PEꞌLA 04
¿Dxusyu kimki?
Nyaafxtey mazkwe nasaweꞌsxaꞌ dxustxis selpiina ũsuneꞌta. Nawa Dxusyu wala thakwesana vxite dxusweꞌsxtxis. Dxus eça naꞌwku weꞌwe teeçx Dxus wejxkwe walasa ũsna jĩꞌk (2 Crónicas 2:5). ¿Txãayu kimki? ¿Kĩh yũuçxa wejxkwe walasakx vxite dxuste? Txãa Dxustethaꞌw piyaya jxthãasu. Idxa naa peꞌlate wejxkwe piyaya ãjaneꞌga.
1. ¿Dxus yase jiꞌphyumanx?, ¿maꞌw jiyukxthaꞌw?
Bibliate Dxusyu txãjx yases ptaꞌsxik: “Adxaꞌ Jeuwa yaseth” (lẽeywe Isaías 42:5, 8). Jeuwa yasesyu hebreo yuwete kutxiꞌjnisana, txãa significado jiꞌpha, Txãa vxityaꞌ ãjana kĩh vxit wẽeçxawa (Éxodo 3:15). Dxus eça txãjx yases kxsus thãasune, ¿maꞌw jiyukxthaꞌw? Jeuwayu txãjx yases 7.000 veces ãhne a kaavxaꞌjaꞌ. Txãaçxaa Dxus isasana cielute vxiteꞌ naa kiwete (Deuteronomio 4:39).
2. ¿Jeuwateyu Dxus eça kĩh kik ptaꞌsxi?
Mazkwe nasaweꞌsx vxiteꞌ dxustxis selpiina ũsuneꞌta, nawa Dxus eça naꞌjĩꞌk teeçx Dxusçxaa isasa ũsna, Txãa Jeuwa yasena. Dxus eça kaapiyaꞌjaꞌk Jeuwaçxaa Dxus isasana, Jeuwayu wala jxkaahsana naa kiwete jxuka. Txãaçxaa naa kiwete wala jxthaakwesana (lẽeywe Salmo 83:18). Jeuwaçxaa wala çxhãçxhasana, açyu kĩh vxit wẽeçxawa kxtey yuun kaahana. Dxusyu wala vxitsana, açyu naa kiwes vxiteꞌ cielun jxukane vxit (Apocalipsis 4:8, 11). Jeuwa bagaçxtewa ũssaçxana (Salmo 90:2).
WEJXKWEÇXA PIYAN UꞌJWEKA
Ãçxh piyanaꞌw Dxus yaase wala fxiysakx vxite tituloweꞌsxte. Txãa Jeuwa yaasena. Txaꞌwẽy piyanaꞌw Dxusyu maꞌw kik kaajiyuꞌj txãjx yases vxiteꞌ kĩh yũuçxa kik piya jxthãasu.
3. Dxusyu seenaꞌ títulos jiꞌphna, nawa teeçx yasesçxaa jiꞌphna
¿Kĩh yũuçxa títulos vxiteꞌ yasetxis wala fxiytxki? Txãa VIDEUꞌS thegwe, txajuꞌ naa paapẽynisatxis paswe:
-
¿Título señor kĩh yũuçxa fxiyki txãa yasete?
Dxus eça naꞌwku ptaꞌsxi mazkwe nasaweꞌsxaꞌ vxite dxustxis vxite señorestxis selpiina ũsuneꞌta, jĩꞌk. Lẽeywe Salmo 136:1-3, txajuꞌ naa paapẽynisatxis paswe:
-
¿“Dios de dioses” vxiteꞌ “Señor de señoresyu” kimki?
4. Jeuwayu txãjx yaases jiyu kaahak kĩhçxa txaꞌwẽy txãjx yaases kxsus jxthãasuk
Jeuwa kweꞌsxtxis txãjx yases piya jxthãasune, ¿maꞌw jiyukxthaꞌw? Txãa VIDEUꞌS thegwe, txajuꞌ naa paapẽynisatxis paswe:
-
Jeuwa txãjx yases piyayaꞌ jxthãasune, ¿maꞌw yũuçxa jiyuguigk?
Jeuwa nasaweꞌsxtxis txãjx yaases kxsus thãasune. Lẽeywe Romanos 10:13, txajuꞌ naa paapẽynisatxis paswe:
-
¿Kĩh yũuçxa Jeuwas yaases kxuswa jiꞌphkxthaꞌw?
-
¿Idxyu maꞌwga yaatxi nasaweꞌsx idx yases kxsuste?
-
¿Jeuwayu maꞌw kik yaatxi txãjx yaases kxsuste?
5. Jeuwa idxaꞌs namiku yũu wẽjeꞌk
Teeçx uꞌy Soten yaasesayu Camboya çxhabteweꞌsxna. Txãayu Dxus yaases jiyute wala ewna jĩnku weꞌwe Txãa VIDEUꞌS thegwe, txajuꞌ naa paapẽynisatxis paswe:
-
¿Dxus yeses jiyute Sotenas maꞌw kik puçxh?
Dxus yases khwẽꞌy jiyuwaꞌj jiꞌphnetkhaꞌw Jeuwa namiku yũu wẽeçxa. Lẽeywe Santiago 4:8a, txajuꞌ naa paapẽynisatxis paswe:
-
¿Jeuwa idxaꞌs kĩh kik yũu jxthãasu?
-
Dxus yases jiyuçxa ¿Txãa yakh utxaayaꞌ ãjamag?, ¿kĩh yũuçxaga txãꞌw yaatxi?
MAII NASAWEꞌSXA NAꞌJĨTX: “Teeçx Dxuscxana maꞌw kxsustewaj wẽseꞌjena”.
-
Dxusyu Jeuwa yaasena, ¿iisamanx?
-
¿Vxite nasatxis Dxus yases kaapiyaꞌj wẽeçxa kĩh yũuwaꞌj jiꞌphkxthaꞌw?
¿AYTE PAꞌJ KĨHKXTHAꞌW PIYA?
Dxus ĩtxisayu Jeuwa yaasena. Txãayu txãjx yases jiyuya kaahak, kĩhçxa Jeuwa namiku yũun kaahanaꞌw.
¿Kĩh pasuguigk?
-
¿Jeuwa vxite dxusteyu maꞌw yũuçxa fxiyki?
-
¿Kĩh yũuçxa Dxus yases kxsuswa jiꞌphkxthaꞌw?
-
Jeuwayu kweꞌsx namiku yũu jxthãasune, ¿maꞌw yũuçxa jiyukxthaꞌw?
WEJXKWE PIYAYA ÃJANEGA
Theguka cinco kaapiyaꞌjnisas Jeuwa ĩtxisate.
Wejxkwe piyawe, Jeuwa baakaçxtewa ũssaçxana.
Nyaafxteyu jiyumeeneꞌta Dxus yases maꞌw kxsustewa. Thegwe kĩh yũuçxa Dxus yases kxsuswaꞌj jiꞌphkxhaꞌw.
¿Dxusaꞌs maꞌw kxsustewa jxthuhthesamanx? Thegwe kĩh yũuçxa kik Dxus teeçx yasesçxa jiꞌphu.
a Traducción del Nuevo Mundo te lẽeywe wejxkwe jiyu wẽeçxa, ¿Dxus yaseyu kĩhkx?, ¿vxiteweꞌsxyu kĩh yũuçxa kitx Dxus yaseꞌs iijxũuçmeꞌ? Apéndice A4 de La Biblia. Traducción del Nuevo Mundo
