Jeuwayu idxaꞌs jiyu thãasune. Dxusaꞌ ũythasune txãꞌs ew jiyuçxa, wejxkwe txãjx peeykãanisas wẽdxinaꞌw. Txajuꞌ idx wejxkwe namiku yũuneꞌga Jeuwate. Nawa, ¿isateyu Dxus namiku yũuyã ãjamag? (Lẽeywe Salmo 25:14). ¿Idxyu kĩh yũuwaꞌj jiꞌphguigk? Dxus yuwe txãa paapẽyniꞌs pasuꞌk. Txaꞌwẽy ptaꞌsxiꞌk: ¿kĩh yũuçxa kik Dxus namiku yũute wala jxthuhthesayu idx jĩi?

1. ¿Jeuwa idxaꞌs kĩh piꞌkxnisa kik vxit?

“Dxus tasxte mutxaawe, açaꞌ txãawa iꞌkweꞌsx yakh utxaana” (Santiago 4:8). ¿Txãa weꞌwnisa kĩh kik ptaꞌsx wẽje? Jeuwa idxaꞌs piꞌkxna ũssa namiku yũukhan. Nawa, vxiteyu naꞌwneta yaakxi: wala thẽyna Dxus yakh namiku yũuwaꞌja, Dxusaꞌs uyya ãjameꞌ paꞌka. Dxusyu Dxus eçaꞌsne nvxiht, kweꞌsxyu jiykhan Dxusyu maꞌwsatewa. Txaꞌwẽy txãa yakh utxaaya ãjanaꞌw, kweꞌsxyu Dxusaꞌs uyuuçmeethaꞌw, nawa Dxus eçaꞌs lẽeyçxayu, Dxus isayu ũsna sũhna jiyuçxa wejxkwe namiku yũun kaahanaꞌw.

2. ¿Kĩh yũuçxa wala ewki Jeuwa wejxkwe namiku yũute?

Jeuwa idxaꞌs wejx thaakwe wẽdxiꞌk. Dxusyu wãtne fxiꞌze jxthãasu vxiteꞌ pakweya ãjanaꞌw kĩh peejxçxawa. Idx “kĩh thẽysa vxyaatewa, txãꞌsaꞌ jxuka Dxus kuseteçxaçxáa [manvxihth], txãa paꞌgatey txãꞌ [idx] thegsaꞌ naa paꞌga” (1 Pedro 5:7). Jeuwa txãjx namikuweꞌsxtxis ih ũsna puꞌçxhya kvxiisxãꞌjn vxiteꞌ wẽseꞌjya (lẽeywe Salmo 94:18, 19).

3. ¿Jeuwa txãjx namikuweꞌsxtxis kĩh kik ũythasu?

Jeuwa maa nasaweꞌsxtxiwa peeykãhn ũsna, Txãayu “namikuna nasa ew yũun fxiꞌzesa yakh” (Proverbios 3:32). Jeuwayu txãjx namikuweꞌsxtxis ewmee yũunisasyu thãasuçmeeneꞌ saꞌ ewsaçxaaneꞌ yũu thãasu. Nawa nasayu naa sũhuꞌneta: Dxus jxkaahnisas kxtey yũuyã ãjameenaꞌw, sũhuꞌneꞌta. Jeuwayu jiina kweꞌsx ãhmeekwesatewa. Dxus jxuka nasawetxis jxpaꞌkan ũsna, nawa txãjx jxkaahniꞌs jxuka kxtey yũun ũste (Salmo 147:11; Hechos 10:34, 35).

 WEJXKWEÇXA PIYAN UꞌJWEKA

4. Abrahán Jeuwa namikune yũu

¿Jeuwa namiku yũute kĩhkx? Abrahante weꞌwnisaꞌs lẽeyçxa jiyuneꞌga (txaantey Abranne yaaseyu). Lẽeywe Génesis 12:1-4, txajuꞌ naa paapẽynisatxis paswe:

• ¿Jeuwa Abrahanaꞌs kĩh kik pẽhy?

• ¿Jeuwa Abrahanaꞌs kĩh kik ũsyaꞌ neeyũu?

• ¿Abrahán kĩh kik yũu Jeuwa jxkaahniꞌs jxpaꞌkaçxa?

5. ¿Jeuwa txãjx namikusweꞌsxtxis kĩh kik pẽhy?

Kweꞌsx namikuweꞌsxte kĩjkĩhnawa jxuka ũythasna ũsthaꞌw.

• ¿Idxyu kĩh ũythasna ũsga namikuweꞌsxtxis?

Lẽeywe 1 Juan 5:3, txajuꞌ naa paapẽynisatxis paswe:

• ¿Jeuwa txãjx namikuweꞌsxtxis kĩh ũythasna ũski?

Dxusaꞌs nwẽseꞌj wẽete kweꞌsx yahkxniꞌs vxiteꞌ kweꞌsx fxiꞌzeniꞌs yuꞌptheꞌjwaꞌj jiꞌphnetkhaꞌw. Lẽeywe Isaías 48:17, 18, txajuꞌ naa paapẽynisatxis paswe:

• ¿Jeuwa kĩh yũuçxa kik txãjx namikuweꞌsxtxis yuꞌptheꞌjya jxthãasu?

 6. Jeuwayu txãjx namikuweꞌsx jĩi, ¿kĩh kik yũu?

 ¿AYTE PAꞌJ KĨHKXTHAꞌW PIYA?

Jeuwa kweꞌsx namiku yũu wẽeçxayu, Txãaiiçxaa puꞌçxhine maꞌw yũuwathewa Txãa yakh utxaakhan.

¿Kĩh pasuguigk?

• ¿Jeuwa txãjx namikuweꞌsxtxis maꞌw kik puꞌçxh?

• ¿Jeuwa kĩh yũuçxa kik txãjx namikutxis yuꞌptheꞌjya jxthãasu?

• ¿Jeuwa txãjx namikuweꞌsxtxis meh wala pẽhymaꞌk?