¿Nawa kĩhkx isasa? Maii nasa wala jxthuhthesaꞌs yayjxpaapẽyneta. Baaçxçxa idxa txaꞌwẽy yaꞌypaapẽyga:

• ¿Dxusa kweꞌsxtxis wẽdximak?

• ¿Baaçx eenteçxa pçuumak puii walasa vxiteꞌ pxthaa yũunisa?

• ¿Uuniyãju kĩhçxaꞌ vxitya ãjaꞌmatx?

• ¿Uusaweꞌsxa kiꞌkin ĩtxi yũuyã ãjaꞌmatx?

• ¿Kweꞌsxa maꞌw puutx weꞌwwaꞌj jiꞌphkxthaꞌw Dxus yakh?

• ¿Maꞌw wẽt fxiꞌzewaꞌjaꞌs uyuukxthaꞌw?

¿Idxa kĩhte pakwegig naa paapẽynisatxis? Mazkwẽ eçwa ũsyã paasna. Nawa isameena. Vxiteweꞌsxwa ãçxhkhey paasuneta, nawa eꞌsuyu kiꞌkin phewuꞌjuneta jiꞌphu.

Nawa teeçx libro ũsna isasa paaswa. Jesucristo naꞌjĩne puutx weꞌw txãjx neyna: “Iidx kaapiyaꞌjniꞌ kaypubaꞌjwaꞌjsameꞌ” (Juan 17:17). Ãçxh txãa isasa Dxus eçna. Kwekwete paapẽynisatxis ptaꞌsxik.

¿KĨH YŨUÇXAKIK NAA PAAPẼYNISA KASEꞌJE? Naa kiwete ewmeesaçxa utan ũste, txãwte fxiꞌzen ũsthaꞌw. Mazkwẽ Dxusaꞌs selpiisa kaapiyan ũsyã pxthaa yũunisaꞌs Dxusne txãw yũu sũhuneta.

DXUS EÇA KAAPIYAꞌJAK. Dxusa baaçx yuhwa ewmeesaꞌs vxituçmeene. Job 34:10 naꞌjĩk: “¡Ewmeesaꞌs vxitune sũhwameena Dxus isasa, saꞌ Dxus çxhãçxhasa kĩhwa ewmeesa vxitya ãjaꞌmeena!”. Dxusa wẽdxçxa, wala ewsa peesuna nasaweꞌsxjĩi, txãa paꞌka, Jesús kaapiyajak Dxus yakh puutx weꞌwya: “Kweꞌsx Tata cielute ũssaIdxaꞌ bagaçxtewa jxtuhthe nes yuuneꞌga. Iidx jxkaahwaꞌj enaꞌsçxáathaꞌw ũythasuꞌ,Naa kiwete idx maꞌwẽneꞌga jxthãasuꞌ txãꞌsnaçxáa kxtey tee yuu cielute naꞌwẽy” (Mateo 6:9, 10). Isateyu Dxusa kweꞌsxtxis wala wẽdxine, kweꞌsxjĩi ĩtxi fxiꞌzekhan wala ewsa dukhne kxtey yũukhan (Juan 3:16).

Thegwe Génesis 1:26-28; Santiago 1:13, vxiteꞌ 1 Pedro 5:6, 7.

¿KĨH YŨUÇXAKIK NAA PAAPẼYNISA KASEꞌJE? Txãa puii walasu nasa maakweçxa uun ũsyã. Txãa paꞌkanetkhaꞌw pxthaa yũu.

DXUS EÇA KAAPIYAꞌJAK. Dxusa puii walasaꞌs jxuka pebana. Khĩiçxa ewsaꞌs jxũun paꞌjana txãa jxkaahniyãju, nasa “kĩhwa puii walas piyameeyã”, txajuꞌ “txãa espadaꞌs mjĩiwaꞌj yuphteꞌjeyã kĩhwa vxituyã naa kiwete” (Isaías 2:4). Txaꞌwẽy Dxusa pxthaa yũunisaꞌs jxuka pebana. Dxus eça naꞌjĩk nasaweꞌsxtxis: “Saꞌ cielujũ sus naꞌjĩna weꞌweni wẽseꞌth:—Mtheg, ãçxhaꞌ Dxusaꞌ nasaa ksxavxyte ũsaꞌ txãaweꞌsx yakh fxiꞌzeyaꞌ, açaꞌ nasaꞌ Dxus jĩi yuutxna. Dxusaꞌ txãaweꞌsx Dxus yuuyaꞌ txãaweꞌsx yakh fxiꞌzena. Txãasa Dxusaꞌ kĩh nxusniijũwa jxuka nweꞌwena, açaꞌ peena yuꞌ uuwaꞌjmée yuuna. Ũꞌnewaꞌj enwa paꞌjmeena, nxus weꞌwewaꞌjwa paꞌjmeena, akasawa paꞌjmeena, txãa paꞌgatey nyafxíi fxiꞌzeni enaꞌ skhẽwku jĩꞌk” (Revelación [Apocalipsis] 21:3, 4).

Thegwe Salmo 37:10, 11; 46:9, vxiteꞌ Miqueas 4:1-4.

¿KĨH YŨUÇXAKIK NAA PAAPẼYNISA KASEꞌJE? Txãa Dxus selpiisa kaapiyaꞌjatx kakwe uuniyãju vxyaasamee kaseꞌjn uꞌjwek jĩtx. Maii nasa naꞌjĩntxi weꞌwe uusa kĩhmeewa vxitya ãjaꞌyã ĩtxisatxis jiitx, meeçxa Dxusa ewmeesatxis pkxuune ipxkhe akhna pxthaa yũukhan.

DXUS EÇA KAAPIYAꞌJAK. Uuyãçxa kĩhwa yũuyã ãjaꞌmeeyã. Eclesiastés 9:5 naꞌjĩk “uuniyãju txaawẽꞌsxa kĩhwa yaakiçmeeneta”. Jiyuyawa ãjaꞌmeeyã, kĩhwa yũuyã ãjaꞌmeeyã, kĩhwa ĩtxisatxis puꞌçxhya ãjaꞌmeeyã (Salmo 146:3, 4).

Thegwe Génesis 3:19 vxiteꞌ Eclesiastés 9:6, 10.

¿KĨH YŨUÇXAKIK NAA PAAPẼYNISA KASEꞌJE? Jxukasaythaꞌw wẽt ĩtxi fxiꞌze wẽeje kweꞌsx nasa wẽdxsa yakh. Txãajĩiçxathaꞌw kiꞌkin kweꞌsx uusatxis uywẽeje.

DXUS EÇA KAAPIYAꞌJAK. Mazkwẽ nasawa uusa ũsyã kiꞌkin ĩtxi yũuyã. Jesus najĩne “Txãꞌwẽ Dxus Nçxiꞌk weꞌweni pthũuseteꞌ, uusaaweꞌsxaꞌ pedaniijũ kasehwaꞌj en paꞌjana” (Juan 5:28, 29). Nasaweꞌsx naa kiwete uuseçxa naa kiwete zxiçxkwe yũun kaahte wẽt ũssuyã, txaꞌwẽy nyaafxte Dxus maꞌwne yahkxni jiꞌphu txaꞌwẽy (Lucas 23:43). Nasaweꞌsx Dxusaꞌsçxa selpiin ũssa baakaçxtewa ĩtxi fxiꞌzeyã, baaçx yuhwa ãçaꞌmee ũssuyã txaꞌwẽy. Dxus eça naꞌjĩk: “Kuꞌle uꞌjusa naa kiweꞌs jiꞌphuyã ãjaꞌyã, saꞌ ĩtxi fxiꞌzeyã baakaçxtewa naa kiwete” (Salmo 37:29).

Thegwe Job 14:14, 15; Lucas 7:11-17, vxiteꞌ Hechos 24:15.

¿KĨH YŨUÇXAKIK NAA PAAPẼYNISA KASEꞌJE? Jxuka Dxusaꞌs selpiisa, Dxus yakh puutx weꞌweneta. Maii nasa txãa puutx weꞌwnisaꞌs Dxusa wẽseꞌjeçmeene sũhuneta.

DXUS EÇA KAAPIYAꞌJAK. Jesús naꞌjĩk Dxus yakh puutx weꞌwçxa txãꞌsjiiçxa peena weꞌwna ũswaꞌjmeena. Naꞌjĩk: “Dxus yakh puutx weꞌweççxaꞌ, lxisasáa naꞌwẽ txãꞌsnaíiçxáa kuh us peenana ũswaꞌjmeꞌ” (Mateo 6:7). Dxusaꞌs wẽseꞌj jxthãasçxa txãa maꞌwne wẽdxi, txaꞌwẽy yũuwa jiꞌphnetkhaꞌw. Txãw yũu wẽeçxa kweꞌsxa piyawa jiꞌphnetkhaꞌw txãa kxtey yũunisaꞌs. Khĩiçxa txãw puutx weꞌwwaꞌjna. “Açaꞌ txãꞌwẽ yaakxsatxiꞌ Dxusaꞌ pasuꞌk, naꞌjĩk”, 1 Juan 5:14.

Thegwe Salmo 65:2; Juan 14:6, 14, vxiteꞌ 1 Juan 3:22.

¿KĨH YŨUÇXAKIK NAA PAAPẼYNISA KASEꞌJE? Maii nasa vxu yakh kĩhwa jiꞌphuçxa wẽt fxiꞌzen sũhuneta, txãasaneta kĩhwa wala jiꞌphu wẽeje. Nawa txãa jiꞌphçxawa kĩhwa wẽt fxiꞌzeçmeeneta.

DXUS EÇA KAAPIYAꞌJAK. Jesús ptaꞌsxku maꞌw wẽt fxiꞌzewaꞌjtewa, txãa naꞌjĩne: “Wala yuh weçxa yujaꞌ Dxusaꞌs peejxçxa pakwesáa yakhaꞌ” (Mateo 5:3). Wẽeçxan fxiꞌze wẽeçxa jeꞌz jwed piyawa ũsna: wala Dxus yuwes piyawaꞌj jiꞌphnetkhaꞌw, saꞌ Dxus wẽdxnisaꞌs kxtey yũuwaꞌjna. Txãa isasa Dxus eçte ũsna, txãas jiyute puꞌçxhina txhitxhya kĩh jxthuhthesatewa. Txaꞌwẽy Dxus eç puꞌçxhine kweꞌsxtxis thxithxya wẽt wẽeçxan fxiꞌzewaꞌjaꞌs (Lucas 11:28).

Thegwe Proverbios 3:5, 6, 13-18, vxiteꞌ 1 Timoteo 6:9, 10.

 Naa 6 paapẽynis Dxus eça paasku. ¿Peena jiyu wẽejega? Idxwa “txãꞌwẽ yũusaꞌ Dxus jxkaahna ũsnite uꞌkaya ãjawaꞌjsataꞌ”, txãwte peena jiyu wẽejega. Idxa maꞌwẽn yũu yaꞌpaapẽynega, Dxusa kĩh yũuçxa ewmeesa vxiteꞌ pxthaa yũunisaꞌs kaskhẽwçxa ũski, saꞌ kweꞌsxtxis wẽdxçxa kĩh yũuçxa txãw yũu. Meeçxa idxa wejxkwe jiyu wẽejenega, maꞌw yũuçxa yatteweꞌsxa wejxkwe wẽt fxiꞌzetxki. Dxus eça jxuka paasune naa paapẽynisatxis.

Nawa maii nasayu piyaya wẽdxiçmeeneta. Maii nasa Dxus eçaꞌs wala thẽyna sũhuneta piyawaꞌj. ¿Wẽdxmag puꞌçxh wẽete Dxus eça piyaya?

Jeuwa Kaajiꞌyusa puꞌçxhiyã ¿Qué enseña realmente la Biblia? nmeehte. Txãa eç yakh kaapiyaꞌjayã —nasa wala een jimeesa uꞌpyã txaawẽꞌsxjĩina—. Nmeehte idxa jxpaꞌkaya ãjaꞌnega Dxus eç yakh piyaya kĩhte uꞌpsaçxawa vxu paꞌkamee. Jeuwa kaajiyusaweꞌsx kĩhte uꞌpsatewa kaapiyaꞌjya uꞌjweyã. Mazkwẽ nasawa Dxus eç yakh piyan ũsyã, Jeuwa kaajiyusaweꞌsx yakh jxuka piyan ũssa isasaꞌs Dxus eçte uyneta.

Idxwa isasaꞌs piyaya ãjaꞌnega wala jxthuhthesaꞌs. Isasa puꞌçxhine nasa isxĩiniju kaaseꞌjyã, txaꞌwẽy puꞌçxhne wẽt wẽeçxan fxiꞌzewaꞌjaꞌs. Jesús naꞌjĩne: “Ewsaꞌs jiyuneꞌkwe, açaꞌ txãa ewsa ewmeesajũ nweꞌwena jĩteꞌ” (Juan 8:32).