PEꞌLA 12
¿Maꞌw Dxus tasxte utxaaya ãjaꞌkxthaꞌw?
1. ¿Dxusa wẽseꞌje maak jxuka puutx weꞌwnisaꞌs?
Dxusa piꞌkxna ũssa jxukasaytxis puutxweꞌwya txãayakh utxaaya ãjaꞌnekwe (1 Juan 5:14). Nawa txãayũu wẽseꞌjeçmeene jxuka puutxweꞌwnisaꞌs. Dxus eça ptaꞌsxik nmiꞌ nyuuthẽjaꞌs ptxuute Dxusa txãa puutxweꞌwnis wẽseꞌjmeena (1 Pedro 3:7). Israelitasweꞌsx txaꞌwẽy ewmeeyũun ũste Dxusa wẽseꞌjmeene. Nawa nasa pkaal vxitte, Dxusaꞌs pẽhyna sxawẽdte wẽseꞌjena puutxweꞌwnis. Thegwe Dxus eçte Proverbios 28:9 vxiteꞌ Hechos 3:19.
2. ¿Maꞌw puutxweꞌwe jiꞌphikxthaꞌw Dxusaꞌs?
Dxus yakh puutxweꞌwni txãa selpiisana. Kweꞌsxyuꞌ Jeuwaꞌsçxa puutxweꞌwa jiꞌphnetkhaꞌw txãane jxuka vxit (Mateo 4:10; 6:9). Kweꞌsxa ãhmeekwesanetkhaꞌw nawa Jesus yasete puutxweꞌwe jiꞌphnetkhaꞌw, Jesusyu kweꞌsx pkaal jiꞌphu paꞌkane uu (Juan 14:6). Jeuwa wẽseꞌjena ũus yahkxnijuy puutxweꞌwete. Thegwe Dxus eçte Mateo 6:7 vxiteꞌ Filipenses 4:6, 7.
Kweꞌsxa Dxusyakh sxuunaçxaa puutxweꞌwte wẽseꞌjena (1 Samuel 1:12, 13). Jeuwa piꞌkxk puutxweꞌwya maawẽnwa, jiyuwa kusuçte maakxyũu, kusi maakxyũu saꞌ ũꞌn ũstewa, vxiteꞌ thẽysaꞌ jiꞌphtewaꞌ txaꞌwẽy wẽseꞌjena. Thegwe Dxus eçte Mateo 15:36 vxiteꞌ 1 Pedro 5:7.
3. ¿Maꞌw puꞌçxhikx pkhakheni yatsu?
Kweꞌsxa nasa ksxaavxte ũsthaꞌw kĩhwa Dxus çxhãçxhawajaꞌs ũuste jiꞌphsameeyakh, saꞌ Dxus weꞌwnisaꞌs ahçeneta (2 Timoteo 3:1, 4; 2 Pedro 3:3, 13). Kweꞌsx yuh vxiteꞌ yakhtẽꞌjweꞌsx kçxhãçxhajwaꞌs jxpeejxphnetkhaꞌw, saꞌ txaꞌwẽy txaawẽꞌsxwa kçxhãçxhajwaꞌs jxpeejxyã. Thegwe Dxus eçte Hebreos 10:24, 25.
Kweꞌsxwa pkhakheçxa nasa Dxus wẽdxsayakh, wejxkwe Dxus tasxte utxaa ũsuꞌjnaꞌw. Jeuwa kaajiyusayakh pkhakhete Puꞌçxhina Dxus çxhãçxhawajaꞌs ũuste jiꞌphuya. Thegwe Dxus eçte Romanos 1:11, 12.
4. ¿Idxa Dxus tasxte maꞌw utxaaya ãjaꞌgigk?
Ũus yahkxna Dxus eçte kaapiyaꞌjnisaꞌs. Yahkx Dxus yuꞌkxpehnisaꞌs. Txãa ũus yahkxnisa Dxusyakh puutx weꞌwte puꞌçxhina txãa wala jiisana saꞌ Dxus wẽdxsana. Thegwe Dxus eçte 1 Timoteo 4:15, 16.
Dxus çxhãçxhawajaꞌs ũuste jiꞌphçxa Idxa utxaaya ãjaꞌnega Dxus tasxte. Fxitu tasx maꞌw sxakwe pejxna walawaa, idxwa txaꞌwẽy wala jxpeejxnega ũus yahkxna Dxus kaapiyanisaꞌs, txãwçxa Dxus çxhãçxhawajaꞌs ũuste jiꞌphunega. Thegwe Dxus eçte Mateo 4:4 vxiteꞌ Hebreos 11:1, 6.
5. ¿Dxusyakh utxaaçxa kĩh ewsa jiꞌphukxthaꞌw?
Jeuwa puꞌçxhina wẽdxsatxis. Txãa nweꞌwena ũukhmee ũsuꞌjnaꞌw Dxus çxhãçxhawajaꞌs ũuste sũhunisaꞌs jiꞌphte, saꞌ bakaçxtewa ĩtxi fxiꞌzewajaꞌs jiꞌphunaꞌw (Salmo 91:1, 2, 7-10). Jeuwa txaꞌwẽy jxpeejena kweꞌsx ew fxiꞌzewaꞌjaꞌs, txaꞌwẽy kaapiyaꞌjak kĩh wejxkwe ewtewa. Thegwe Dxus eçte Santiago 1:25 vxiteꞌ 4:4, 8.
Naate u'kaçxa txā'wēy nuu piyane'ga
SPECIAL CAMPAIGN
¿Kĩh yũuçxa Dxus eçte mee piyawa ewky?
Mazkwe nasaweꞌsx uyneta txãa paapẽynisaꞌs. Piꞌkxna ũsthaꞌw Dxus eçte piyaya Jeuwa kajiyusa yakh
