PEꞌLA 07

¿Jeuwayu maꞌwki?

TAKH

¿Jeuwayu maꞌwki?

Jeuwaꞌs yahkxçxa, ¿maa sũhuꞌguigk? Maii nasayu naa sũhuꞌneꞌta: Dxusaꞌ wala çxhãçxhasana, açyu Txãa yakh weꞌwya ãjameenaꞌw sũhuꞌneꞌta. ¿Idxaꞌ txãaweꞌsx naꞌwẽy yaatxiga? Txãaweꞌsxyu naa sũhuꞌneꞌta kpiꞌsx wala susteyu Dxusna sũhuꞌneꞌta, txãꞌw yahkxwaꞌjmeena. Nawa, ¿Jeuwayu maꞌwki? Jeuwa txãjx eçte kaavxaꞌjane txãjx ewsas, txaꞌwẽy jiyunaꞌw idxaꞌs wẽdxna ũstewa.

1. ¿Kĩh yũuçxakxthaꞌw Dxusaꞌs uyya ãjaçmeꞌ?

“Dxusaꞌ kweꞌsx naꞌwẽy kakwe jiꞌphmeꞌ naꞌ” (Juan 4:24). Jeuwa kakwe jiꞌphmeꞌnaꞌ. Txãayu cielutene fxiꞌze, txãa paꞌka uyya ãjameenaꞌw.

2. ¿Jeuwa kĩh ewsa jiꞌphki?

Jeuwasyu uyuuçmeethaꞌw, nawa txãjx ewsas jiyuçxa peeykãhyaꞌ ãjanaꞌw. Dxus eçaꞌ naꞌjĩꞌk: “Jeuwa kuꞌlesa vxitnisas peeykãjaꞌk txãasay baaçx yuhwa nvxithmeena txãas selpisaatxis” (Salmo 37:28). “Dxusaꞌ peeygãasaꞌ, txãasa puꞌçxyaꞌ ũsaꞌ” (Santiago 5:11). “Jeuwayu nxusna uꞌjusatxis utxaan ũsna, wala pxthaa yũun ũssatxis wala nweꞌwena” (Salmo 34:18). Kweꞌsxyu Dxusaꞌs kaanxusuꞌjuthaꞌw, nawa txaꞌwẽy kaaweçxaꞌjathaꞌw, ¿jiiga? Nasa ewmee yũute Jeuwayu wala nxusune (Salmo 78:40, 41). Nawa ewsas vxitte weçxane (lẽeywe Proverbios 27:11).

3. ¿Jeuwa txãjx peeykãanis kweꞌsxtxis maꞌw kik kaavxaꞌja?

Jeuwa txãjx peeykãanisaꞌs kaavxaꞌjne, Txãayu wala jxthuhthesana. “Dxusaꞌ peeygãasaꞌ” (1 Juan 4:8). Jeuwa txãjx peeykãanisaꞌs kaavxaꞌjn ũsna Dxus yuwe vxiteꞌ naa kiwete jxuka vxitnisa yakh (lẽeywe Hechos 14:17). Myahkx nasaweꞌsxtxis maꞌw kik vxit. Colores zxiçxkwesa uyuuthaꞌw, memnisas wẽseꞌjthaꞌw vxiteꞌ ũꞌ wãtsawa ũꞌyã ãjathaꞌw. Txãꞌwne wãt fxiꞌze jxthãasu.

WEJXKWEÇXA PIYAN UꞌJWEKA

Theguka Jeuwa maꞌw kik iijxũu ewsas vxityaꞌ. Txaꞌwẽy piyanaꞌw Jeuwa maꞌw kik txãjx ewsas kaavxaꞌjaꞌ.

4. Espíritu santo Dxus çxhãçxhasa jĩinisana

Kweꞌsxyu kuseꞌjuthaꞌw mjĩi, nawa Jeuwayu espíritu santo yakhne mjĩi. Dxus yuwe naꞌjĩꞌk espíritu santoyu nasameena açyu, Dxusa txãjx çxhãçxhasas iijxũuna jxuka kxtey vxitya. Lẽeywe Lukas 11:13 vxiteꞌ Hechos 2:17, txajuꞌ naa paapẽynisatxis paswe:

Kimweꞌsxwa Dxus espíritu santoꞌs pẽhyte ũssuna. Idxaꞌ maꞌwga yaatxi, ¿espíritu santo Dxusmanx, meeçxa espíritu santo çxhãçxhasamanx?, ¿kĩh yũuçxaga txãꞌw yaatxi?

Jeuwa txãjx espíritu santo iijxũuna kĩjkĩhnawa jxuka ewsas vxitwaꞌj. Lẽeywe Salmo 33:6 vxiteꞌ 2 Pedro 1:20, 21, txajuꞌ naa paapẽynisatxis paswe:

¿Jeuwa txãjx espíritu santoꞌs maꞌw kik iijxũu?

5. Jeuwayu meh ewsa jiꞌpha, kwesxyu Txãꞌsyu wẽdxithaꞌw

Moisés Dxusna selpiisaneyu, nawa wejxkwene ew jiyuwẽje. Txãa paꞌka Moisesyu naꞌjĩne: “Idx dxiꞌjas meen kaapiyaꞌj idxaꞌs ew jiyukhan” (Éxodo 33:13). Jeuwayu pasne txãjx ewsas weꞌwna. Lẽeywe Éxodo 34:4-6, txajuꞌ naa paapẽynisatxis paswe:

¿Jeuwa Moisés kĩh kik ewsas ptaꞌsx?
¿Jeuwa ewsas jiꞌphna maasga wejxkwe wẽdxi?

6. Jeuwayu nasaweꞌsxtxis wala wẽdxine

Dxus çxhabteweꞌsxaꞌ Egiptote yaꞌpkxuuneꞌta, ¿Jeuwayu maꞌw kik yahkx txãjx çxhabteweꞌsxtxis ptxuun ũste? AUDIO wẽseꞌjwe meeçxa lẽeywe Éxodo 3:1-10. Txajuꞌ naa paapẽynisatxis paswe.

AUDIO: Jeuwayu txãjx çxhabteweꞌsxtxis puꞌçxhwejene seena pxthaa yũun ũste (2:45)

Jeuwa txãjx çxhabaꞌs nxusna uy paꞌka, ¿idxaꞌ kĩhga piya? (Thegwe versículos 7 vxiteꞌ 8).
¿Jeuwayu nasaweꞌsxtxis isateyu puꞌçxhya wẽdximaꞌk?, ¿isateyu puꞌçxhya ãjamaꞌk? ¿Idxaꞌ kĩh yũuçxaga txãꞌw yaatxi?