PEꞌLA 06
¿Ĩtxi fxiꞌzenisaꞌs maꞌw kik takh?
“Txãa paꞌgatey idxçxaçxáag kĩhnawa jxuka vxit” (Apocalipsis 4:11). ¿Txãꞌw yũumanx? Maii nasaweꞌsx naꞌjĩneꞌta: kweꞌsxtxis kim yuhwa vxitmeeneꞌ, naa weꞌwnisa isayu weꞌwçxa, ¿kĩh yũuçxa naa kiwete ũskxthaꞌw? Nawa txãa weꞌwnisa ĩsxiina sũhuꞌn yahkxte, naꞌw paapẽywe, ¿kĩh yũuçxa kik Dxus kweꞌsxtxis vxit? a Piyaya ãjaneꞌga Dxus eçaꞌs lẽeyçxa naa ĩtxi fxiꞌzenisaꞌ maꞌw kik takh.
1. ¿Kim kik naa kiwes vxiteꞌ cielun vxit?
Dxus eçaꞌ naꞌjĩꞌk: “Nyaafxtey Dxusaꞌ naa kiwan cielun vxitneꞌ” (Génesis 1:1). Teeçx eente cielu vxiteꞌ naa kiwe vxaane, maii cientificoweꞌsxyu txãꞌwne yũu sũhuꞌ. ¿Dxusaꞌ naa kiwes vxiteꞌ cielun maꞌw kik vxit? Jeuwa txãjx espíritu santos iijxũune, naa kiwete vxiteꞌ cielun vxitkhan galaxias, planetas vxiteꞌ estrellatx vxitne (Génesis 1:2).
2. ¿Dxusaꞌ naa kiwes kĩh yũuwaꞌj kik vxit?
Jeuwa “naa kiwes ĩꞌnee vxitmeeneꞌ uꞌpwaꞌjne vxit” (Isaías 45:18). Txãayu naa kiwes zxiçxkwesane vxit nasaweꞌsx wãt fxiꞌzekhan (lẽeywe Isaías 40:28 vxiteꞌ 42:5). Cientificosweꞌsxaꞌ naꞌjĩneꞌta: naa kiwe meh ew vxitni ũssa. Kĩhte yuhwa naa kiwe naꞌwẽysameena makwe pakwetewa.
3. ¿Takxweꞌsxyu kĩh yũuçxa wala fxiysatxki nasaweꞌsxte?
Jeuwa naa kiwes vxitçxa txaꞌwẽy vxitneꞌ fxiꞌzesatxwaꞌj jxuka. Dxusyu khwẽꞌyne vxit kite vxiteꞌ takxweꞌsx. Naa kiwete yuutaayãꞌçxa, “Dxusaꞌ teeçx piçthẽꞌjaꞌs vxitneꞌ” (lẽeywe Génesis 1:27). Takxweꞌsxyu wala fxiysayã nasaweꞌsxte. Dxusaꞌ kweꞌsxtxis txãa naꞌwẽysane vxit, txãa paꞌka peeykãhnis vxiteꞌ justicia kaavxaꞌjaya ãjanetkhaꞌw. Txaꞌwẽy kweꞌsxtxis vxitneꞌ vxite yuwes piyawaꞌj, memnisas wẽseꞌjwaꞌj vxiteꞌ naa kiwete zxiçxkwesas thegwaꞌj. Kweꞌsxaꞌ Dxusaꞌs selpiiya ãjathaꞌw, takxweꞌsxyu Dxusaꞌs selpiiya ãjaçmeeneꞌta.
WEJXKWEÇXA PIYAN UꞌJWEKA
Dxus eçaꞌ isayu weꞌwene. Theguka maꞌw kik Dxusaꞌ jxuka naa kiwete ũsnisaꞌs vxit. Nasaweꞌsx ew jiꞌphunisaꞌs kaavxaꞌjya ãjaneꞌta. Dxusyu maꞌwẽsatewa, kweꞌsxyu wala piyaya ãjanaꞌw.
4. Ĩtxi fxiꞌzenisa teeçx vxitsa jiꞌphna
Maii nasaweꞌsxaꞌ takxweꞌsx vxiteꞌ fxtũ tasx naꞌwẽy yũuneꞌta, txãa paꞌka txãaweꞌsxtxis wala weçxaneꞌta. Nawa, ¿kimna weçxawaꞌj jiꞌphnekxhaꞌw ĩtxi fxiꞌzeniꞌs paꞌka? Txãa VIDEUꞌS thegwe, txajuꞌ naa paapẽynisatxis paswe.
-
Nasaweꞌsxaꞌ Dxus vxitniꞌs thegçxa, ¿kĩhta yũu?
Yataꞌ txãaçxaçxaa vxitnisameena, açyu ¿kim kik naa kiwete ũsnisaꞌs vxit? Lẽeywe Hebreos 3:4 txajuꞌ naa paapẽynisatxis paswe:
-
¿Naa kiwete ũsnisas kĩhga wejxkwe wẽdxi?
-
¿Universus thegçxa vxitsa ũsyuna sũhuꞌga?, ¿kĩh yũuçxaga txãꞌw yaatxi?
¿Jiiga?
Naa kiwete vxiteꞌ cielun vxitnisaꞌs wejxkwe jiyu wẽeçxa videus vxiteꞌ artículos jw.org te pakweya ãjaneꞌga “¿Kim kik vxit?” vxiteꞌ “Mazkwe nasaweꞌsxaꞌ kajiyuꞌjuyã kĩh yũuçxa kik Dxuste kreĩ”.
“Yataꞌs kimçxáawa txahte yujk yat yuuna paꞌjaꞌ, nawa namu yuꞌ Dxusaꞌ”
5. Naa kiwete vxitni weꞌwnisaꞌ Dxus yuwe isayu weꞌwene
Génesis capítulo 1te ptaꞌsxik maꞌw kik naa kiwete jxuka ĩtxisa ũsu. ¿Txãa weꞌwnisaꞌ isamanx meeçxa ĩsxiijamaꞌk? Txãa VIDEUꞌS thegwe, txajuꞌ naa paapẽynisatxis paswe:
-
¿Dxus yuwe kaapiyaꞌjmaꞌk jxuka naa kiwete ũsnisaꞌs seis eenteçxa vxitmaꞌk?, ¿txãa eenyu 24 horaçxa maꞌk yuu?
-
¿Dxus yuwe weꞌwnisate naa kiweteweꞌsxaꞌ isayu weꞌwemaꞌk?, ¿kĩh yũuçxaga txãꞌw sũhuꞌ?
Lẽeywe Génesis 1:1, txajuꞌ naa paapẽynisatxis paswe:
-
Teeçx eente cielu vxiteꞌ naa kiwe vxaaneꞌ, maii cientificosweꞌsxyu txãꞌwne yũu sũhuꞌ. Açyu ¿Dxus yuwe txaꞌwẽyçxa ptaꞌsxmaꞌk?
Maii nasaweꞌsxaꞌ naa sũhuꞌneꞌta: Dxusyu evolucionas iijxũune ĩtxi fxiꞌzewaꞌjaꞌs vxaakahn. Lẽeywe Génesis 1:21, 25, 27 txajuꞌ naa paapẽynisatxis paswe:
-
¿Dxusa evolucionaꞌs iijxũumaꞌk ĩtxi fxiꞌzewaꞌjaꞌs vxitkhan?, meeçxa ¿Dxusaꞌ teeçx teeçxmaꞌk vxit?
6. Dxus vxit paꞌka nasaweꞌsxyu fxiysathaꞌw
Kweꞌsxyu wala fxiysathaꞌw takxweꞌsxte. Lẽeywe Génesis 1:26 txajuꞌ naa paapẽynisatxis paswe:
-
Dxus naꞌwẽy vxitnisanetkhaꞌw, txãa paꞌka kweꞌsxyu peeykãawãꞌjaꞌs kaavxaꞌjya ãjanaꞌw. Txãa weꞌwnisate, ¿idxyu kĩh piyaya ãjaguigk Jeuwate?
MAII NASAWEꞌSXA NAꞌJĨTX: “Cielu vxite naa kiwete vxitnisate, Dxus yuwe sxaakweene weꞌwe”.
-
¿Idxaꞌ maajĩguigk?, ¿kĩh yũuçxaga txãꞌw sũhuꞌ?
¿AYTE PAꞌJ KĨHKXTHAꞌW PIYA?
Naa kiwe cielu vxiteꞌ ĩtxi fxiꞌzewaꞌjaꞌs Jeuwane vxit.
¿Kĩh pasuguigk?
-
¿Dxus yuwe kĩh kik kaapiyaꞌja ĩtxi fxiꞌzenisa maꞌw kik takh?
-
¿Dxusaꞌ evolucionas iijxũumaꞌk ĩtxi fxiꞌzewaꞌjaꞌs vxitkhan?, meeçxa ¿Dxusaꞌ teeçx teeçxmaꞌk vxit?
-
¿Kĩh yũuçxa nasaweꞌsxyu fxiykxthaꞌw?
WEJXKWE PIYAYA ÃJANEGA
Theguka naa ejemplotxis, naa kiwate vxitsa ũssa.
“¿Naa kiwete vxitsa kweꞌsxtxis kĩh kik kaapiyaꞌjaꞌ?” (¡Despertad!, septiembre, 2006te)
Teeçx ney txãjx nçxiꞌkaꞌs kaapiyaꞌjn ũsna Dxus vxitnisa yakh.
Evolución weꞌwnisate jaꞌdaçxa weꞌwemaꞌk Dxus weꞌwnisate yakh.
“¿Dxus evolucionaꞌs iijxũumaꞌk ĩtxi fxiꞌzewaꞌjaꞌs vxitkhan?” (Pakwewe jw.org te)
Naa artículos meen lẽey ciencia vxiteꞌ fósiles kweꞌsxtxis kĩh kik kaapiyaꞌja ĩtxi fxiꞌzenisate.
Ĩtxi fxiꞌzenisas maꞌw kik takh. Cinco paapẽynisas paswaꞌj (folleto)
a Dxusaꞌ naa kiwes kĩh kik yũu wẽje, peꞌla 25te wejxkwe jiyunaꞌw.
