Kweꞌsxa Jeuwa vxitnisathaꞌw, txãaçxaa kweꞌsxte thãakwe jiisana. Txãayuꞌ kweꞌsx ney ewsana, txãasane kũjyeekx. Txãayuꞌ txãjx jũꞌguneyũu thaasu (Jeremías 10:23). Txaꞌwẽy luuçx leçxkwe naꞌwẽy peejxna neyweꞌsx jxpeejxniꞌs, jxukasay jxpeejxnetkhaꞌw Dxus puꞌçxhwaꞌjas (Isaías 48:17, 18). Kweꞌsxtxis puꞌçxhwasana txãa Dxus eçte isasayuꞌ jiꞌphsa dxiꞌj maꞌw uꞌjwatewa, txãayuꞌ Dxus peesnisana. Thegwe Dxus eçte 2 Timoteo 3:16.

Dxus jxkaahnisa saꞌ wala isasaꞌs Dxus eçte puꞌçxhsana maꞌw uꞌjwatewa, kaapiyaꞌjsana ãçxh maꞌw ĩtxi fxiꞌzewatewa. Dxusyuꞌ bakaçxtewa eꞌsuyuꞌ ewsa peesuna. Dxusne jxuka vxit nasatxis saꞌ jiꞌphnetkhaꞌw nwẽseꞌjwa txãjx jxkaahnisaꞌs. Thegwe Dxus eçte Romanos 15:4 vxiteꞌ Revelación (Apocalipsis) 4:11.

Wala isasaꞌs Dxus eçte kũh selpiiwaꞌsa jiꞌphna kweꞌsxjĩi. Nawa Dxus jxkaahnisa teeçx ãhteçxane ptaꞌsxi maꞌw yũuwatewa. (Hechos 15:29). Yahkxnijuy vxitwa jiꞌphnetkhaꞌw maakwe thẽysa jiꞌphuçxawa Dxus eç isasaꞌs kaapiyaꞌjane (Proverbios 2:10-12). Dxus eça kaajiyujune txãa ĩtxi fxiꞌzenisa Dxus peesnisana. Txãa Dxus isasayuꞌ selpiisana kĩhtewa mjĩite maakxyũu, yatte maakxyũu, jxuꞌj uꞌjweçtewa maakxyũu, wala jxpaꞌyahkxkajaꞌk. Thegwe Dxus eçte Hechos 17:28.

Jesus weꞌwne jeꞌz wala isasaꞌs Dxus eçte jiꞌphsaꞌs. Dxusaꞌs khwẽy jiyun, wẽdxna saꞌ selpiin. Wala isasaꞌs Dxus eçte txãa puꞌçxhina jiyuya kĩh vxityawatewa (Proverbios 3:6). Nasaweꞌsx txãa wala isasaꞌs Dxus eçte nwẽseꞌjçxa Dxus tasxte utxaaya ãjaꞌyã, eꞌsu bakaçxtewa ĩtxi ũssya. Thegwe Dxus eçte Mateo 22:36-38.

Jeꞌz: wala isasaꞌs Dxus eçte jiꞌphna vxiteweꞌsxtxis puꞌçxhna ew fxiꞌzeya ãjaꞌjnaꞌw (1 Corintios 13:4-7). Dxus jxkaahnisa kxteey yũute, txãa maꞌwne ew jxpeeꞌje nasaweꞌsxtxis kweꞌsxwa txaꞌwẽy vxitya ãjaꞌjnaꞌw. Thegwe Dxus eçte Mateo 7:12 vxiteꞌ 22:39, 40.

Wala isasa Dxus eçte puꞌçxhine yatte weꞌsxyakh jaꞌda ũsya wãt fxiꞌzeya (Colosenses 3:12-14). Txãa teeçx wala isasaꞌs Dxus eçte puꞌçxhine kaapiyan ptaamsaweꞌsxtxis nes ũskahn. Thegwe Dxus eçte Mateo 19:5.

Wala isasaꞌs Dxus eçte nwẽseꞌjte puꞌçxhina ew fxiꞌzeya. Maii mjĩinisu wala nasa paꞌkaneta çxhãçxha mjĩiyã, wala isasaꞌs Dxus eçte nwẽseꞌjte puꞌçxhina kĩhwa pesweemee uꞌjukhan (Proverbios 10:4, 26; Hebreos 13:18). Dxus eça kaapiyajaꞌk leçxkwe jiꞌphçxawa wẽçxanthaꞌw fxiꞌze, saꞌ txaꞌwẽy Dxusaꞌs selpiite wejxkwe ewsana vxus jxthaakwe yahkxmee, Dxus eça txãwku kaapiyaꞌja. Thegwe Dxus eçte Mateo 6:24, 25, 33 vxiteꞌ 1 Timoteo 6:8-10.

Wala isasa Dxus eçte kxteey yũute wala nweꞌwena kweꞌsx fxiꞌzenis (Proverbios 14:30; 22:24, 25). Txaꞌwẽy nwẽseꞌjkajak Dxus jxkaahnisaꞌs tũumee fxiꞌzewana txãwçxaa ãçaꞌmeeꞌjnaꞌw, kĩhwa thẽysa jiꞌphumeenaꞌw (Romanos 13:13). Dxus eçte naꞌjĩk ãjaꞌnekwe tuudxya leçxkweçxaa, nawa wala tuudxte ewmeena (Salmo 104:15; 1 Corintios 6:10). Wala isasaꞌs Dxus eçte puꞌçxhina thegya kweꞌsx ũus yahkxnijuy (Salmo 119:97-100). Kweꞌsxa nwẽseꞌjethaꞌw txãa wala isasas Dxus eçte jiꞌphsaꞌs, Jeuwaꞌs wẽdxçxathaꞌw nwẽseꞌje pees paꞌkaçxaamee. Thegwe Dxus eçte Mateo 5:14-16.