn nasatxis, puutx peejxkãjaneta kĩhwa khejẽçmeeneta puii walasu. ¿Idxa maꞌwga yahkx? Thegwe Dxus eçte 1 Juan 3:10-12.
