Txãa Dxus jxkaahwaꞌja ẽewalate jxkaahyã ũsna, txãa Dxus jxkaahwaꞌja jxuka kusajana txãa nasa jxkaahsatxis, Dxus weꞌwni kxtey yũuna naa kiwete saꞌ ẽewalate naꞌwẽy. Txãa Dxus jxkaahwaꞌjaꞌs jxpeeythaꞌw jxukasay. Txãa Dxus jxkaahsa jxuka nasatxis yuutxana wãtwãt fxiꞌzekan naa kiwete. Txãa wala ewsana. Thegwe Dxus eçte Lucas 1:33; 4:43 vxiteꞌ 11:2.

Jxkaahwaꞌjaꞌs jxpeejxyã jxukasay teeçx neꞌjweꞌsx txajĩiçxaa Jeuwa txãjx zxikas kiꞌphne jxkaahn ũskan naa kiwete. Thegwe Dxus eçte Revelación (Apocalipsis) 11:15.

Video thegwe Txãa Dxus Jxkaahwaꞌja ¿kĩh kik?

Dxus zxik neꞌjweꞌsx wala ewsa jiꞌphsana saꞌ kuꞌlkuꞌle jxkaahjana naa kiwete (Mateo 11:28-30). Txaꞌwẽy txãaçxa puꞌçxhya ãjaꞌna kweꞌsxtxis, Jesus ẽewalaꞌjuy jxkaajana selpiin naa kiwete jxuka. Jesus nyaafxtey ĩtxi yũuçxa ẽewalatene tehkane Dxus paç jũꞌgte mũythasya, txãjx jxkaahwaꞌjaꞌs ũspkaçx. Nmehteyuꞌ Dxusa çxhãçxhawajaꞌs ũsne. Thegwe Dxus eçte Hebreos 10:12, 13.

Dxusa kuhmee nasa txhitxhna ũsna Jesusyakh jxkaahwajaꞌs ẽewalate. Revelación 5:10 Jesus naa kiwete ũssiyũu kũhmee nasa txhitxne txãayakh ũskan, txaawẽꞌsxyuꞌ apostoles neta yaseyuꞌ. Txaawẽꞌsx khwẽꞌy txhitxhnisayã ẽete jxkaahwasayã Jesusyakh. Jeuwa wala txhitxhna ũsna uꞌytxis vxiteꞌ piçthẽꞌjtxis kxtee ẽewalate selpiikan, nawa nasayuꞌ wala kuꞌle  fxiꞌzewa jiꞌphyã. Txãa weꞌsxa uuçxa Jesus naꞌwẽy itxi yũuyã kĩhwa kakwe vxiasamee jiꞌphuyã. Thegwe Dxus eçte Juan 14:1-3 vxiteꞌ 1 Corintios 15:42-44.

¿Maz nasa ẽewalan uꞌjetxkx? Jesus naꞌwne kĩph “Iꞌkweꞌsxaꞌ kuhmeekwe iꞌkwe” (Lucas 12:32). Dxus eçaꞌ kaapiyan 144 mil nasa çxaa ẽete uꞌjweyã Jesusyakh jxkaahjya. Thegwe Dxus eçte Revelación 14:1.

1914 añote ne takh Dxus jxkaahwaꞌja. * Txãa añote Dxusa txhitxh Jesusaꞌs neꞌjweꞌsx yũukan, açyuꞌ Jesusyuꞌ neeuune eçxthẽꞌjaꞌs ẽewalaju, eçxtxiswa txaꞌwẽy ay kiwe khene wãtah. Açaꞌ eçxthẽꞌjyũꞌ seena ũusçxaan ũsna, txãjx wala thẽysa vxan ũsna naa kiwete jxuka (Revelación 12:7-10, 12). Txajĩiçxaa nasa wala pxthaayũun ũsnetkhaꞌw ãçxh pkaçx, Jesus jxuka ptaꞌsxna ũsna txãawyũuwatewa, wala wee, puiisa, wẽeje saꞌ ehd. Txaꞌwẽy ewmeesa kxtey yũun ũste, Jesus naꞌjĩne Dxus een jxkaahwaꞌja utxaayã ũste txãwyũuna naa kiwete jxuka. Thegwe Dxus eçte Lucas 21:7, 10, 11, 31.

Dxus yuwes ptaꞌsxna ũste, txãa Dxus jxkaahwaꞌjaꞌs naa kiwete jxuka “nasa iimeꞌh wala kũh” pkhakhen ũsyã majũ weꞌsxwa jxuka. Vxiteꞌ mazkwẽ nasa ewsawa utxaan ũsyã Jesusaꞌs nwẽseꞌjn. Dxus jxkaahsa nasa ewmeesatxis jxuka pebana, txaꞌwẽy ĩtxi ũs wẽeçxa Jesus Jxkaahnisas nwẽseꞌjwa jiꞌphnetkhaꞌw. Thegwe Dxus eçte Revelación 7:9, 14, 16, 17.

Dxusa eçaꞌ naꞌwku ptaꞌsxi txãa 1000 añoste Dxus jxkaahwaꞌja kxtey yũuna, nyaafx maꞌwne yahkxni jiꞌphu jxuka nasa weꞌsxjĩi, txaꞌwẽy naa kiwe zxiçxkweꞌyũun kaãjana. Dxus eç ptaꞌsxik 1000 años eꞌsu Jesus kiꞌkin txãjx jxkaahn ũsnisa dukhena txãjx neyaꞌs (1 Corintios 15:24-26). Txaꞌwẽy jiphnetkhaꞌw nasaweꞌsx Dxus jxkaahwajaꞌs ptaꞌsxia ¿idxa wẽdxmag? Thegwe Dxus eçte 2 Pedro 3:13.